1 DATU 13:8 - Sura' Madatu

⁸ Apa nakua te taunNa Puang Matua lako datu: Moi ammi benna’ sangsese tu tongkonan layukmi, tae’ duka tala tama sola, sia tae’ angku la kumande sia mangiru’ lan inan iate.

1 DATU 13:8 Referans Kwoze

KADIBILANGAN 24:13

Moi nabenna’ Balak ponno banuanna tu salaka sia bulaan, tae’ duka kuma’din ullendai parentaNa PUANG la umpogau’ kalenai tu misa’ apa melo ba’tu kadake; apa tu Napokada PUANG, iamoto tu la kupokada.

KADIBILANGAN 22:18

Mebalimi tu Bileam sia ma’kada lako to mase’ponna Balak nakua: Moi nabenna’ Balak ponno banuanna tu salaka sia bulaan, tae’ duka kuma’din ullendai parentaNa PUANG, Kapenombangku, la umpogau’ misa’ apa bitti’ ba’tu misa’ apa kapua.

MARKUS 6:23

Massumpami umpokadai lako nakua: Apa-apa mupalaku lako kaleku, la kubenko, moi na sangsesena te parentaku.

MARKUS 6:11

Umba-umba tu inan tang untarimakomi sia tang umperangiikomi, iammi sun dio mai, pentambakanni tu barra’-barra’ dio pala’ lentekmi, tanda sa’bi salana tu tau.

2 DATU 5:16

Apa nakua Elisa: La lelukraka tuoNa PUANG, tu kupengkaolai, inang tae’ kula unnalai. Moi nanaran-naran kumua anna alai, apa inang natampun.

KATASSURAN 7:2

Ikomo la umpokadai tu mintu’ Kupasanangko na Harun kakammu la ma’kada lako Firaun, kumua anna eloranni tu to Israel tassu’ lan mai tondokna.

KATASSURAN 5:6

Iamoto nama’kada tu Firaun allo iato lako mintu’ kapala bandoro’ sia bandoro’ tu untiro to buda, nakua:

KATASSURAN 5:3

Nakuami Musa sola Harun: Sitiromokan tu Kapenombanna to Ibrani, iamoto elorammokan sola nasang male lan kalingkan tallung allo mambelanna tama padang pangallaran la memala’ lako PUANG, Kapenombangki, da anNa sae umparampoikanni ropu ba’tu kandean pa’dang.

1 DATU 13:9

Belanna susimoto dipepasanan lako kaleku tete dio kadanNa PUANG, nakua: Tae’ muma’din kumande ba’tu mangiru’ dio, sia da musule umpolalanni tu lalan pura muolai.

KADIBILANGAN 22:8

Ma’kadami tu Bileam lako tau iato mai nakua: Ma’bongikomi indete bongi iate, angku pebaliikomi susitu la Napokadanna’ PUANG. Torromi tu arungna Moab sola Bileam.

PA’PUDIAN 141:4

Da Mieloranni tu penaangku malang lako kakadakean, kupourunganni umpogau’ katangmekaalukan, sola tu mai to bulituk, sia da angku kandei tu mai kande mammi’na.