1 DATU 13:2 - Sura' Madatu

² Ma’kadami tete dio kadanNa PUANG lako inan pemalaran, nakua: E, inan pemalaran, e inan pemalaran, nakua kadanNa PUANG: Lan tongkonan layukna Daud la dipadadian misa’ pia muane, disanga Yosia, iamo la urrere’i dao kalemu tu mintu’ to minaa biasa memala’ dao inan madao, tu untunu pemala’ dao kalemu, sia dao kalemu to, la nanii tau untunu buku tolino.

1 DATU 13:2 Referans Kwoze

YEHEZKIEL 36:1

E ma’rupa tau, ma’nubua’ko diona mintu’ buntunna Israel, kumua: E buntunna Israel, perangii tu kadanNa PUANG.

LUKAS 19:40

Mebalimi nakua: Kukua lako kalemi: Iake la ma’loko-lokoi tinde mai, inang la kumalasi-lasi tu batu.

YEHEZKIEL 38:4

La saeNa’ unnalako sia la kupakadangi kadangan tu parangka sadangmu, Kupatassu’ko male sola mintu’ surodadummu, iamotu mintu’ darang sia pakkanarang, sakka’ pa’bunona, iamotu misa’ tuntunan kapua, ma’pakolong sia ma’balulang; iatu mintu’ tau iato biasa ma’pa’dang.

YEHEZKIEL 36:4

Iamoto, e buntunna Israel, perangii tu kadanNa Puangta PUANG. Inde sia tu kadanNa Puangta PUANG lako mintu’ buntu, tanete, randan salu’-salu’ sia lombok, lako inan daun-lauan talo sia lako kota lo’bangmo, tu naporampan sia napoparumbasan mintu’ bangsa torronapa tiku lao.

YEREMIA 22:29

E tondok, e tondok, e tondok! perangii tu kadanNa PUANG.

YESAYA 58:1

Pemandui metamba, da mupela’i, pekapuai tonganni tu gamarammu susi napiri tanduk ammu pokadanni taungKu tu kapatodo-tintinganna sia bati’na Yakub tu mintu’ kasalanna.

YESAYA 46:10

Tu umpokadai randuk tipamulanna sae lako ma’katampakanna tu apa la dadi sia tempon dio mai tu apa tae’pa; tu ma’kada nakua: La dadi tu panglampakKu sia la Kupogau’ tu mintu’ pa’poraiangKu;

YESAYA 42:9

Tiromi, iatu apa dolo, saemo, anna totemo Kupokadangkomi tu apa ba’ru tae’pa namentaruk angKu paissannikomi.

YESAYA 1:2

Perangii, e mintu’ langi’!, sia patananni talinga, e lipu daenan! belanna nakua tu kadanNa PUANG: Kupelobo’i sia Kukaduttu’ tu mai pia, apa naboko’iMo’.

2 OSSORANNA DATU 34:1

Iatu Yosia karuamo taunna tonna dadi datu, anna ma’parenta tallungpulo mmisa taunna dio Yerusalem.

1 DATU 13:32

Belanna tae’ nasalai tang la dadi tu apa mangka napetamban tete dio kadanNa PUANG diona tu inan pemalaran dio Betel sia diona mintu’ banua pemalaran dao lu inan madao lan lu tondok Samaria.

PA’TOLE 32:1

Tananni talinga, e kamu mintu’ papa’na langi’, angku ma’kada, sia e padang, perangiimi tu kada nasa’bu’ randan dipudukku.

2 OSSORANNA DATU 34:3

Iatonna ma’karuamo taunna ma’parenta, tonna mangurapa, naparandukmi undaka’ Kapenombanna Daud, nene’ to dolona, na iatonna ma’sangpulo duamo taunna ma’parenta naparandukmi usseroi Yehuda sia Yerusalem dio mai mintu’ inan madao, sia lentong dipodeata sia iatu rapang-rapang dipodeata dipa’ sia rapang-rapang dipodeata dipati’no’.

YEREMIA 1:2

Iamora nanii rampo tu kadanNa PUANG tonna Yosia, anakna Amon datu to Yehuda tonna taun ma’pessangpulo tallunna ma’parenta.