Ruth 3:10 - Rut la Cantica di li Cantici e Matteu 1861 (volgarizzato in dialetto siciliano)

¹⁰ Ed iddu dissi: Biniditta sì di lu Signuri, o figghia. Cu chista tua ultima bontà hai superatu la prima: giacchì nun sì juta appressu a li giuvini, poviri o ricchi.

Ruth 3:10 Referans Kwoze

Ruth 2:20

E Noemi cci rispusi: Sia binidittu di lu Signuri: giacchì la stissa carità, ca ha avutu pri li vivi, l’ ha avutu pri li morti. E di cchiù dissi: Chiddu è parenti nostru.

Ruth 1:8

Cci dissi: Jitivinni a la casa di li vostri matri, e lu Signuri avissi misericordia di vuautri, comu vuautri l’ avistivu cu li morti e cu mia.

Ruth 2:4

Ed eccu ca iddu, vinennu di Bettelemmi, dissi a li mitituri: Lu Signuri sia cu vuautri. E chiddi cci rispusiru: Lu Signuri ti binidica.

Ruth 3:9

E cci dissi: Cui sì tu? Ed idda rispunniu: Iu sugnu Rut la to serva: stenni la to cutra supra la to serva, giacchì tu sì parenti.

Ruth 2:11

Ed iddu cci rispusi: M’ è statu dittu tuttu chiddu, c’ hai fattu a to soggira doppu la morti di to maritu: e c’ hai lassatu li to parenti, e lu paisi unni nascisti, e sì vinuta ’mmenzu a genti, ca prima nun canuscivi.