Titus lạgitʼ Pạul Apostolakʼ ciṭhi 3:13 - Santali Common Language New Testament

¹³ Ạn guru Senas ar Apolloss do calakʼ horre goṛowạkinme, jemon jãhãn ṭonṭa alo hoyokʼ tạkin.

সান্তালী বাইবেল

¹³ Ạn guru Senas ar Apolloss do calakʼ horre goṛowạkinme, jemon jãhãn ṭonṭa alo hoyokʼ tạkin.

Titus lạgitʼ Pạul Apostolakʼ ciṭhi 3:13 Referans Kwoze

Aposkạmi 18:24

Niạ oktere Apollos ńutuman mitʼṭen Jihudi do Ephesusteye hecʼena. Uniakʼ oṛakʼ do Alekasndriạ nagrahare tahẽkana. Uni do katha roroṛe mitʼṭen gạkhuṛ hoṛe tahẽkana ar sonot sostor hõ bes okocʼteye baḍaekan tahẽkana.

Mathae 22:35

Onko modren mitʼṭen ạn guru do Jisu biḍạuea menteye kulikedea,

Aposkạmi 28:10

Onko do ạḍi lekateko manotketʼlea ar tayomte jahaj laṛao jokhecʼ aleakʼ jạruṛokʼakʼko bojha gotʼatʼlea.

1 Korinthiko 16:11

Onate okoe hõ jemon aloko neṅghaoema. Menkhan sulukte kolgotʼkaepe, jemon uni do iń ṭhene hecʼ daṛeakʼ. Ente uni do boehako sãoteye hijukʼa menteń ńel horekana.

Romiko lạgitʼ Pạul Apostolakʼ ciṭhi 15:24

onate ńitokʼ Spaniạ disạmte parom calakʼ jokhecʼ ape ṭhen calakʼ iń menjoṅ kana. Ar asiń dohoyeda, ona horte sen paromokʼ jokhecʼ apeń ńel torapea ar ape tulucʼ thoṛa okte rạskạte khemao tayom apege Spaniạ disạmte calakʼ reakʼpe bondobosạńạ.

Aposkạmi 21:5

Onako din paromen khan ale do onkole bạgiatʼkote aleakʼ hortele mohnḍayena. Unre sanam celako ar onkoren bạhuko ar gidrạko do ale sãote nagraha bahre hạbicʼko oḍok hecʼena. Ar doreão aṛere ikhṛumentele koeyana.

Luk 14:3

Jisu do sostor baḍaeko ar Phạrusikoe kuliketʼkoa, “Moseakʼ ạn lekate jirạukʼ mãhãre jãhãe bogeko do cetʼ ganokʼgea?”

Luk 11:52

“Hae ape sostor baḍaeko do! Ape do akel reakʼ choṛanpe iditora akada. Ape hõ bape bolokʼkana ar bhitrite bolokʼko hõ bape bolo ocoako kana.”

Luk 11:45

Unre sostor baḍaeko modre mitʼ hoṛ do Jisui metadea, “E Guru, am do noa kathate ale hõm bemanotetʼlea.”

Luk 10:25

Mitʼṭen dhorom guru do Jisu ṭhene hecʼena. Ar biḍạue lạgitʼe menkeda, “E Guru, iń do cetʼ iń cekalere jaejug jioniń ńam daṛekea?

Luk 7:30

Menkhan Phạrusiko ar sostor baḍaeko do Johan ṭhen bako bạptismalente Isorakʼ monejoṅakʼko neṅghaokeda.

Aposkạmi 15:3

Antiokiạ manḍerrenko do onkoakʼ calakʼ reakʼko bebostakeda. Ado Phoenikiạ ar Samariạ Prodes talate calakʼ jokhecʼ Pạul ar Barnabas do hoṛkokin baḍae ocoketʼkoa, boṅgan hoṛ jạtrenko do Isor secʼ cetʼlekako ạcurokʼ kana mente. Ar noa khobor ańjomkate sanam biswạsikoge ạḍiko kusiyena.

Aposkạmi 19:1

Apollos Korinthreye tahẽkanre Pạul do Asiạ Prodes talate Ephesusteye hecʼena. Onḍe adom celakoe ńapamketʼkote onkoe kuliketʼkoa, “Probhu Jisurepe pạtiạulenre cetʼ sonot Jiupe ńamledea?” Metadeako, “Sonot Jiu je menae ona reakʼ katha do bale ańjomakada.”

1 Korinthiko 16:12

Ar boeha Apolloss reaṅ iń meneda. Iń do ạḍiń nehõrade tahẽkana jemon boehako sãote ape ṭhene calakʼ, menkhan ńitokʼ uni do calakʼ reakʼ mon bạnukʼtaea. Ar tayomteye opsorlen khan uni doe calakʼa.