Romiko lạgitʼ Pạul Apostolakʼ ciṭhi 8:9 - Santali Common Language New Testament

⁹ Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeakʼ ontorre Mạsiren Jiu bạnui uni do Mạsiren doe baṅkana.

সান্তালী বাইবেল

⁹ Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeyakʼ ontorre Mạsiren Jiu bạnui uni do Mạsiren doe baṅkana.

Romiko lạgitʼ Pạul Apostolakʼ ciṭhi 8:9 Referans Kwoze

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼkana mente?

2Timothi 1:14

Isor okaṭakʼ rukhiyại lạgitʼe emakatʼme ona horho doho akae tahenme aboreye girobas akan sonot Jiu hotete.

1 Korinthiko 6:19

Se bape baḍaea, apeakʼ ontorre okoeye tahenkan ar okoe do Isor ṭhen khonpe ńamakade, uni sonot Jiuakʼ tahen mundilge apeakʼ hoṛmo hạṭińko kana mente?

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoetapea.

Johan 14:17

Uni sohotʼicʼ kangeae sạriakʼren Jiu do. Dhạrtiren hoṛko uni do ohoko ataṅ daṛelea, ente onko do ńelhõ bako ńelekana ar baḍae hõ bako baḍae akadea. Menkhan ape dope baḍae akadea, ente uni do ape são sãoteye tahẽkana ar apeakʼ ontorreye girobasokʼa.

Ephesiko lạgitʼ Pạul Apostolakʼ ciṭhi 1:13

Ar apekohõ sạriakʼtetʼ reakʼ kathako kanape, metakʼme kại khon bańcao reakʼ bhage sombatpe ańjomketʼte Mạsirepe pạtiạu akana. Ar Mạsi tulucʼpe kolom mitʼakante Isor do acʼren gokʼicʼ sonot Jiu hoteteye mohor chap akatʼpea.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako krus akatʼtakoa.

Ephesiko lạgitʼ Pạul Apostolakʼ ciṭhi 2:22

Ape do uni tulucʼgepe kolom mitʼakana ar onate ape hõ mitʼ sãotepe gathao rakapʼ ocokʼkana, jemon sonot Jiu hotete Isorakʼ mundilpe hoedaṛeakʼ.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Johan 3:6

Manwa khon janamicʼ do manwage ar Jiu khon janamicʼ do Jiuge.

Philipiko lạgitʼ Pạul apostolakʼ ciṭhi 1:19

ente ińiń baḍaea, iń cetanre oka hoeakan ona reakʼ mucạtʼ jo do hoyokʼ kana bańcaokʼ; ar ona do apeakʼ koejoṅ hotete ar Jisu Mạsiren Jiu hotetege hoyokʼa.

1 Johan 4:13

Uni do acʼren Jiue dan akatʼ bona, ar noatege bon baḍae daṛeakʼa je, abo do unire menakʼ bona ar uni hõ aboakʼ ontorre menaea mente.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

1 Johan 4:4

Menkhan E gidrạko, ape do Isorren kanape. Ape do onko eṛeko cetanrepe jitạu akana, ente noa dhạrtire okoe menae, uni khon apeakʼ ontorre menayicʼ doe maraṅgea.

1 Korinthiko 15:23

Menkhan ona modre pạli menakʼa; pạhilre do Mạsige, ar ona tayom do Mạsirenko. Ar onko do uniakʼ seṭerokʼreko jiwetʼ beretʼ ocokʼa.

1 Johan 3:24

Okoe uniakʼ hukume bataoetʼkan uni do unireye tahenkana ar acʼ hõ unireye tahenkana. Ar okoeṭakʼ sonot Jiue emakatʼ bon uni sonot Jiu hotete bon bujhạu daṛeakʼa, uni do aboakʼ ontorreye tahenkana mente.

2 Korinthiko 6:16

Isorakʼ mundilre boṅga murtikoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Johan 3:34

Isor okoeye kolakade uni do Isorakʼ kathageye roṛa, ente Isor do sonot Jiu soṅkate bae emekana.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍae sanaletʼkoa Mạsiren uni Jiu do oka okte ar oka dosa reakʼ kathae baḍae ocoyetʼkoa.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

2 Korinthiko 10:7

Ape do bahre reakʼ muṭhạngepe ńeleda. Ar jãhãege apnar do Mạsiren kanae menteye pạtiạukʼ khan, enḍekhan noa hõe hudisma, uni cetʼlekae Mạsirenkan onakage ale hõ Mạsiren kanale.

Johan 14:23

Jisu do uniye roṛ ruạṛadea, “Jãhãege ińe dulạṛiń uni do ińakʼ kathae dohoea. Ińren Baba do uniye dulạṛea ar uni ṭhen liń hijukʼte uni soṅgeteliń tahena.

Aposkạmi 16:7

Ado Musiạ aṛeteko hecʼen khan onko do Bethaniạ disạmte calakʼko kurumuṭukeda, menkhan Jisuren Jiu do bae sen ocowatʼkoa.

Romiko lạgitʼ Pạul Apostolakʼ ciṭhi 7:5

Kại gobolre bon tahẽkanre ạn-ạriko do abo talare kại reakʼ laloce rakapʼ ocoyetʼ tahẽkana ar ona lalocge aboakʼ hoṛmoreye kạmikan tahẽkana; onate aboakʼ jionre moron lạgitʼ bon jokʼ kan tahẽkana.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạyokʼ lek mente bae hudiskoa.

1 Korinthiko 6:17

Menkhan Probhu tulucʼ mitʼakanicʼ do uni tulucʼe mitʼ Jiugea.

Ephesiko lạgitʼ Pạul Apostolakʼ ciṭhi 3:17

ar biswạs hotete Mạsi do apeakʼ monre purạte girobas akane tahen. Iń do arhoń koeyeda jemon Mạsiakʼ dulạṛre rehetʼ ar bạisạu akanpe tahen,