Romiko lạgitʼ Pạul Apostolakʼ ciṭhi 8:28 - Santali Common Language New Testament

²⁸ Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ sãoteye kạmikana.

সান্তালী বাইবেল

²⁸ Baḍaegea bon okoe Isorko dulạṛede, metakʼme Isor acʼakʼ monsubạ leka okoekoe hohoakatʼko onko bhạlạiko lạgitʼ jotowakʼge mitʼ domteye kạmikana.

Romiko lạgitʼ Pạul Apostolakʼ ciṭhi 8:28 Referans Kwoze

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

1 Korinthiko 2:9

Menkhan sonot sostor reakʼ katha leka; “Isor okoeko dulạṛedekan onko lạgitʼ uni okakoe ṭhik dohoakatʼ, ona do okoe hõ mẽtʼte bako ńelakada, luturte bako ańjom akada ar hudis hõ bako hudis akada.”

Romiko lạgitʼ Pạul Apostolakʼ ciṭhi 8:30

Okoe laha khone ṭhik dohoakatʼko tahẽkan onko do hoho hõe hohoatʼkoa; ar okoeye hohoatʼko onko do dhorom mente ataṅ hõe ataṅketʼkoa; ar okoeko dhorom menteye ataṅketʼko onko do acʼakʼ ṭhonok hõe danatʼkoa.

2Timothi 1:9

Isorge aboakʼ kại khone bańcao akatʼ bona ar sonot jion khemao lạgitʼe hohoakatʼbona. Aboakʼ jãhãn kạmiko lạgitʼ do baṅ, bickom uniakʼ monsubạ ar daya lạgitʼgeye kạmi akada. Dhạrti sirjạu laha khonge Mạsi Jisu hotete uni do acʼakʼ daya dane emakatʼ bona,

1 Korinthiko 1:9

Isor doe pạtiạrgea, ar unige ape doe hohoakatʼpea jemon uniren Hopon aboren Probhu Jisu Mạsi ar ape talare helmel tahen.

Johan sodor 3:19

Okoeyiń dulạṛetʼko, onkoge doskoń udukʼakoa ariń ḍanṭaokoa. Onate noa khon mon ạcur lạgitʼ ahkaokʼme.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniakʼ dayatege apostol hoyokʼ lạgitʼe hohoakadińạ.

1 Thessalonikikko 5:9

Sạjại ńam lạgitʼ do baṅ bickom aboren Probhu Jisu Mạsi hotete bańcao ńam lạgitʼge Isor doe ṭhik dohoakatʼ bona.

Mark 12:30

Onate apeakʼ goṭa ontorte, goṭa jiwite, goṭa monte ar goṭa daṛete aperen Probhu Isor dulạṛepe.’

Ephesiko lạgitʼ Pạul Apostolakʼ ciṭhi 3:11

Ar noage uniakʼ do jaejug reakʼ monsubạ tahẽkantaea, ar ona monsubạge aboren Probhu Jisu Mạsi hoteteye purạukeda.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛedekan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

1 Johan 4:19

Uni do pạhilre aboe dulạṛ maṛaṅketʼ bontege abo bon dulạṛede kana.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu do acʼrenkoe baḍaeyetʼkoa, ar okoe do Mạsi Probhu menteko hohoaekan onko do sanam bedhorom kạmi khonko sahaṛokʼma.”

1 Johan 4:10

Isor do aboge bon dulạṛ akadea ona do baṅ, menkhan unigeye dulạṛketʼ bonte acʼren Hopone kolkedea, jemon Hopon do acʼakʼ jiwiye alaete aboakʼ kạiko meṭaokate Isore kusi ocoye. Ar noa kangea dulạṛ do.

Romiko lạgitʼ Pạul Apostolakʼ ciṭhi 9:11

Uni herel hoṛ doe tahẽkana aboren mare hapṛam Isạhakge. Unkin gidrạ ạurikin janamokʼrege ar boge bạṛicʼ ạurikin kạmirege Isor do Rebekae metade tahẽkana, “Maraṅicʼ do huḍińicʼren golame hoyokʼa.” Noate Isor doe udukʼletʼ tahẽkana je, acʼakʼ monejoṅakʼ purạu lạgitʼgeye bachao joṅa; jãhãn kạmi iạte do bae onkaea bickom acʼakʼ kusilekage hoṛkoe hohoakoa.

2 Korinthiko 5:1

Baḍaegeabon, noa dhạrtire oka kumbạ oṛakʼre bon tahenkan metakʼme, oka nijor hoṛmowante menakʼbon ona rạputʼlenre hõ aboakʼ do Isor emakʼ mitʼṭen oṛakʼ menakʼ tabona. Ona oṛakʼ do manwa tite benaoakʼ baṅkana, ona do jaejug khonge sermare menakʼa.

Galathiko lạgitʼ Pạul Apostolakʼ ciṭhi 5:8

Okaṭakʼpe manao akatʼ, ar okoeye hohoakatʼpe uni Isor ṭhen khon ona do baṅ hecʼakana.

Aposkạmi 13:48

Noa katha ańjomkate boṅgan hoṛ jạtrenko doko rạskạyena ar Probhuakʼ kathako sarhaokeda; ar jaejug jion ńam lạgitʼ Isor tinạkʼe niṭ dohoakatʼko tahẽkan onko doko pạtiạuena.

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

1 Korinthiko 1:24

menkhan baṅ do Jihudige ar baṅ do Junạnige, Isor okoeye hoho akatʼko onko ṭhen do uni Mạsi kangeae Isorakʼ daṛe ar akeltetʼ.

Galathiko lạgitʼ Pạul Apostolakʼ ciṭhi 1:6

Mạsiakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Ephesiko lạgitʼ Pạul Apostolakʼ ciṭhi 4:1

Onate Probhure kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭen nawa bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoeakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạt kanape ar uniren hoṛpe hoeakana,” Ńut khon acʼakʼ hahaṛa marsalte okoeye hoho ạguketʼpe unige jemonpe sarhao sereńae.

1 Patras 3:9

Bạṛicʼ bodol okoe hõ bạṛicʼ alope hala ruạṛakoa se jãhãeko egerlepere alope eger ruạṛkoa, bickom bhorakope; ente bhor ńam lạgitʼge Isor doe hohoakatʼpea.