Romiko lạgitʼ Pạul Apostolakʼ ciṭhi 7:5 - Santali Common Language New Testament

⁵ Kại gobolre bon tahẽkanre ạn-ạriko do abo talare kại reakʼ laloce rakapʼ ocoyetʼ tahẽkana ar ona lalocge aboakʼ hoṛmoreye kạmikan tahẽkana; onate aboakʼ jionre moron lạgitʼ bon jokʼ kan tahẽkana.

সান্তালী বাইবেল

⁵ Kại gobolre bon tahẽkanre ạn-ạriko do abo talare kại reakʼ laloce rakapʼ ocoyetʼ tahẽkana ar ona lalocge aboakʼ hoṛmoreye kạmikan tahẽkana; onate aboakʼ jionre moron lạgitʼ bon jokʼ kan tahẽkana.

Romiko lạgitʼ Pạul Apostolakʼ ciṭhi 7:5 Referans Kwoze

Ephesiko lạgitʼ Pạul Apostolakʼ ciṭhi 2:3

Abo sanamkoge abo do aboakʼ jel reakʼ sana bon purạuetʼ tahẽkante onko hoṛko talare mitʼ okte jion bon khemaoetʼ tahẽkana. Ar jel khon okako sana ar hudisko rakabokʼ ona lekage bon kạmikan tahẽkana. Noa colon iạtege abo hõ eṭakʼko leka Isor ṭhen khon sạjại ńam lek hoṛ bon tahẽkana.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako krus akatʼtakoa.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Romiko lạgitʼ Pạul Apostolakʼ ciṭhi 6:13

Hoṛmo reakʼ oka hạṭiń hõ behokakʼ kạmi reakʼ hạtiạr lekate kại reakʼ tire alope jimạkakʼa. Gocʼko khon jiwetʼ akan hoṛko lekate ape do Isor ṭhen gobolokʼpe ar dhorom kạmi reakʼ hạtiạr lekate apeakʼ goṭa hoṛmoge Isor emaepe.

Romiko lạgitʼ Pạul Apostolakʼ ciṭhi 6:21

Lahateakʼ okako kạmi reakʼ kathako hudiskate ńitokʼpe lajaokʼkan onako kạmi khon apeakʼ do cetʼ porho hoekokʼa? Ona reakʼ mucạtʼ jo do hoyokʼ kana moron.

1 Johan 3:4

Okoeko kạiyetʼkan onko do Isorakʼ katha bako bataoeda. Ar Isorakʼ katha bebataoge hoyokʼ kana kại do.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, bạṛicʼakʼ reakʼ laloc ar dhon reakʼ laloc menakʼa, one oka do boṅga sewakan.

1 Korinthiko 15:56

Gujukʼ reakʼ suṅgạ do kại kana, ar kại reakʼ daṛe do Moseakʼ ạnkoge.

Jakob 4:1

Ape talare lạṛhại ar jhogṛa do oka khon hijukʼ kana? Okako rij roṅ apeakʼ hoṛmoreye lạṛhạikan ona khonge cetʼ onako do baṅ oḍok hijukʼ kana?

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoea.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Ephesiko lạgitʼ Pạul Apostolakʼ ciṭhi 2:11

Janam secʼ lekate ape do boṅgan hoṛ jạtrenko kanape. Ar okoe titeko khatna ocoakan, metakʼme apnarte khatna akan hoṛ menteko ńumogokʼkan onko do bin khatna hoṛ menteko metapekana.

Romiko lạgitʼ Pạul Apostolakʼ ciṭhi 7:23

enrehõ iń doń ńel ńameda je, mitʼṭen eṭakʼ lekan niạm do ińakʼ hoṛmoreye kạmikana. Oka bhageakʼkan ińakʼ mon do onage bhageakʼ menteye ataṅeda, menkhan noa eṭakʼ niạm do ińakʼ mon birudreye lạṛhại kana, are gobol akadińạ. Ińre oka kại menakʼ noage ona reakʼ niạm do.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoe ocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam hoe ocoetape.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Romiko lạgitʼ Pạul Apostolakʼ ciṭhi 4:15

Ente ạn-ạri do Isorakʼ sạjạiye ạguea. Sạri katha do noage, okare ạnko baṅ tahen onḍe do ạn bemanot reakʼ kukli hõ oho rakapʼlena.

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅ, menkhan ạn hotetege manwa do acʼakʼ kại reaṅ cehaonae ńameda.

Romiko lạgitʼ Pạul Apostolakʼ ciṭhi 1:26

Manwa noakoko kạmi akatʼte Isor do lajaote perecʼ rij roṅreye soprotkatʼkoa. Ente maejiuko do herel tulucʼ baṅkate eṭakʼ maejiuko tulucʼ bạṛicʼ ar lajao paṛaoakʼ kạmiko kạmi kana.

Johan 3:6

Manwa khon janamicʼ do manwage ar Jiu khon janamicʼ do Jiuge.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

2 Korinthiko 10:3

Abo do jel ar mãyãmren hoṛ kanrehõ bon okaṭakʼ lạṛhại bon lạṛhạikan ona do jel ar mãyãm reakʼ do baṅkana.