Romiko lạgitʼ Pạul Apostolakʼ ciṭhi 7:15 - Santali Common Language New Testament

¹⁵ Iń okaṭakʼ iń kạmikan ona do iń nijạge bạń bujhạueda, ente okaṭakʼ cekayiń menetʼkan ona do bạń onkayeda bickom okakoń hirkhạwakʼ kan onakogeń onkayeda.

সান্তালী বাইবেল

¹⁵ Iń okaṭakʼ iń kạmikan ona do iń nijạge bạń bujhạueda, ente okaṭakʼ cekayiń menetʼkan ona do bạń onkayeda bickom okakoń hirkhạwakʼ kan onakogeń onkayeda.

Romiko lạgitʼ Pạul Apostolakʼ ciṭhi 7:15 Referans Kwoze

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin birudrekin meneda ape okape monejoṅkan ona do alope kạmiya.

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼa.

Romiko lạgitʼ Pạul Apostolakʼ ciṭhi 12:9

Dulạṛre phạsiạra do alo tahenma. Okaṭakʼ bạṛicʼakʼkan ona do hirkhạwakʼpe; ar bhageakʼre jamaṛ akae tahenpe.

Jihudạwakʼ ciṭhi 1:23

Ar adomko do seṅgel khon ạtkir oḍokkate bańcaokope. Jel reakʼ sanate okoeakʼ jion mạilạ akan onkoakʼ besapha kicricʼko hõ hirkhạwakʼpe ar apnar sontor akae tahente onko mãyãwakope.

Romiko lạgitʼ Pạul Apostolakʼ ciṭhi 14:22

Noa reaṅ am okaṭakʼ bhage mentem pạtiạukʼkan ona do Isor ar am talarege dohoeme. Ar bhageakʼ menkate jãhãnakʼ kạmi jokhecʼ jãhãeakʼ bibek hõ uni bako dusiye khan enḍekhan uni doe bhạgangea.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu do acʼrenkoe baḍaeyetʼkoa, ar okoe do Mạsi Probhu menteko hohoaekan onko do sanam bedhorom kạmi khonko sahaṛokʼma.”

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Romiko lạgitʼ Pạul Apostolakʼ ciṭhi 7:16

Okaṭakʼ bạń khojkan, onageń kạmikan khan iń do noań aṅgocetʼ kana je, ạnko do bhagegea.

Luk 11:48

Onate aperen hapṛamkoren gohako do apege ar onkoakʼ ona kạmiko hõ apegepe aṅgoceda. Ente onko do nạbikoko gocʼletʼkoa ar ape do onkoakʼ topakope benao aroyeda.

Johan 15:15

Iń do golam bạń metapekana, ente kisạ̃ṛ cetʼe cekakan golam do ona bae baḍaea; menkhan iń do gateń metapekana, ente Baba ṭhen khon okań ańjomakatʼ onage apeń baḍae ocoakatʼpea.