Romiko lạgitʼ Pạul Apostolakʼ ciṭhi 6:23 - Santali Common Language New Testament

²³ Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

সান্তালী বাইবেল

²³ Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 6:23 Referans Kwoze

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

Romiko lạgitʼ Pạul Apostolakʼ ciṭhi 5:12

Mitʼṭen manwa hotete dhạrtire kại boloyena ar ona kại hotete gujukʼ hõ boloyena. Ente sanam manwako kại akatʼte sanamko ṭhenge gujukʼ hõ boloyena.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoea.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniakʼ daya do rajokʼ: ar ona reakʼ jo do hoyokʼkana aboren Probhu Jisu Mạsi hotete jaejug jion hameṭ joṅ.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Johan 10:28

Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sewako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Romiko lạgitʼ Pạul Apostolakʼ ciṭhi 5:17

Mitʼṭen manwawakʼ kại gunạkʼte gujukʼ ar uni mitʼ hoṛ hotetege rajokʼe ehopʼleda. Menkhan okoe do Isorakʼ asambheṛ daya ar dhorom menteko ataṅ ocokʼ, onko do uni mitʼ hoṛ, metakʼme Jisu Mạsi hotete sạri jion reakʼ perecʼtetʼ iạte khạṭigeko rajokʼa.

Romiko lạgitʼ Pạul Apostolakʼ ciṭhi 6:16

Ape do cetʼ bape baḍaea, golam leka jãhãeakʼ gobolrepe tahen ar uniakʼ hukumkope bataotae khan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Johan 6:68

Simon Patras do Jisui metadea, “E Probhu, ale do okoe ṭhenle calakʼa? Jaejug jion reakʼ katha ma coṅ am ṭhenge.

Johan 6:27

Menkhan oka jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniakʼge menakʼtaea mente.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniakʼ ontorre jaejug jion lạgitʼ bhumbukokʼkan jharna leka hoyokʼa.”

Johan 4:36

Okoe phosole samṭaoetʼkan uni do ńitge kuṛạiye ńameda ar jaejug jion lạgitʼ phosole doho jarwayeda. Onate itạ erokʼicʼ ar phosol samṭaoicʼ, unkin banarge mitʼ sãotekin rạskạkʼ kana.

Romiko lạgitʼ Pạul Apostolakʼ ciṭhi 1:32

Isorakʼ bicạr reakʼ katha mońjtegeko baḍaea je, okoe nonkanakʼko kạmi onko do gujukʼ sạjại lek kanako mente. Ar noa katha baḍaekate hõ eken niạgeko kạmikana ona do baṅ, bickom eṭakʼko hõ onkan kạmi lạgitʼko sãhãkʼako kana.

Romiko lạgitʼ Pạul Apostolakʼ ciṭhi 6:21

Lahateakʼ okako kạmi reakʼ kathako hudiskate ńitokʼpe lajaokʼkan onako kạmi khon apeakʼ do cetʼ porho hoekokʼa? Ona reakʼ mucạtʼ jo do hoyokʼ kana moron.

Romiko lạgitʼ Pạul Apostolakʼ ciṭhi 8:6

Kại okae khojkan ona reakʼ monejoṅakʼ do moron kana, ar sonot Jiu reakʼ khojogokʼ leka senokʼ do jion ar sulukge.

Romiko lạgitʼ Pạul Apostolakʼ ciṭhi 8:13

Ape do kại gobolrepe colon khan jaejug lạgitʼpe gujukʼa. Menkhan sonot Jiu hotete hoṛmo reakʼ sanam bạṛicʼakʼ kạmikope marao giḍiletape khan, enḍekhan jaejug hạbicʼ jiwetʼpe tahena,

Romiko lạgitʼ Pạul Apostolakʼ ciṭhi 8:38

Iń do noa katha bes okocʼtegeń baḍaea, moron se jion, serma goḍet se Soetanren goḍet, menakʼakʼko se darakanakʼko se eṭakʼ jãhãn daṛeko,

Romiko lạgitʼ Pạul Apostolakʼ ciṭhi 8:39

se serma cetan se dhạrti latar reakʼ jãhãnakʼ sirjạukʼge okoe hõ Isorakʼ dulạṛ khon ohoko begar daṛelebona. Isorakʼ noa dulạṛ do aboren Probhu Mạsi Jisurege menakʼa.