Romiko lạgitʼ Pạul Apostolakʼ ciṭhi 6:22 - Santali Common Language New Testament

²² Menkhan ńitokʼ do kại khonpe sạdhin akante Isorren golampe hoeakana. Onate porho do noage hoeakana, ape dope sonot ocokʼa, ar ona reakʼ mucạtʼ jo do hoyokʼ kana jaejug jion.

সান্তালী বাইবেল

²² Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Romiko lạgitʼ Pạul Apostolakʼ ciṭhi 6:22 Referans Kwoze

1 Patras 2:16

Sạdhin hoṛko leka jion khemaope, menkhan dusṭạmi dapal lạgitʼ ona sạdhintetʼ do alope beohara. Ona bodolte Isorren golamko leka jion khemaope.

Romiko lạgitʼ Pạul Apostolakʼ ciṭhi 6:18

Kại khonpe sạdhinente dhoromren golampe hoeakana.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Johan 8:32

Ona chaḍa ape do sạriakʼtetʼpe baḍae daṛeakʼa, ar ona sạriakʼtetʼge ape doe sạdhinpea.”

Galathiko lạgitʼ Pạul Apostolakʼ ciṭhi 5:13

E boehako, sạdhin ocokʼ lạgitʼge Isor doe hohoakatʼpea. Menkhan apeakʼ jel reakʼ sana purạu lạgitʼ noa sạdhintetʼ do alope laṛcaṛa. Ona khon bickom dulạṛte mitʼ hoṛ eṭakʼ hoṛe sapʼ soraema,

1 Korinthiko 7:22

Golam tahenre Probhu okoeye hohoakawade uni do Probhu hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoeakana.

1 Patras 1:9

Ente apeakʼ pạtiạu reakʼ jo dope ńam lạgidokʼ kana, ar ona mucạtʼ jo do apeakʼ purạ puri bańcaotetʼ kana.

Galathiko lạgitʼ Pạul Apostolakʼ ciṭhi 1:10

Noate iń do okoeakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Romiko lạgitʼ Pạul Apostolakʼ ciṭhi 6:14

Ape do kạiren golam dope baṅkana, ente Isorakʼ daya tạriren kanape, ạn-tạriren dope baṅkana.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiakʼ hoṛmo secʼte ar Moseakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren pe hoeakana, jemon apeakʼ jion do Isor lạgitʼ jo daṛeakʼ.

Romiko lạgitʼ Pạul Apostolakʼ ciṭhi 6:21

Lahateakʼ okako kạmi reakʼ kathako hudiskate ńitokʼpe lajaokʼkan onako kạmi khon apeakʼ do cetʼ porho hoekokʼa? Ona reakʼ mucạtʼ jo do hoyokʼ kana moron.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhupe kusi ocoyete unire lek lekape colon.

Philipiko lạgitʼ Pạul apostolakʼ ciṭhi 4:17

Jãhãn daniń khojokʼ kana ona do baṅ, menkhan nonkan jotetʼ geń asokʼ kana one oka do ape ńutumte doho jarwa idikʼ.

Ephesiko lạgitʼ Pạul Apostolakʼ ciṭhi 5:9

ente sanam lekan bhạlại ar dhorom ar sạriakʼ kangea marsal reakʼ jo do.

2 Korinthiko 3:17

Probhu kangeae sonot Jiu do; ar okare Probhuren Jiu onḍege sạdhintetʼ.

Romiko lạgitʼ Pạul Apostolakʼ ciṭhi 7:25

Aboren Probhu Jisu Mạsi hotete iń do Isor iń sarhaoedekana je, uni do ińe rukhiyạ akadińạ. Enḍekhan ńelokʼ kana je, mon secʼte iń do Isorakʼ ạnren golam kạnạń, menkhan kại secʼte do kại reakʼ niạmren golamge.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Johan 4:36

Okoe phosole samṭaoetʼkan uni do ńitge kuṛạiye ńameda ar jaejug jion lạgitʼ phosole doho jarwayeda. Onate itạ erokʼicʼ ar phosol samṭaoicʼ, unkin banarge mitʼ sãotekin rạskạkʼ kana.

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

Mathae 13:43

Unre dhorom hoṛ do akoren sermaren Babawakʼ rajre siń cando lekako jhak jhakaokʼa. Ańjom lạgitʼ lutur menakʼtaeicʼ hoṛ doe ańjomma.

Mathae 13:40

Sama ghãs jarwakate cetʼ leka seṅgelre atar giḍikʼ, onkage jug reakʼ mucạtʼre hõ hoyokʼa. Manwa Hopon do acʼren serma goḍetkoe kolkoa.

Johan sodor 7:13

Unre mitʼṭen murubi doe metadińạ, “Ponḍ kicricʼ horokʼakatʼ noko hoṛ doko okoe kana? Ar oka khonko hecʼakana?”

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chir chạtur akan Jihudikoren gel bar bõsrenko johariń emako kana.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

Ibriko 12:14

Sanam hoṛko tulucʼ sulukte tahen ar sonot hoyokʼ lạgitʼ ahkaokʼpe. Sonot begor Probhu do okoe hõ bako ńelńamea.