Romiko lạgitʼ Pạul Apostolakʼ ciṭhi 6:17 - Santali Common Language New Testament

¹⁷ Menkhan Isorakʼ sarhao hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

সান্তালী বাইবেল

¹⁷ Menkhan Isorakʼ sarhao baṛe hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

Romiko lạgitʼ Pạul Apostolakʼ ciṭhi 6:17 Referans Kwoze

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạt kanape ar uniren hoṛpe hoeakana,” Ńut khon acʼakʼ hahaṛa marsalte okoeye hoho ạguketʼpe unige jemonpe sarhao sereńae.

2Timothi 1:13

Iń ṭhen khon okam ańjomakatʼ ona sạriakʼ reakʼ sikhnạt do nạmuna lekate sapʼ dohoeme; ar Mạsi Jisu tulucʼ jopoṛao iạte aboakʼ ontorre oka dulạṛ ar biswạs janamakan ona sapʼ dohojoṅme.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭen mahkaokʼ kan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

Romiko lạgitʼ Pạul Apostolakʼ ciṭhi 16:26

menkhan ńitokʼ bhage sombat hotete ona do sodor akana ar ona lekage iń hõń porcareda. Ar jaejugicʼ Isorakʼ hukum leka nạbikoakʼ olakʼ hotete sanam jạtren hoṛko ṭhen ona do baḍae ocoakana, jemon onko do Mạsireko pạtiạukʼte Isorren bataokoko hoedaṛeakʼ.

Romiko lạgitʼ Pạul Apostolakʼ ciṭhi 1:8

Pạhilrege iń do Jisu mạsi hotete ape sanamko iạte ińren Isoriń gunmanao joharae kana, ente apeakʼ biswạs reakʼ katha do goṭa dhạrtire pasnao akana.

3 Johan 1:3

Iń do ạḍitetʼiń rạskạyena ente adom biswạsi boehako hecʼkate am reaṅ noa gohako emkeda je, am do Isorakʼ sạriakʼre pạtiạr menama ar ona lekam taṛameda.

Romiko lạgitʼ Pạul Apostolakʼ ciṭhi 15:18

Iń hotete Mạsi okaṭakʼe kạmiakatʼ ona bahre jãhãn katha roṛ do ohoń dil daṛekea. Unige ińakʼ katha ar kạmite, hahaṛa kạmi ar cinhạko hotete ar sonot Jiu reakʼ daṛete boṅgan hoṛ jạtrenko do Isorreye tabe ocoakatʼkoa. Onate iń do Jerusalem khon ehopʼkate Illurikum hạbicʼ sanam jaegare Mạsiakʼ bhage sombat purạteń lại jạhirakada.

Aposkạmi 11:18

Noa katha ańjomkate Jihudạren biswạsiko do begor ạnḍuṅte Isor sarhaoateko menkeda, “Isor do boṅgan hoṛ jạtrenko hõ kại khon mon ạcurkate jion ńam lạgitʼ ạte em akatʼkoa.”

2 Johan 1:4

Baba okaṭakʼe hukumakatʼ bon ona lekage amren adom gidrạko do Isorakʼ sạri horte calakʼiń ńeletʼkote ạḍiń rạskạkʼ kana.

Ibriko 5:9

Nonkate tinreye sạbit ocoyena unre acʼakʼko bataotae sanamko lạgitʼ jaejug bańcaokʼ reakʼ hore hoyena.

Philimon 1:4

Iń do jaoge koejoṅreń disạyetʼmete Isoriń gun manao joharae kana,

2 Thessalonikiko 1:3

E boehako, ape ńutumte jao okte Isor gun manao johar emae lek kantalea. Apeakʼ pạtiạu do ạḍitetʼ baḍhao idikʼ kana ar ape mimitʼkoakʼ dulạṛ ape apere sarhe idikʼkante ale do sarhao emokʼ lek kantalea.

1 Patras 4:17

Bicạr reakʼ okte do hoeakana ar ona do Isorakʼ gharońjren hoṛko khonge ehobokʼa. Ar ona bicạr do abo khonge ehopʼlen khan, enḍekhan okoe Isorakʼ bhage sombat bako manao akatʼ onko do cetʼ dosa hoyokʼtakoa?

1 Patras 3:1

Onkage E maejiuko, ape do aperen jãwãe ṭhen gobol akan tahenpe, jemon jãhãe hoṛ Isorakʼ kathare bako pạtiạulenre hõ apeakʼ colonte onko do Mạsi secʼko ạwilokʼ. Onate ape do mitʼṭen katha hõ roroṛ baṅ lagaoapea,

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Ibriko 11:8

Isor do Abrahame hohoade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

1 Thessalonikikko 3:9

Ape khạtirte Isor samaṅre aleakʼ oka rạskạ, ona bodolte okalekate ape iạte unile sarhaoea ona do bale baḍaea.

Ephesiko lạgitʼ Pạul Apostolakʼ ciṭhi 1:16

un khon ape ńutumte gun manao johar do tishõ bạń thir akana.

1 Korinthiko 1:4

Iń do siń sạṭupʼ ape lạgitʼ ińren Isoriń gunmanao joharae kana, ente Mạsi Jisu tulucʼpe mitʼ akante ape do Isorakʼ dayape ńam akada.

Romiko lạgitʼ Pạul Apostolakʼ ciṭhi 1:5

Uni hotete ar uniakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Romiko lạgitʼ Pạul Apostolakʼ ciṭhi 2:8

Menkhan okoe akoakʼ sana lekako senokʼ, ar sạriakʼ baṅ bataokate bedhoromakʼko bataoetʼkan, Isor do onko ạḍi bạṛicʼe sạjạikoa.

Aposkạmi 28:15

Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

1 Korinthiko 14:6

Onate E boehako, ape ṭhen senkate eṭakʼ pạrsikoteń roṛle khan enḍekhan cetʼ iń porhokepea; sodorakʼ, se baḍaeakʼ, se nạbiakʼ, se sikhạuna reakʼakʼ bạń galmarao ape khan do?