Romiko lạgitʼ Pạul Apostolakʼ ciṭhi 6:16 - Santali Common Language New Testament

¹⁶ Ape do cetʼ bape baḍaea, golam leka jãhãeakʼ gobolrepe tahen ar uniakʼ hukumkope bataotae khan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

সান্তালী বাইবেল

¹⁶ Ape do cetʼ bape baḍaea, golam leka jãhãeakʼ gobolrepe tahen ar uniyakʼ hukumkope bataotae enḍekhan uniren golamkope hoyokʼ kana mente? Onkage ape do kạiren golam hoyokʼtepe gujukʼa, ar baṅkhan Isorren golam leka dhoromakʼkope kạmiya.

Romiko lạgitʼ Pạul Apostolakʼ ciṭhi 6:16 Referans Kwoze

Johan 8:34

Jisui roṛ ruạṛatʼkoa, “Sạrigeń metapekana, okoe kạireko tahenkan onko sanamkoge kạiren golam kanako.

2 Patras 2:19

Onko eṛe cecetʼko do onko hoṛko sạdhinokʼ reakʼko gokʼako kangea, menkhan ako do bạṛicʼ kạmire golam akanko tahenkana; ente jãhãe jãhãnakʼreye bhagao ocolen khan uni do onaren golame hoyokʼa.

Mathae 6:24

‘‘Okoe hõ barea kisạ̃ṛ ṭhen guti ohoe khaṭao daṛelena, ente mitʼ hoṛe dulạṛea ar eṭagicʼ doe kurudaea. Mitʼ hoṛakʼe ańjomtaea ar eṭagicʼ doe neṅghaoea. Isor ṭhen ar dhon ṭhen guti do ohope khaṭao daṛelena.

Romiko lạgitʼ Pạul Apostolakʼ ciṭhi 6:17

Menkhan Isorakʼ sarhao hoyokʼma, ente ape do kạiren golampe tahẽkanre hõ, okaṭakʼ sikhạunape ńamakatʼ ona reakʼ do goṭa ontortepe batao akada.

Romiko lạgitʼ Pạul Apostolakʼ ciṭhi 11:2

Isor do acʼren okoeko hoṛ laha khongeye bachao akatʼko tahẽkan onko do bae dea giḍiletʼkoa. Se bape baḍaea, sonot sostorre Eliạ nạbi reakʼ cetʼe meneda mente? Uni do Isor ṭhen Israel birudreye roṛleda,

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅpe. Ar onage apeakʼ lek reakʼ sewa do hoyokʼa.

1 Korinthiko 3:16

Ape do cetʼ bape baḍaea, ape do Isorakʼ mundil kanape ar Isorren Jiu do apeakʼ ontorreye girobasokʼkana mente?

1 Korinthiko 5:6

Sarhaokʼ do ape lạgitʼ baṅ bhagea. Ape do cetʼ bape baḍaea je, kạṭicʼ culuṅ khạmi do joto sipiyakʼ holoṅgeye phulạu ocoea mente? Ape khon ona mare khạmi oḍok giḍikakʼpe;

1 Korinthiko 6:2

Ape do cetʼ bape baḍaea, Isorren hoṛkoge dhạrti reakʼko bicạra mente? Ar dhạrti reakʼpe bicạr khan, enḍekhan huḍiń utạrakʼko bicạr lạgitʼ do cedakʼpe belekgea?

1 Korinthiko 6:3

Ape do cetʼ bape baḍaea, abo do serma goḍetkoakʼ hõ bon bicạra mente? Ar onage hoyokʼ khan enḍekhan dhạrti reakʼko reaṅ ma coṅ thoṛawakʼkange.

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

1 Korinthiko 9:13

Ape do cetʼ bape baḍaea, okoe mundil reakʼko kạmikan onko do mundil khonge jomakʼko ńama, ar okoe pinḍreko kạmikan onko do pinḍre jãhãnakʼge samaṅokʼkan ona reakʼ hạṭińko ńama mente?

1 Korinthiko 9:24

Ape do cetʼ bape baḍaea ńir enecʼre sanamkogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

Mathae 20:4

Uni doe metatʼkoa, ‘ape hõ ińakʼ darkha bagwante kạmi calakʼpe. Iń do hok reakʼ iń emkatapea.’