Romiko lạgitʼ Pạul Apostolakʼ ciṭhi 5:11 - Santali Common Language New Testament

¹¹ Eken ona do baṅ, okoe hotete Isor tulucʼ bon samge akan uni Probhu Jisu Mạsi hotete abo do Isor sãote bon rạskạ midokʼ kana.

সান্তালী বাইবেল

¹¹ Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Romiko lạgitʼ Pạul Apostolakʼ ciṭhi 5:11 Referans Kwoze

Romiko lạgitʼ Pạul Apostolakʼ ciṭhi 5:10

Abo do Isorren bạiribon tahẽkanre acʼren Hoponakʼ gujukʼte uni tulucʼ bon samge ocoakana. Ar nonkage bon samge ocoakante Mạsiakʼ jionte khạṭige kại khon bańcao bon ńama.

Philipiko lạgitʼ Pạul apostolakʼ ciṭhi 4:4

Probhurepe kolom mitʼakante ape do jaoge rạskạkʼpe. Arhõń mena, rạskạkʼpe baṛe.

Galathiko lạgitʼ Pạul Apostolakʼ ciṭhi 4:9

Menkhan ńitokʼ do Isorpe baḍae akadea; ar hẽ, Isorge apeye baḍaeketʼpea. Enḍekhan cekate arhõ dhạrti reakʼ ạḍi lekan nijor ar ạuṛiakʼ ạri-cạli secʼpe ạcur ruạṛokʼ kana? Ape do cetʼ arhõ onkoren golam hoyokʼpe menjoṅ kana?

1 Patras 1:8

Mạsi bape ńṭoṭhadere hõ enhõ ape do unipe dulạṛede kana; ar ńit bape ńel ńamekanre hõ unirepe pạtiạu akana, ar okaṭakʼ rạskạ lạite baṅ sodorokʼ ar okaṭakʼ do serma reakʼ ṭhonokte perecʼge, ona rạskạtepe rạskạkʼ kana;

Kolossiko lạgitʼ Pạul Apostolakʼ ciṭhi 2:6

Ape do cetʼleka Jisu Mạsi Probhu mentepe ataṅakade onkage uni tulucʼ mitʼ tahente jion khemaope.

Philipiko lạgitʼ Pạul apostolakʼ ciṭhi 3:3

Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 3:1

E ińren boehako, mucạtʼreń meneda, Probhu tulucʼ jopoṛao menakʼpete rạskạkʼpe. Ape ṭhen inạ kathage olape do bạń ạṛisokʼ kana, ar sontorpe lạgitʼ ona do bhagegea.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

1 Korinthiko 10:16

Probhu kedokʼ okte gunmanao joharate oka bhoranakʼ bạṭi khon bon ńũi, ona do cetʼ Mạsiakʼ mãyãmre bakhra seledokʼ leka do baṅkana? Ar oka piṭhạ kecakʼ katebon jometʼkan ona hõ cetʼ Mạsiakʼ hoṛmore bakhra seledokʼ leka do baṅkana?

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅkore cetʼ hoyokʼa? Ona do cetʼ gocʼko jionko ńamakatʼ leka do baṅa?

Romiko lạgitʼ Pạul Apostolakʼ ciṭhi 2:17

Am do apnarte Jihudiyem ńumogokʼ kana? Am do Moseakʼ ạn-ạrikorem hirlạ joṅkana ar apnarte Isorren hoṛ mentem gorbokʼ kana.

Johan 1:12

Menkhan tinạkʼ do unireko pạtiạuen arko ataṅkede onko mimitʼko do Isorren gidrạ hoyokʼ reakʼ ektiạriye ematʼkoa.

Luk 1:46

Unre Mạriạme menkeda, “Ińakʼ jiwi do Probhui sarhaoede kana;

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk hoeakana.

Romiko lạgitʼ Pạul Apostolakʼ ciṭhi 5:3

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoe ocoea,

Romiko lạgitʼ Pạul Apostolakʼ ciṭhi 8:23

Eken ona do baṅ, menkhan oka mạhima tayomte bon ńam, ona reakʼ pạhil jo lekate sonot Jiu ńamkate abo hõ apnarakʼ ontorre bon kũhrạukʼ kana. Ona sãote ona din lạgitʼ hõ ńel horre menakʼbona one tinre abo do Isorren hoponko mente bon sodor ocokʼ, metakʼme nonosṭoakʼ ti khon aboakʼ hoṛmo do sạdhinokʼ tabona.

Romiko lạgitʼ Pạul Apostolakʼ ciṭhi 9:10

Eken ona do baṅ, Rebekaren jawa gidrạ hõ uni mitʼ herel hoṛren gidrạge kin tahẽkana.

2 Korinthiko 8:19

Niạ manḍerrenko hõ eken uniko sarhao edekana ona do baṅ, ale sãote noa dan idi lạgitʼ hõ manḍerrenko do uniko bachao akadea. Probhu gunmanao joharae ar eṭakʼko goṛowako lạgitʼ khaṛa mon menakʼtaete ale do noa dan idi lạgitʼle goṭa akadea.