Romiko lạgitʼ Pạul Apostolakʼ ciṭhi 3:29 - Santali Common Language New Testament

²⁹ Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

সান্তালী বাইবেল

²⁹ Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

Romiko lạgitʼ Pạul Apostolakʼ ciṭhi 3:29 Referans Kwoze

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtko talare se Jihudiko talare, khatna se bin khatna ocoakanko talare, osobbho, nicạṛ jạt, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiạdarkoko hoyokʼ.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hotete gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoedaṛeakʼ ona iạte uniakʼ bhage sombat lại pasnaore naeke kạmiyiń kạmi kana.

Romiko lạgitʼ Pạul Apostolakʼ ciṭhi 10:12

Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu kanae. Okoe acʼko hohoaekan onkore uni do asambheṛ bhor dane dul akokana.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Aposkạmi 26:17

Iń do amren hoṛko ar boṅgan hoṛ jạtrenkoakʼ ti khoniń rukhiyạmea. Onkoakʼ mẽtʼ saṛ ocoetako lạgitʼ ar ńut khon marsal secʼ ar Soetanakʼ ektiạri khon Isor secʼ ruạṛko lạgitʼ onko ṭheniń koletʼmea, jemon ińreko pạtiạukʼte kại reakʼ ikạko ńam ar Isor lạgitʼ okoeko begar ocoakan onko talare bakhrako ńam.’

Aposkạmi 22:21

“Unre Probhu do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 9:15

Menkhan Probhu do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Mathae 28:19

Onate sanam jạtren hoṛko ṭhen calakʼpe ar ińren celakope. Ar Baba, Hopon, Sonot Jiu ńutumte bạptiskope.

Mathae 22:32

Onare olakana, ‘Ińge Abrahamren Isor, Isạhakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.