Romiko lạgitʼ Pạul Apostolakʼ ciṭhi 2:6 - Santali Common Language New Testament

⁶ Uni do mitʼke mitʼ hoṛ akoakʼ kạmi lekae halawakoa.

সান্তালী বাইবেল

⁶ Uni do mitʼke mitʼ hoṛ akoakʼ kạmi lekae halawakoa.

Romiko lạgitʼ Pạul Apostolakʼ ciṭhi 2:6 Referans Kwoze

2 Korinthiko 5:10

Ente Mạsiakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛạibon ńama.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Johan sodor 22:12

Jisui meneda, “Ńelme, hako pakogeń hijukʼkana ar mimitʼko akoakʼ kạmiko reakʼ kuṛại do iń soṅgerege menakʼa.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭen puthi oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol akan tahẽkan ona lekage onkoakʼ bicạr do hoyena.

1 Korinthiko 3:8

Rohoyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa je, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

1 Korinthiko 4:5

Onate Probhu hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Romiko lạgitʼ Pạul Apostolakʼ ciṭhi 14:22

Noa reaṅ am okaṭakʼ bhage mentem pạtiạukʼkan ona do Isor ar am talarege dohoeme. Ar bhageakʼ menkate jãhãnakʼ kạmi jokhecʼ jãhãeakʼ bibek hõ uni bako dusiye khan enḍekhan uni doe bhạgangea.

2 Korinthiko 11:15

Ar Soetanren sapʼ dapʼko hõ apnartetʼ bodolkate dhoromren sapʼdapʼ menteko udugokʼkan khan, enḍekhan hahaṛakʼ reaṅ cetʼ menakʼa? Onko do kạmi mucạtʼre oka kuṛại menakʼtako onageko ńama.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhugeye halawaea.