Romiko lạgitʼ Pạul Apostolakʼ ciṭhi 2:16 - Santali Common Language New Testament

¹⁶ Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

সান্তালী বাইবেল

¹⁶ Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Romiko lạgitʼ Pạul Apostolakʼ ciṭhi 2:16 Referans Kwoze

1 Korinthiko 4:5

Onate Probhu hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Aposkạmi 17:31

ente uni do nonkan mitʼṭen dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Aposkạmi 10:42

Uni doe hukum akawatʼlea jemon Jihudiko ṭhenle porcar ar gohale em baṅma, Isor do unige jiwetʼko ar gocʼko bicạrko lạgitʼe niṭ akadea mente.

Luk 8:17

Nonkan cetʼ okoakʼge bạnukʼa, okaṭakʼ do baṅ sodorokʼ se nonkan cetʼ danaṅakʼ hõ bạnukʼa, okaṭakʼ do baṅ baḍaeyokʼ se baṅ sodorokʼ.

1 Patras 4:5

Menkhan okoe jiwetʼ ar gocʼko bicạrko lạgitʼe sapṛao tearakan, onko do uni ṭhen hisạb emokʼ hoyokʼtakoa.

Romiko lạgitʼ Pạul Apostolakʼ ciṭhi 3:6

Isorre behokle khan enḍekhan cekate uni do manwakoakʼe bicạra?

2 Patras 2:9

Noako khon ńelokʼ kana, okoe Probhuko bhoktiaekan onko do biḍạu khon bańcaoko doe baḍaegea.

2Timothi 4:1

Mạsire ruạṛ hijukʼ ar uniakʼ raj reaṅ disạ dohoete Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

2Timothi 2:8

Jisu Mạsi reaṅ noa katha disạ dohoeme, uni do gocʼko khone jiwetʼ beretʼ ocolena ar Dạud bõsren hoṛe tahẽkana. Okaṭakʼ bhage sombat iń porcaretʼkan onarege noa katha do ol menakʼa,

1Timothi 1:11

Ṭhonokren Isorakʼ maraṅ bhage sombat lekate okaṭakʼ cecetʼakʼ menakʼ, onage hoyokʼ kana sạri cecetʼakʼ. Ar noa bhage sombat porcar reakʼ dạyik do iń cetanreye emakada.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

Johan 12:48

Okoe iń bae bạsutạń ar ińakʼ katha bae ańjom uni lạgitʼ do bicạricʼ menaea. Oka kathań roṛakatʼ ona kathage mucạtʼ dinre uni do dusi menteye sạbudea;

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

2Timothi 4:8

Onate iń lạgitʼ dhorom reakʼ jit ṭupri dohoakana. Bicạr dinre dhorom bicạricʼ Probhu do ona kuṛại lekate jit reakʼ malae danạńạ. Ar eken iń eskargeye danạńạ ona do baṅ, menkhan okoe soborikate uniakʼ ruạṛ hijukʼ reakʼko koyokʼ horakatʼ onko sanamkoe danakoa.

2 Korinthiko 5:10

Ente Mạsiakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛạibon ńama.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate am do Isorakʼ edre tis sodorokʼ, enhilokʼ lạgitʼ amakʼ paona sạjạyem sõcjoṅkana. Ar unrege Isorakʼ dhorom bicạr do sodorokʼa.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Galathiko lạgitʼ Pạul Apostolakʼ ciṭhi 1:11

E boehako, baḍae ocoyetʼpe kạnạń, oka bhage sombat iń jạhirakawatʼpe ona do jãhãe manwa hotete benaoakʼ katha do baṅkana.

1 Korinthiko 15:1

E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana.