Romiko lạgitʼ Pạul Apostolakʼ ciṭhi 2:13 - Santali Common Language New Testament

¹³ Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

সান্তালী বাইবেল

¹³ Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

Romiko lạgitʼ Pạul Apostolakʼ ciṭhi 2:13 Referans Kwoze

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

Romiko lạgitʼ Pạul Apostolakʼ ciṭhi 2:25

Ạn-ạrikom senakʼkan khan enḍekhan khatna do porhoanakʼ kangea, menkhan ạn-ạri bam bataoetʼ khan khatna akanre hõm Isor samaṅre do bin khatna akan hoṛ lekanam.

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạriko manaote dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manaote do baṅ bickom Jisu Mạsire pạtiạukʼte dhorom mente bon aṅgocokʼ kana; ente ạn-ạriko manaote okoe hõ dhorom mente ohoko aṅgoclena.

1 Johan 2:29

Baḍaegeape, uni doe dhoromgea, ar noa hõ baḍae dohokakʼpe, okoe dhorom kạmire apnarte lạgiạ paṛao akanko tahen, onko do Isor khongeko janamakana.

Romiko lạgitʼ Pạul Apostolakʼ ciṭhi 10:5

Ạn-ạriko pańjaete dhorom ocokʼ babotre Moseye olakada, “Okoe hoṛ ạn-ạriko lekae calakʼkan uni do ona hotetege jiwetʼe tahena.”

Luk 8:21

Onate Jisu do hoṛkoe metatʼkoa, “Okoe Isorakʼ katha ańjomkate ona lekako kạmikan, onko kangeako ińren eṅgạń ar boehańko do.”

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Aposkạmi 13:39

Ape do Moseakʼ ạn-ạri hotete kại reakʼ sạjại khon bape rukhiyạu akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Galathiko lạgitʼ Pạul Apostolakʼ ciṭhi 5:4

Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

Romiko lạgitʼ Pạul Apostolakʼ ciṭhi 3:23

ente sanamkogeko kại akada ar Isorakʼ sarhao ńam lạgitʼko be lekgea.

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅ, menkhan ạn hotetege manwa do acʼakʼ kại reaṅ cehaonae ńameda.

Johan 13:17

Noako baḍaekate onako lekape kạmile khan enḍekhan ape dope bhạgangea.

1 Korinthiko 4:4

Ińakʼ bibek do saphagea, menkhan onate noa do baṅ sạbudokʼ kana je, iń doń dhoromgea. Probhuge ińakʼe bicạrtińạ.

Jakob 1:27

Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.