Romiko lạgitʼ Pạul Apostolakʼ ciṭhi 16:4 - Santali Common Language New Testament

⁴ Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

সান্তালী বাইবেল

⁴ Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

Romiko lạgitʼ Pạul Apostolakʼ ciṭhi 16:4 Referans Kwoze

1 Johan 3:16

Mạsi do abon lạgitʼ acʼakʼ jiwiye emena, onate dulạṛ do cetʼkana mente bon baḍae oromakada. Enḍekhan boeha lạgitʼ apnar jiwi emokʼ aboakʼ hõ lek kan tabona.

Philipiko lạgitʼ Pạul apostolakʼ ciṭhi 2:30

Mạsiakʼ kạmi lạgitʼ uni do gujukʼ dạkhille hoelena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

1 Thessalonikikko 2:14

E boehako, Jihudạ Prodesre Mạsi Jisure kolom mitʼakan Isorakʼ oka manḍerko menakʼ, onkage ape hõpe hoeakana. Jihudikoakʼ tite onko do oka duk ar kosṭoko jomakatʼ, onkage ape hõ apnar disạmren hoṛkoakʼ tite duk ar kosṭope jomakada.

1 Korinthiko 16:1

Nitokʼ do Isorren hoṛko goṛowako lạgitʼ canda uṭhạu reaṅ iń metapekana. Galatiạ Paradesh reakʼ manḍerren hoṛko cetʼ lekań hukum akatʼko ape hõ onkaepe baṛe.

1 Korinthiko 7:17

Onate Probhu okoe okalekae dohoakade ar Isor okoe oka lạgitʼe hohoakawade, uni do onka lekageye calakʼma. Noa hukum do goṭa manḍerrenkogeń emakokana.

Romiko lạgitʼ Pạul Apostolakʼ ciṭhi 5:7

Okoe eṭakʼkoe bhạlạyetʼko onkan hoṛ lạgitʼ hoedaṛeakʼa jãhãe dilkate jiwi emreye hõ em daṛekea.

Aposkạmi 16:5

Nonkate manḍerren hoṛko do biswạsreko keṭecʼ idiyena ar dinke dinko saṅge idiyena.

Aposkạmi 15:41

Pạul do Siriạ ar Kilikiạ talateye parom calao idiyente sanam manḍerkore pạtiạukoe keṭecʼketʼtakoa are daṛe ocoketʼkoa.

Johan 15:13

Jãhãege acʼren gateko lạgitʼ acʼakʼ jiwiye alaetae enḍekhan noa khon maraṅ dulạṛ do ar okoeakʼ hõ bạnukʼa.

Johan sodor 1:4

Iń Johan do Ạsiạ reakʼ eae goṭen manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.

Aposkạmi 15:26

Barnabas ar Pạul do aboren Probhu Jisu Mạsi iạte gujukʼrekin paṛaolena.

Romiko lạgitʼ Pạul Apostolakʼ ciṭhi 16:3

Priskạ ar Akuilạ hõ ińakʼ johar emakinpe. Unkin do Mạsi Jisuakʼ kạmire iń sãote ạḍikin khaṭao akana.

Romiko lạgitʼ Pạul Apostolakʼ ciṭhi 16:5

Unkinakʼ oṛakʼre okoe do manḍerren lekate mitʼ ṭhenko jarwakʼkan onko hõ joharakope. Ińren dulạṛiạ gate Epaenetos hõ joharaepe, ente Asiạre unige pạhilte Mạsiye ataṅledea.