Romiko lạgitʼ Pạul Apostolakʼ ciṭhi 15:30 - Santali Common Language New Testament

³⁰ E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiạ paṛaokʼpe.

সান্তালী বাইবেল

³⁰ E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiyạ paṛaokʼpe.

Romiko lạgitʼ Pạul Apostolakʼ ciṭhi 15:30 Referans Kwoze

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

2 Korinthiko 1:11

Ape hõ koejoṅre goṛowalepe. Enḍekhan ḍher hoṛakʼ koejoṅte oka bhorle ńam ona khạtirte ḍherkoge Isorko sarhaoea.

1 Thessalonikikko 5:25

E boehako, ale lạgitʼ koejoṅpe.

2 Korinthiko 4:11

Ale jiwetʼle tahenkanko do siń sạṭupʼ Jisu khạtirte moron ṭhenle soprot ocokʼkana, jemon Jisuakʼ jion hõ aleakʼ gujukʼ hoṛmore sodorokʼ.

2 Thessalonikiko 3:1

E boehako mucạtʼ katha do noage, ale lạgitʼ koejoṅpe cetʼleka Probhuakʼ katha ape talare usạra pasnaolen onkage ona do pasnao idikʼte ṭhonokokʼtege tahena.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Kolossiko lạgitʼ Pạul Apostolakʼ ciṭhi 2:1

Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńṭoṭhadiń onko sanamko lạgitʼ ạḍiń khaṭaokʼ kana mente.

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoeakana.

2Timothi 4:1

Mạsire ruạṛ hijukʼ ar uniakʼ raj reaṅ disạ dohoete Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

Kolossiko lạgitʼ Pạul Apostolakʼ ciṭhi 1:8

Sonot Jiu do dulạṛ reakʼ okaṭakʼ mone danakatʼpe ona reaṅ Epaphrase do ạlińe baḍae ocoakatʼlińa.

Ephesiko lạgitʼ Pạul Apostolakʼ ciṭhi 6:19

Iń lạgitʼ hõ koejoṅpe jemon kathań roṛre Isor do nonkan pạrsiye emạń jemon dil salakʼ uniakʼ bhage sombat reakʼ sạri okoakʼkoń porcar daṛeakʼ.

Galathiko lạgitʼ Pạul Apostolakʼ ciṭhi 5:22

Menkhan sonot Jiu reakʼ jo do, dulạṛ, rạskạ, suluk, sobori, susṭob, bhạlại, pạtiạr,

2 Korinthiko 12:10

Onate Mạsi iạte nijorakʼkore, bemanot ocokʼre, kucit ocokʼre, santao ar khed ocokʼre ar joṅjalkore iń doń rạskạkʼ kana, ente tinreń nijorokʼa, unrege daṛeanakʼiń hoyokʼa.