Romiko lạgitʼ Pạul Apostolakʼ ciṭhi 14:3 - Santali Common Language New Testament

³ Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.

সান্তালী বাইবেল

³ Jel jojom hoṛ do jel baṅ jojomicʼ hoṛ aloe nisṛạuema ar jel jojomicʼ hõ jel baṅ jojomicʼakʼ dos aloe sabtaema, ente Isor do unkin bana hoṛgeye ataṅ sãohã akatʼkinạ.

Romiko lạgitʼ Pạul Apostolakʼ ciṭhi 14:3 Referans Kwoze

Romiko lạgitʼ Pạul Apostolakʼ ciṭhi 14:10

Enḍekhan cedakʼ am do amren boehamakʼ dosem sapʼeda? Ar cedakʼ amren boeha dom nihạtede kana? Bicạr lạgitʼ ma sanamkoge coṅ Isor samaṅre teṅgokʼ hoyokʼ tabon.

Luk 18:9

Okoe apnarte dhorom menteko hudisokʼkan ar eṭakʼkoko nihạ̃tetʼko onko cetʼako lạgitʼ Jisu do noa kathae lạiatʼkoa:

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmi ma one ona ńelte jãhãe boeha monreye tạkijokʼ se kạireye ńur botecʼkokʼ.

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Romiko lạgitʼ Pạul Apostolakʼ ciṭhi 14:21

Jel jom, se darkha rasa ńũi se nonkanakʼ kạmi lek do baṅkana one okaṭakʼte amren boehae tạkicʼ botecʼkokʼ.

Romiko lạgitʼ Pạul Apostolakʼ ciṭhi 14:15

Jãhãn jomakʼ iạte amren boeham duk ocoyedekan khan am do bam dulạṛede kana. Okoe lạgitʼ Mạsiye gocʼlen, jomakʼ karonte uni do alom nasao ocoyea.

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Aposkạmi 10:44

Patras do unhõ kathae roroṛkan tahẽkanre okoe kathako ańjomkan tahẽkan onko sanamkore sonot Jiu doe hecʼena.

Mathae 9:14

Tayomte Johanren celako do Jisu ṭhen hecʼkateko menkeda, “Ale ar Phạrusiko dole upạseda, menkhan amren celako do cedakʼ bako upạseda?”

Aposkạmi 28:2

Ona dipren hoṛko do ale sãote ạḍi mońjko beoharkeda. Unreye dakʼetʼkan tahẽkana ar rabaṅkan tahẽkante onko do seṅgel jolkate sanamkoko hohoatʼlea.

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅkore cetʼ hoyokʼa? Ona do cetʼ gocʼko jionko ńamakatʼ leka do baṅa?

Romiko lạgitʼ Pạul Apostolakʼ ciṭhi 14:1

Pạtiạure okoeye nijorge uni do ataṅ sãohãyepe; uniakʼ hudis bundis joṅre uni tulucʼ alope reṭe peṭekʼa.

Romiko lạgitʼ Pạul Apostolakʼ ciṭhi 15:7

Isorakʼ ṭhonok jemon sodorokʼ, onate Mạsi cetʼlekae ataṅ sãohãketʼpe onkage ape hõ ape apere ataṅ sãohãkʼpe.