Romiko lạgitʼ Pạul Apostolakʼ ciṭhi 12:6 - Santali Common Language New Testament

⁶ Isorakʼ daya lekate abo do judạ judạ daya dan bon ńamakada. Ar ona daya dan do nạbi lekate katha roṛ reakʼ daṛe menakʼ khan enḍekhan biwạs lekate uni do Isorakʼ kathae lạima.

সান্তালী বাইবেল

⁶ Isorakʼ daya lekate abo do judạ judạ daya dan bon ńamakada. Ar ona daya dan do nạbi lekate katha roṛ reakʼ daṛe menakʼ khan enḍekhan biwạs lekate uni do Isorakʼ kathae lạima.

Romiko lạgitʼ Pạul Apostolakʼ ciṭhi 12:6 Referans Kwoze

1 Korinthiko 7:7

Sanam hoṛge iń lekako hoyokʼma! Menkhan Isor ṭhen khon mimitʼ hoṛ do apan ạpin daya danko ńamakada. Mitʼ hoṛakʼ dan do mitʼleka ar eṭagicʼakʼ dan do eṭakʼleka.

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

Romiko lạgitʼ Pạul Apostolakʼ ciṭhi 1:11

Ar ape daṛe ocope lạgitʼ jemon jãhãn Jiuanakʼ daya daniń em hạṭiń daṛeape onate ape tulucʼ ńapamokʼ iń menjoṅ kana.

1 Korinthiko 13:2

Nạbi leka roṛ reakʼ ektiạri tahentiń, ar sanam okoakʼ iń baḍae daṛeakʼ ar joto lekan akel tahentiń, se buruko ucạṛ daṛeakʼ leka purạ biswạs tahentiń, menkhan dulạṛ bạnukʼ tiń khan, cetʼ porho hõ bạnukʼtińạ.

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

1 Korinthiko 14:1

Noa dulạṛ lạgitʼ ape do biseskaete kurumuṭuipe, ar sonot Jiu emakʼ dan, biseskaete nạbi lekate roṛ reakʼ ektiạri ńam lạgitʼ gagojokʼpe.

2 Korinthiko 8:12

Jãhãeakʼ emokʼ reakʼ sana tahentae khan enḍekhan uni do oka menakʼtae ona lekage Isor uniakʼ dane ataṅtaea, ar oka bạnukʼtae ona do Isor bae khojkana.

1 Thessalonikikko 5:20

Okoeko nạbi lekate Isorakʼ kathako lạiyetʼkan, onkoakʼ kathako alope nihạt giḍiya, bickom jotowakʼko biḍạu aṭkarpe.

1 Korinthiko 14:29

Okoe nạbi lekate kathako roṛ onko do bar hoṛ se pe hoṛko roṛma, ar eṭakʼko do onako tojbijtakoma.

Aposkạmi 15:32

Jihudạ ar Silạs apnarhõ nạbi kin tahẽkana; onate unkin do aemakin galmaraoatʼkote onḍenko boehakin udgạuketʼkoa ar onkoakʼ pạtiạukin keṭecʼ ocoketʼtakoa.

Aposkạmi 2:17

‘Mucạtʼ dinkore iń do sanam hoṛko cetanre ińren Jiu iń dulea; onate aperen hopon ar hoponerako do nạbi lekate Isorakʼ kathako lạiya, ar aperen juạnko do dorsonko ńama, ar aperen murubiko do kukmuko ńela.

Philipiko lạgitʼ Pạul apostolakʼ ciṭhi 3:15

Ona iạte dhorom secʼte okoe bon laha idikʼkan abo do inạ mitʼ monejoṅakʼge tahen lek tabona. Ar jãhãnakʼ reaṅ eṭakʼ lekape moneyetʼ khan Isor do ona hõe udukʼapea.

Ephesiko lạgitʼ Pạul Apostolakʼ ciṭhi 3:5

Ona okoakʼ monsubạ do sonot Jiu hotete cetʼleka ńitokʼ uniren sonot apostolko ar nạbiko ṭhen sodor akan, onka do eṭakʼ piṛhiren hoṛko ṭhen baṅ sodorlena.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoicʼ Herod sãoteye ạsul haralen Manaen ar Sạul.

Luk 11:49

Onate Isor do acʼakʼ akel lekage noa kathae menakada, ‘iń do onko ṭhen nạbiko ar apostolkoń kolkoa. Onko modre adom doko khũnkoa ar adom doko santaokoa.’

Mathae 23:34

Onate iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kruskoa. Ar adomko do apeakʼ sunạgogkorepe cạbukkoa ar mitʼ nagraha khon eṭakʼ nagrahatepe laga baṛakoa.

1 Korinthiko 14:24

Menkhan sanamko nạbi leka kathakope roṛ ar jãhãe bin pạtiạuicʼ se manḍer bahreren hoṛ bhitriteye bololen khan enḍekhan uni do joto hoṛakʼ kathate apnar kại reaṅ cehaonae ńama ar onako katha hotetege acʼakʼ ontorreye bicạrokʼa.

Aposkạmi 21:9

Uniren do ponea kũạ̃ri kuṛiko tahẽkantaea. Ar onko doko nạbi baṛayetʼ tahẽkana.

1 Korinthiko 3:5

Apolloss doe celekana? Ar Pạul baṅe celekan? Unkin makin sapʼ dapʼkin kan, one unkin hotetepe pạtiạu akan, ar Probhuge mimitʼ hoṛ apan ạpin kạmiye emakatʼkinạ.

1 Korinthiko 12:18

Isor do cetʼlekae monejoṅkan onkage hoṛmo reakʼ hạṭińko hoṛmoreye bạisạu akada.

2 Patras 1:20

Enḍekhan jotowakʼ cetanre noa katha disạ dohoepe, sostor reakʼ okaṭakʼ kathage nạbikoakʼ benaoakʼ katha do baṅkana,

Mathae 25:22

“Ar okoe bar hajar ṭakae ńamletʼ uni hõ hecʼkateye menkeda, ‘E Probhu, am do bar hajar ṭakam jimạwạdiń tahẽkana. Ar nõkʼõe ńelme, ona khon arhõ bar hajar ṭakań lab akada.’