Romiko lạgitʼ Pạul Apostolakʼ ciṭhi 12:2 - Santali Common Language New Testament

² Noa bạṛicʼ piṛhirenko leka do alope colona, bickom Isorge apeakʼ mon nawate tear ocowaepe ar purạte nawa arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

সান্তালী বাইবেল

² Noa bạṛicʼ piṛhirenko leka do alope colona, bickom Isorge apeakʼ mon nãwãte tear ocowaepe ar purạte nãwã arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Romiko lạgitʼ Pạul Apostolakʼ ciṭhi 12:2 Referans Kwoze

1 Patras 1:14

Isorakʼ hukum batao gidrạko kantepe lahateakʼ bạṛicʼ sana leka apeakʼ jion do alope khemaoa; ente unre apema Isor bape baḍae orom akade tahẽkan.

2 Korinthiko 5:17

Jãhãege Mạsi tulucʼe mitʼakan khan enḍekhan uni do nawateye sirjạukʼ kana. Ar mareakʼ sanamakʼko meṭao cabakʼkante jotowakʼ do nawa arokʼ kana.

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhuakʼ sana cetʼ kana mente ona bujhạu joṅpe.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅpe. Ar onage apeakʼ lek reakʼ sewa do hoyokʼa.

Johan 15:19

Ape do noa dhạrtirenpe hoelen khan enḍekhan hoṛko do apnarren menteko dulạṛkepea. Menkhan noa dhạrtiren dope baṅkana, bickom iń do dhạrti khoniń bachao akatʼpete dhạrtiren hoṛko apeko kurudape kana.

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneakʼa.

Titus lạgitʼ Pạul Apostolakʼ ciṭhi 3:5

Jãhãn bhage kạmi lạgitʼ do bae bańcao akatʼ bona, menkhan dayategeye bańcaoaketʼ bona. Sonot Jiu hotete nawa janamte ar nawa arokʼte uni do aboakʼ ontore ạrupʼ saphakeda, ar nonkateye bańcaoketʼ bona.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼkana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

Johan 17:14

Am okakom menakawạdiń onakogeń baḍae ocoakatʼkoa. Dhạrtiren hoṛ do onkoko kurud akatʼkoa, ente iń do cetʼleka noa dhạrtiren iń baṅkan onkage onko hõ noa dhạrtiren doko baṅkana.

2 Patras 1:4

Uni do acʼakʼ ṭhonok ar soros gunte abo ṭhen ạḍi damanakʼ ar maraṅakʼe gokʼakada. Noa reakʼ monsubạ do hoyokʼ kana, manwakoakʼ bạṛicʼ sana khạtirte dhạrtire okako bạṛicʼakʼ perecʼ akan ona khonpe ńir pharakokʼte Isorakʼ boge colonren bhạgiạdarpe hoyokʼ.

Jakob 1:27

Rạnḍi maejiu ar tũạr amarko dukokʼre hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼ kana Isorakʼ mẽtʼre sạri dhorom ar khạṭitetʼ.

1 Johan 3:13

E boehako, dhạrtiren hoṛko kurudapere ape do alope hahaṛakʼa.

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

1 Johan 5:19

Baḍaeabon abo do Isorren kana bon, ar goṭa dhạrti do Soetanakʼ ektiạri latarre menakʼa.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohoapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

2 Patras 2:20

Aboren Probhu ar babańcaoicʼ Jisu Mạsi reaṅ baḍae khạtirte dhạrti reakʼ bạṛicʼakʼ khonko ńir pharakokʼkanre hõ onko do inạ bạṛicʼakʼregeko jhạlikʼkante arhõko bhagao ocokʼkana, ar onkoakʼ mucạtʼ dosa do pạhilakʼ khon artetʼ bạṛicʼ hoeakana.

Ephesiko lạgitʼ Pạul Apostolakʼ ciṭhi 2:2

Dhạrti reakʼ cạli leka ape hõ pạhil do bebatao ar kạirepe dãṛãnkan tahẽkana. Ar okoe jiu do hoe reakʼ etkiạriren rajkan uni bạṛicʼ jiuge Isorren bebatao hoṛko talareye kạmikana, ar ape do uni jiugepe pańjayedekan tahẽkana.

Galathiko lạgitʼ Pạul Apostolakʼ ciṭhi 1:4

Aboren Isor Babawakʼ sanaleka Mạsi do aboakʼ kạiko iạte apnarakʼ jiwiye emkeda, jemon noa bạṛicʼ piṛhirenko khone rukhiyạ bon.

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Romiko lạgitʼ Pạul Apostolakʼ ciṭhi 7:22

Ińakʼ ontor do Isorakʼ ạn-ạrikoteye rạskạkʼ kana;

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

1 Patras 2:3

Ar Probhuakʼ daya reakʼ sebeltetʼ mape cakha ạikạu akatʼge.

Romiko lạgitʼ Pạul Apostolakʼ ciṭhi 7:12

Noa katha do khạṭigea je, ạn do sonotgea ar ona reakʼ hukum hõ sonot, dhorom ar bhagegea.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Johan 14:30

Iń do ape tulucʼ ar ḍher ghạṛicʼ bạń galmaraoa, ente noa dhạrtiren raje hijukʼkana. Ińre uniakʼ jãhãn ektiạri do bạnukʼtaea.

Romiko lạgitʼ Pạul Apostolakʼ ciṭhi 7:14

Baḍaegea bon ạn do Jiu reaṅ kana, menkhan iń doń kại gobolren kante kạiren golamiń hoeakana.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Mathae 13:22

Jạnum jhạwạre eren itạ reakʼte do nonkanko lạgitʼge roṛ akana okoe do ona kathako ańjomketʼ, menkhan gharońj reakʼ dạndi ar dhon reakʼ mãyãte ona katha doko ten dohokakʼ kana. Onate onkore jãhãn jo do baṅ hoyokʼ kana.

Mark 4:19

menkhan gharońj reakʼ dạndi, ar dhon reakʼ mãyã ar emanteakʼ laloc hecʼakokante onko do onako ten loṭomkakʼ kana;

Kolossiko lạgitʼ Pạul Apostolakʼ ciṭhi 1:9

Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.