Romiko lạgitʼ Pạul Apostolakʼ ciṭhi 12:19 - Santali Common Language New Testament

¹⁹ Dulạṛiạ boehako, okoe hõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhui meneda, “Hala hạli sạjại emokʼ reakʼ ektiạri do eken ińakʼge menakʼa; ar ińgeń hala ruạṛakoa.”

সান্তালী বাইবেল

¹⁹ Dulạṛiạ boehako, okoehõ alope hala ruạṛakoa, bickom Isorge sạjại lạgitʼ aṛakʼaepe. Sonot sostorre Probhu Isore meneda, “Hala ruạṛ reakʼ ektiạri do eken ińakʼge menakʼtińạ; ar ińgeń hala ruạṛa.”

Romiko lạgitʼ Pạul Apostolakʼ ciṭhi 12:19 Referans Kwoze

Ibriko 10:30

Ale do unile baḍae akadea one okoeye menetʼkan, “Hala hạli do ińakʼge, ińgeń hala ruạṛa; okoe okaṭakʼ ńam lek kane uni do onageń emaea.” Uni do arhõ mitʼ jaegareye meneda, “Probhuge acʼren hoṛko lạgitʼ hok reakʼe bicạrtakoa.”

Romiko lạgitʼ Pạul Apostolakʼ ciṭhi 12:17

Bạṛicʼ bodol bạṛicʼ okoe hõ alope halawakoa. Sanam hoṛkoakʼ mẽtʼre okaṭakʼ bhageakʼ kan ona reaṅ moneakʼpe.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behok iạtege Probhu doe sạjạipea,

Romiko lạgitʼ Pạul Apostolakʼ ciṭhi 12:14

Okoeko khedetʼpe onko do alope sarapakoa bickom bhorakope.

Mathae 5:39

Menkhan ińiń metapekana, jãhãe ape tulucʼ bạṛicʼko beohar khan onko birudre cetʼhõ alope cekaea; bickom jãhãe jojom johae thapame khan uni do eṭakʼ joha hõ thapa ocoaeme.

Romiko lạgitʼ Pạul Apostolakʼ ciṭhi 13:4

Apeakʼ bhage lạgitʼge uni do Isorren sapʼdapʼicʼ lekae kạmiya. Ar bạṛicʼakʼpe kạmikan khan botorokʼpe, ente bạṛicʼakʼ kạmikanko sạjạiko reakʼ ektiạri do uniakʼ menakʼtaea. Uni doe Isorren sapʼdapʼicʼ kana; ar okoe bạṛicʼakʼko kạmikan onko do Isor lekate sạjạiye emakoa.

Ephesiko lạgitʼ Pạul Apostolakʼ ciṭhi 4:27

ar Soetan hõ jãhãn ạt alope aṛakʼaea.

2Timothi 4:14

Okoe Aleksander do tama reakʼe kạmikan uni do ińakʼ ạḍiye loksan akada. Uni okaṭakʼe ceka akatʼ ona do Probhugeye halawaea.