Romiko lạgitʼ Pạul Apostolakʼ ciṭhi 12:16 - Santali Common Language New Testament

¹⁶ Ape apere mitʼ mon tahentape ma. Usulakʼko do alope moneakʼa bickom nindhạnko tulucʼ helmelokʼpe. Apnarte budanko mente alope hudisokʼa.

সান্তালী বাইবেল

¹⁶ Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Romiko lạgitʼ Pạul Apostolakʼ ciṭhi 12:16 Referans Kwoze

1 Patras 3:8

Mucạtʼre katha do nõkʼõe, ape sanamkoakʼ mon jemon mitʼ lekage hoyokʼ. Ape do mimitʼkoakʼ dukre dukokʼpe, boeha leka dupulạṛpe, daya ar nindhạnko hoyokʼpe.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alaomea ar tishõ bạń giḍimea.”

Romiko lạgitʼ Pạul Apostolakʼ ciṭhi 15:5

Jisu Mạsi sãote calakʼ horre sobori ar udgạuicʼren Isor do ape sanamkoakʼ mon baṛeye mitʼ ocoetapema.

Romiko lạgitʼ Pạul Apostolakʼ ciṭhi 12:3

Iń do Isor ṭhen khon oka dayań ńamakatʼ onate ape mimitʼkoń metapekana, apnar reaṅ okaṭakʼ lek kan ona khon bạ̃ṛti do alope hudisokʼa, bickom tinạkʼ lek mentepe bujhạukʼkan inạkʼge hudisokʼpe. Isor do okoe tinạkʼgan pạtiạukʼ reakʼ daṛeye emakawade ona khon bạ̃ṛti do okoe hõ jemon apnarte aloe hudisokʼma.

1 Korinthiko 3:18

Okoe hõ apnarte aloe bulạukʼma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoedaṛeakʼ,

2 Korinthiko 13:11

E boehako, jotowakʼko sudhrạupe ar sạbitokʼpe. Ińakʼ katha luturakʼpe, ar mitʼ monokʼpe, ar sulukte tahenpe. Enḍekhan dulạṛren ar sulukren Isor do ape tulucʼe tahena.

Romiko lạgitʼ Pạul Apostolakʼ ciṭhi 11:25

E boehako, apnarte jemon budanko alope monejoṅ onate iń do mitʼṭen sạri okowakʼ baḍae ocopeń menjoṅ kana. Ona sạriakʼ do noage, boṅgan hoṛ jạtrenkoakʼ lekha ạuri purạukʼ hạbicʼ ḍher bhag Israelkoakʼ ontor do keṭecʼge tahena.

Luk 14:13

Menkhan bhojem tearlere am do reṅgecʼko, ṭhunṭako, leḍhako, ar kãṛãko neotakom.

1 Korinthiko 8:2

Jãhãe jãhãnakʼe baḍaea menteye menjoṅ kan khan, uni do cetʼleka baḍae jạruṛ tahẽkantae onka do ńit hõ bae baḍae akada.

1 Korinthiko 6:5

Iń do lajao ocope lạgitʼge noa katha doń roṛeda. Ape talare akelan nonkanicʼ cetʼ jãhãe bạnuea, one okoe do apnar boehako talare gulmalkoe bicạr chinḍạu daṛeke?

Philipiko lạgitʼ Pạul apostolakʼ ciṭhi 4:2

Euodiạ ar Suntukh, iń do biseskaete noań nehõraben kana, Probhu tulucʼ ben kolom mitʼ akante aben do mitʼ mon akae jemon ben tahen.

1 Korinthiko 4:10

Ale do Mạsi iạte lelhale hoeakana, menkhan ape do Mạsirepe mitʼakante budankope hoeakana. Ale do nijorkoge menkhan ape do joranko. Ape do sabasiankope hoeakana ar ale do bemanotkoge.

Luk 6:20

Jisu do celako secʼ beṅgetʼkate memene ehopʼena, “Bhạgangeape ape reṅgecʼ orecʼko do, ente Isorakʼ raj do apeakʼge.

Mathae 26:11

Ente reṅgecʼ orecʼkoma jaoge ape tulucʼ menakʼko, menkhan iń do jao okte bape ńameńa.

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼkana ar kala hoṛko ańjomeda; gocʼ hoṛko jiwetʼ beredokʼkana ar reṅgecʼ orecʼko ṭhen do bhage sombat reakʼ katha lạiạgokʼ kana.

1 Patras 5:3

ape tabere okoe menakʼko onko cetanre mạliki alope calaoa, bickom nonkanko hoyokʼpe jemon ape ńelteko cetʼ daṛeakʼ.

Philipiko lạgitʼ Pạul apostolakʼ ciṭhi 3:16

Metakʼme, abo do dhoromokʼ lạgitʼ tinạkʼ hạbicʼ bon laha idiakan inạ dharatege taṛam idi lek tabona.

Philipiko lạgitʼ Pạul apostolakʼ ciṭhi 1:27

Joto khon maraṅ katha do hoyokʼ kana, ape do nonka leka jion khemaope one okaṭakʼte Mạsi reaṅ bhage sombat reakʼ lek kan. Enḍekhan iń apnarte hecʼkateń ńelpe se sạṅgiń khon apeakʼ kathań ańjom, ar iń baḍae baṅma, ape do mitʼ Jiurepe teṅgo ṭak akana mente ar bhage sombat hotete okaṭakʼ biswạs hijukʼkan ona lạgitʼ mitʼtepe khaṭaokʼ kana.

1 Korinthiko 1:10

E boehako, aboren Probhu Jisu Mạsi ńutumteń nehõrape kana, sanamkoge mitʼakan tahenpe, ape talare jãhãn dola duli alo tahen ma, bickom ape do mitʼmon ar mitʼakan tahenpe.

Aposkạmi 4:32

Mạsire pạtiạu akan sanamkoge mon ar jiwite mitʼko tahẽkana. Onko do okaṭakʼge apnarakʼ kana mente bako dạbiyetʼkan tahẽkana, bickom sanamakʼge apan ạpin jạruṛakokan lekako beoharetʼ tahẽkana.

3 Johan 1:9

Iń do manḍerrenko ṭhen mitʼṭen ciṭhiń olleda, menkhan Diotrephes do manḍerren mukhiyạ hoyokʼe menetʼte aleakʼ katha do bae moneakʼ kana.

Romiko lạgitʼ Pạul Apostolakʼ ciṭhi 6:2

Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

Romiko lạgitʼ Pạul Apostolakʼ ciṭhi 11:20

Bhagegea. Menkhan onkoko rạputʼ giḍi ocoakana onkoakʼ bepạtiạu iạte ar am dom kolom mitʼ akana amakʼ pạtiạu iạte. Onate alom usul monokʼa bickom botorokʼme,