Romiko lạgitʼ Pạul Apostolakʼ ciṭhi 12:11 - Santali Common Language New Testament

¹¹ Probhu secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhuakʼ kạmire lạgiạ paṛao akan tahenpe.

সান্তালী বাইবেল

¹¹ Probhu Isor secʼ jao ghuṛi apeakʼ mon ahkaokʼtape ma. Apeakʼ ontor do bhoktite perecʼ tahen ma. Ar Probhu Isorakʼ kạmire lạgiyạ paṛao akan tahenpe.

Romiko lạgitʼ Pạul Apostolakʼ ciṭhi 12:11 Referans Kwoze

Aposkạmi 18:25

Uni do Probhuakʼ hor reaṅ sikhnạte ńamakatʼ tahẽkana. Ar ạḍi mon lagaokate kathae roṛetʼ tahẽkana ar Jisu reaṅ ṭhiktegeye cetʼakokan tahẽkana, menkhan Johanakʼ bạptisma chaḍa ar eṭakʼ bạptisma reakʼ katha uni do bae baḍaekan tahẽkana.

1 Patras 4:8

Sanam khon maraṅ katha do hoyokʼ kana, ape apere khạndri dupulạṛ tahentape ma, ente dupulạṛ do ạḍi utạr kạiye dapala.

Ibriko 12:28

Onate okaṭakʼ rajosṭi baṅ dal dalaokʼ, ona rajosṭi bon ńam joṅkante dela, Isor bon gun manao joharaema. Enḍekhan Isor okalekae kusiyakʼ ona leka bhokti ar botor salakʼ bon sewa daṛeaea.

Ephesiko lạgitʼ Pạul Apostolakʼ ciṭhi 4:28

Kombṛoicʼ do ar aloe kombṛoe ma, bickom acʼakʼ nij tite bhageakʼ kạmikoreye khaṭaokʼma jemon okulạnan hoṛko em hạṭińako lạgitʼ tahentae.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onate biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Aposkạmi 20:19

Jihudikoakʼ ạḍi lekan phor phundi iạte bạṛicʼ biḍạukoreń paṛaolena, menkhan iń do nindhạn monte mẽtʼ dakʼ joro jorote Probhuren sapʼ dapʼicʼiń hoeakana.

Mathae 24:12

Ar bedhoromge ḍherokʼte ḍher hoṛkoakʼ dulạṛ do reaṛokʼa.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ katha ar eṭakʼkoakʼko oktawa ar baṅ ganoakʼ kathakoko roṛa.

Johan sodor 2:4

Enrehõ am birudre noa katha roṛ reakʼ menakʼtińạ, ente lahate iń lạgitʼ cetʼ leka dulạṛ tahẽkantam ona dom atʼakada.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

1 Korinthiko 7:22

Golam tahenre Probhu okoeye hohoakawade uni do Probhu hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoeakana.

Mathae 25:26

Khange acʼren kisạ̃ṛ doe roṛ ruạṛadea, ‘E bạṛicʼ ar asaṅpoḍa golam! Baḍaekan tahẽkange com okare bạń er akatʼ onḍe khoniń ireda ar okare bạń chiṭạu akatʼ onḍe khoniń halaṅeda.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoe ocoea.