Romiko lạgitʼ Pạul Apostolakʼ ciṭhi 10:17 - Santali Common Language New Testament

¹⁷ Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

সান্তালী বাইবেল

¹⁷ Enḍekhan ńelokʼkana, Isorakʼ katha ańjom iạtege biswạs do hijukʼkana, ar Mạsi reaṅ do porcar talate ańjomokʼ kana.

Romiko lạgitʼ Pạul Apostolakʼ ciṭhi 10:17 Referans Kwoze

Galathiko lạgitʼ Pạul Apostolakʼ ciṭhi 3:2

Iń do eken ape ṭhen khon baḍae sanań kana, ạn-ạriko manaote cetʼ sonot Jiupe ńamledea, se bhage sombatre pạtiạu iạtepe ńamledea?

Galathiko lạgitʼ Pạul Apostolakʼ ciṭhi 3:5

Isor do sonot Jiu cedakʼe emakatʼpea ar ape talare nunạkʼ hahaṛawakʼkoe kạmiyeda ona baṛe hudispe. Uni do cetʼ ạn-ạrikope manaoetʼkante noakoe kạmi kana, se bhage sombatrepe pạtiạu akanteye onkayeda?

1 Thessalonikikko 2:13

Ale do siń sạṭupʼ Isorle gun manao joharae kana, ente Isorakʼ katha ańjomkate tinrepe pạtiạulena unre manwawakʼ katha mente do baṅ, menkhan Isorakʼ katha mentegepe ataṅkeda. Ar sạrige ona do Isorakʼ katha kangea. Ape okoepe pạtiạu akan, apeakʼ ontorrege ona katha doe kạmiyeda.

Kolossiko lạgitʼ Pạul Apostolakʼ ciṭhi 3:16

Mạsiakʼ katha apeakʼ ontorre purạte girobas ocoakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽakʼkote apeakʼ ontorre Isor gun manao tulucʼ sereńaepe.

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Mark 4:24

Ona tayom Jisui metatʼkoa, “Okaṭakʼpe ańjometʼkan ona reaṅ luturakʼpe. Oka sosoṅakʼtepe soṅa, inạtege ape hõ soṅapea; arko em juṭucʼapea.

Luk 8:21

Onate Jisu do hoṛkoe metatʼkoa, “Okoe Isorakʼ katha ańjomkate ona lekako kạmikan, onko kangeako ińren eṅgạń ar boehańko do.”

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Romiko lạgitʼ Pạul Apostolakʼ ciṭhi 10:14

Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

1 Patras 1:23

Okaṭakʼ itạ nosṭokʼ, onkan itạ khon nãwãte do bape janamakana, bickom okaṭakʼ itạ tis hõ baṅ maraokʼ ona khongepe janamakana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

Luk 8:11

“Golpo reakʼ mane do nõkʼõe: Itạ do hoyokʼ kana Isorakʼ katha.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiạdariń hoeakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

2 Korinthiko 2:17

Apnarakʼ lab lạgitʼ okoe Isorakʼ kathako bạnijetʼkan onko lekanko dole baṅkana; bickom Mạsi tulucʼle mitʼ akante ale do Isor samaṅre Isorren kol ocoakan hoṛko lekage sạri ontor khon kathale roṛeda.

Ibriko 4:2

Israelko ṭhen cetʼleka bhage sombat lại jạhirlen, onkage abo ṭhen hõ lại jạhir akana. Menkhan ona bhage sombatre Israelkoakʼ jãhãn porho do baṅ hoeakana, ente onko do ańjomkate onare bako pạtiạulena.

Johan 1:37

Ado Johan noa katha roroṛkin ańjomkede khan unkin banar cela do Jisukin pańjakedea.