Philipiko lạgitʼ Pạul apostolakʼ ciṭhi 4:5 - Santali Common Language New Testament

⁵ Apeakʼ mạ̃hirtetʼ do sanamko ṭhen baḍaeokʼma. Probhu do usạrageye daraekana.

সান্তালী বাইবেল

⁵ Apeakʼ mạ̃hirtetʼ do sanamko ṭhen baḍaeyokʼma. Probhu Isor do usạrageye daraekana.

Philipiko lạgitʼ Pạul apostolakʼ ciṭhi 4:5 Referans Kwoze

Mathae 6:25

‘‘Noa iạteń metapekana, bańcao tahen lạgitʼ cetʼpe joma se cetʼpe ńũiya se hoṛmo lạgitʼ cetʼpe horokʼ-bandea ona do alope dạndikʼa. Jiwi do eken jom ar ńũi lạgitʼ do baṅkana, ar hoṛmo hõ horokʼ bandekʼ lạgitʼ do baṅa.

Titus lạgitʼ Pạul Apostolakʼ ciṭhi 3:2

Onko do okoeakʼ hõ jemon aloko nindạu se aloko jhogṛakoma, bickom soṛa monanko hoyokʼte sanamko tulucʼ mạ̃hir salakʼ jemonko beohar.

Ibriko 10:37

ente Isorakʼ katha leka, “Okoeakʼ hijukʼ reakʼ katha menakʼtae uni do ar thoṛa din khangeye hijukʼa, ar bae biloma.

1 Patras 4:7

Nitokʼ do sanamakʼ reakʼ mucạtʼ okte seṭerakana. Onate apeakʼ mon do kajak akae dohoepe ar apnarte sambṛaokʼpe jemonpe koejoṅ.

1 Korinthiko 6:7

Ape do mimitʼ hoṛ birudrepe mamblakʼ kante noage sạbudokʼ kana je, ape dope bhagao ocoakana. Ona khon bickom behok ocokʼge cedakʼ bape sahaoeda? Ar cedakʼ bape recʼ ocokʼkana?

Ibriko 10:25

Adom adom hoṛakʼ mitʼ ṭhecʼ jarwakʼ reakʼ cetʼleka heowa menakʼtako, onka leka jarwakʼ do alo bon bạgi ma, bickom Mạsiakʼ hijukʼ din hạbicʼ mimitʼko jemon arhõ bon udgạuko.

Johan sodor 22:7

Jisui meneda, “Ńelpe, iń do ạḍi usạrageń hijukʼ kana. Noa puthi reakʼ sanam katha, metakʼme Isorakʼ kathako okoeye manao uni doe bhạgangea.”

1 Korinthiko 8:13

Onate jomakʼte ińren boehae tạkijokʼ khan, enḍekhan iń do tis hõ jel do bạń joma, jemon ińren boeha aloe tạkijokʼ.

Mathae 6:34

Gapa lạgitʼ do alope dạndikʼa; gapa reakʼ dạndi do gapage dạndi ocowaepe. Ar dintetʼ lạgitʼ do enhilokʼ reakʼ haronge ḍhera.

Johan sodor 22:20

Okoe noako reaṅe gohayetʼkan uniye meneda, “Sạrige iń do hako pakogeń hijukʼkana.” Amen. Probhu Jisu, dela hijukʼme.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍae sanaletʼkoa Mạsiren uni Jiu do oka okte ar oka dosa reakʼ kathae baḍae ocoyetʼkoa.

1 Korinthiko 9:25

Okoe dạṛ enecʼreko seledokʼkan onko do laha khonge mitʼṭen niạm bhitriteko calakʼa. Onko do okaṭakʼ jid ṭupri mosodokʼ ona ńam lạgitʼko onkayeda, menkhan abo do bin mosodokʼ ṭupri ńam lạgitʼge one okaṭakʼ do tisge baṅ nosṭokʼ.

2 Thessalonikiko 2:2

“Probhuakʼ din do seṭer akana,” Noate nạbi lekate roṛakatʼ johar kathate se eṭakʼ jãhãeakʼ kathate se aleakʼ olakʼ menkate jãhãn ciṭhi iạte ape do usạrate alope bilbilạukʼa se alope botorokʼa.

Luk 21:34

“Sontor akae tahenpe, jemon apeakʼ mon do rij roṅ, ńũ bulokʼ ar gharońj reakʼ dạndite ten alo tahentape.

1 Korinthiko 16:22

Jãhãe hoṛ Probhu bae dulạṛe khan sarapicʼe hoyokʼma. Maran atha [Probhui darae kana].

2 Korinthiko 10:1

Mạsiakʼ mạ̃hir ar daya reakʼ katha disại tulucʼ iń Pạul do apeń nehõrape kana. Hoṛko mena, ape ṭhen tinreń tahen unre doń nindhạnokʼ kana, menkhan tinre bạń tahen unre do dilanicʼ iń hoyokʼ kana.