Philipiko lạgitʼ Pạul apostolakʼ ciṭhi 3:8 - Santali Common Language New Testament

⁸ Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

সান্তালী বাইবেল

⁸ Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Philipiko lạgitʼ Pạul apostolakʼ ciṭhi 3:8 Referans Kwoze

Romiko lạgitʼ Pạul Apostolakʼ ciṭhi 8:18

Ińiń baḍaea, oka ṭhonok bon ńam ona tulucʼ jurikʼ lạgitʼ aboakʼ nahakʼ jug reakʼ harket ar sasetko do cetʼge baṅkana.

Aposkạmi 20:24

Menkhan iń ṭhen do ińakʼ jiwi reakʼ jãhãn dam bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Philipiko lạgitʼ Pạul apostolakʼ ciṭhi 3:7

Menkhan okako iń lạgitʼ lab tahẽkan onako do ńitokʼ Mạsi khạtirte lokshangeń bujhạueda.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniakʼ duk sasetre bhạgiạdar hoyokʼ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.

2 Patras 1:3

Okoe acʼakʼ ṭhonok ar soros gunteye hoho akawatʼ bon, uniakʼ khạndriakʼko baḍae hotete acʼakʼ Isor daṛete nonkanakʼkoe dan akatʼbona, one ona hotete abo do Isor botoraete jion bon khemao daṛeakʼ.

1 Korinthiko 2:2

Ińiń goṭawan tahẽkana, ape ṭhen tahen jokhecʼ Jisu Mạsige metakʼme, kruslediyicʼ Jisu Mạsi baḍaeye chaḍa ar cetʼge bạń baḍaea.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

Johan 17:8

Ente okako katha lạiakom metadiń tahẽkan iń do onakoń lại akawatʼkoa. Ar onko do onako ataṅketʼte sạrigeko baḍaekeda, iń do am ṭhen khoniń hecʼakana, arko pạtiạu akana, amge ińem kolakadińa.

Johan 14:20

Enhilokʼgepe baḍae daṛeakʼa, iń do Babare, ape do ińre ar iń do apere minạńa mente.

Ibriko 3:14

Ente pạhilre okaṭakʼ bhorsa tahẽkan, onare mucạtʼ hạbicʼ teṅgo ṭak akan bon tahẽlen khan, abo do Mạsi tulucʼ bakhradarko bon hoyokʼa.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniakʼ mạhima bujhạu lạgitʼ marsal sodorokʼ. Ar noa mạhimage Mạsiakʼ mẽtʼãhãre menakʼa.

Johan 14:7

Ińpe baḍaeliń khan ińren Baba hõpe baḍaekea. Ape do ńitokʼ unipe baḍae akadea ar ńel hõpe ńelakadea.”

Ephesiko lạgitʼ Pạul Apostolakʼ ciṭhi 4:13

Noa reakʼ monsubạ do hoyokʼ kana, sanamkoge jemon Isorren Hoponre bon pạtiạukʼte mońjtebon baḍaeye ar mitʼakae bon hoyokʼ; ar Mạsi cetʼleka sanamakʼteye perecʼge, onkage jemon abo hõ sanamakʼte bon perejokʼma. Unre gidrạ leka do ar babon tahena.

2 Patras 3:18

Ape do aboren Probhu ar babańcaoicʼ Jisu Mạsiakʼ daya ar uni reaṅ akelte hara rakabokʼpe. Ńit ar jaejug hạbicʼ uniakʼge ṭhonok hoyokʼtae ma. Amen.

1 Johan 1:3

Okoe alele ńṭoṭhade ar okoeakʼ moca reakʼ kathale ańjomakatʼ uni reaṅgele baḍae ocoyetʼpea. Ale do onale baḍae ocoyetʼpea jemon ape ar ale talare mitʼṭen helmel benao rakabokʼ. Noa do hoyokʼ kana Baba ar uniren Hopon Jisu Mạsi ar abo tala reakʼ helmel.

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ somoe do seṭer akana.

Johan 20:28

Unre Thomae menkeda, “E ińren Probhu, E ińren Isor.”

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

1 Patras 2:7

Onate apepe pạtiạu akante ape ṭhen ona dhiri do ạḍi damanakʼ kana; menkhan okoe bako pạtiạu akan onko lạgitʼ sostor reakʼ noa katha do ṭhikgea, Raj mistriko okaṭakʼ dhiriko nihạt giḍiletʼ, onage konac reakʼ asol dhiri hoyena.

Galathiko lạgitʼ Pạul Apostolakʼ ciṭhi 1:16

Jemon boṅgan hoṛ jạtrenko ṭhen Mạsi reaṅ bhage sombatiń porcar, onate Isor do acʼakʼ monejoṅ leka acʼren Hopon iń ṭhene sodorkedere okoe tulucʼ hõ bạń solhawana.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

1 Korinthiko 9:10

Uni do cetʼ abo lạgitʼge noa katha do bae meneda? Hẽ noa katha do abo lạgitʼge olakana; ente siokʼkạnicʼ do askatege siokʼ lek taea; ar enokʼicʼ hõ bhag ńam reakʼ astege enokʼ hoyokʼtaea.

Johan 20:13

Unkin do Mạriạmkin metadea, “Cedakʼem rakʼeda?” Metatʼkinae, “Ińren Probhuko idiakadea ar okareko dohoakadea ona do bạń baḍaea.”

Luk 11:20

Menkhan Isorakʼ daṛete bhutkoń oḍok giḍiyetʼko khan enḍekhan Isorakʼ raj do ape ṭhen seṭer akana.

Luk 1:43

Ińren Probhuren eṅgat iń ṭhene hecʼakana, noa do cekate hoyena?

Romiko lạgitʼ Pạul Apostolakʼ ciṭhi 8:39

se serma cetan se dhạrti latar reakʼ jãhãnakʼ sirjạukʼge okoe hõ Isorakʼ dulạṛ khon ohoko begar daṛelebona. Isorakʼ noa dulạṛ do aboren Probhu Mạsi Jisurege menakʼa.

Philipiko lạgitʼ Pạul apostolakʼ ciṭhi 1:1

Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

2 Patras 1:2

Isor ar aboren Probhu Jisu do khạndri ontor khon baḍaeyete apere asambheṛ daya ar suluk baṛe tahenma.

2 Patras 1:8

Apeakʼ noako gun tahentape khan ar onako baḍhao idikʼkan khan, enḍekhan aboren Probhu Jisu Mạsi do khạndri ontor khon baḍaeyere okaj ar bin joanko do bape hoyokʼa.