Philipiko lạgitʼ Pạul apostolakʼ ciṭhi 2:16 - Santali Common Language New Testament

¹⁶ Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiakʼ akana.

সান্তালী বাইবেল

¹⁶ Ape do onko hoṛko jion reakʼ kathape neakokante noa dhạrtire ipil lekape jolokʼkana. Onate Mạsiyakʼ dinreń sarhao daṛeakʼa je, ińakʼ kurumuṭu ar mehnot do baṅ ạuṛiyakʼ akana.

Philipiko lạgitʼ Pạul apostolakʼ ciṭhi 2:16 Referans Kwoze

1 Korinthiko 9:26

Onate ạuṛiakʼ do bạń dạṛeda. Okoe hoeye daletʼkan onka do bạń kuhạueda.

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiatʼkoa. Manḍerren manotan hoṛko do oko okote ona jotoń lạiatʼkoa, enteń botorokʼkan tahẽkana, hoedaṛeakʼa iń do ạuṛiakʼ iń khaṭao akana.

1 Johan 1:1

Okoe pạhil khongeye tahẽkan, ar okoeakʼ moca reakʼ kathale ańjom akatʼ, okoe nij mẽtʼtele ńṭoṭhade, okoe do mońjtele ạri bạndhi akade, okoe do nij titele joṭetʼ akade, ona jion reakʼ kathage nonḍele oleda.

Johan 6:68

Simon Patras do Jisui metadea, “E Probhu, ale do okoe ṭhenle calakʼa? Jaejug jion reakʼ katha ma coṅ am ṭhenge.

1 Thessalonikikko 3:5

Onate iń do tinre bạń sahao daṛeada unre pạtiạu secʼte oka dosare menakʼpe ona baḍae lạgitʼge Timothiń kolledea. Iń doń botorokʼkan tahẽkana, hoedaṛeakʼa Soetan do laloce udukʼakatʼpea ar aleakʼ sanam mehnot do ạuṛiakʼ akantalea.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Luk 12:8

“Ińiń metapekana, jãhãege hoṛko samaṅreye aṅgociń Manwa Hopon hõ uni do Isorren goḍetko samaṅreye aṅgocea.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

1 Patras 1:23

Okaṭakʼ itạ nosṭokʼ, onkan itạ khon nãwãte do bape janamakana, bickom okaṭakʼ itạ tis hõ baṅ maraokʼ ona khongepe janamakana. Ar ona itạge hoyokʼ kana Isorakʼ jiwetʼ ar jaejug hạbicʼ tahẽkan katha do.

1 Thessalonikikko 2:19

Ente aboren Probhu Jisui hijukʼre apege cetʼ uni samaṅre aleakʼ as, rạskạ ar ṭhonok reakʼ mukuṭ dope baṅkana?

Galathiko lạgitʼ Pạul Apostolakʼ ciṭhi 4:11

Ape lạgitʼ noageń botorokʼ kana je, iń do ạuṛiakʼge ape lạgitʼ iń khaṭao akan coṅ cetʼ coṅ.

Johan sodor 22:17

Sonot Jiu ar bạhu kuṛi dokin meneda, “Dela hijukʼme,” Ar okoe noa kathae ańjometʼ uni hõe menma, “Dela hijukʼme.” Okoe tetaṅede kan uni doe hijukʼma ar okoe dakʼ ńũi menetʼkan uni do begor damte jion dakʼe ńũ idi joṅma.

Aposkạmi 13:26

“E boehako, Abrahamren hoponko ar Isor botoraekanko, kại khon bańcao reakʼ noa khobor do abon ṭhenge kolakana.

Mathae 10:27

Okaṭakʼ ńutreń lại apekan, ona do marsalre roṛpe. Ar luturte okaṭakʼpe ańjometʼkan ona do sạṛim cetan khon porcarpe.

1 Korinthiko 1:8

Aboren Probhu Jisu Mạsige mucạtʼ hạbicʼe ṭarhao ocopea, onate uniakʼ hijukʼ dinre ape do sanam lekan bin dusạnkope hoyokʼa.

Philipiko lạgitʼ Pạul apostolakʼ ciṭhi 1:6

Noa pạtiạu menakʼtińạ, apeakʼ ontorre okoe bhage kạmiye ehopʼakatʼ uni do Mạsi Jisuakʼ hijukʼ din hạbicʼ onae calao iditeye mucạda.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ ṭhonok ar sarhao hoyokʼtaea.