Philipiko lạgitʼ Pạul apostolakʼ ciṭhi 1:1 - Santali Common Language New Testament

¹ Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

সান্তালী বাইবেল

¹ Timothi ar iń Pạul do Jisu Mạsiren golam kanaliń. Ạliń do Jisu Mạsi tulucʼ kolom mitʼ akan Isorren okoeko hoṛ do Philipi nagrahare menakʼko onkoren gupiko ar sapʼdapʼko ṭhenliń oleda.

Philipiko lạgitʼ Pạul apostolakʼ ciṭhi 1:1 Referans Kwoze

2 Korinthiko 1:1

Iń Pạul do Isorakʼ monejoṅ lekage Mạsi Jisuren mitʼṭen apostoliń hoeakana. Iń do aboren boeha Timothi ar Korinthi nagraha reakʼ Isorakʼ manḍer ar Akhaea Prodesre menakʼko Isorren sanam hoṛko ṭhen noa ciṭhiń oletʼkana.

Romiko lạgitʼ Pạul Apostolakʼ ciṭhi 1:1

Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniakʼ bhage sombat porcar lạgitʼ hõe bachao akadińạ.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoeakana, jemon Isorre bachao hoṛko biswạs reakʼ horteń ạgu daṛeako, ar Isor bhokti sãote oka sạriakʼtetʼ menakʼ ona baḍae lạgitʼ iń goṛo daṛeako.

1Timothi 3:8

Onkage sapʼdapʼko hõ manot ocokʼ lek jemonko hoyokʼ ar bar mocawanko leka do alo. Onko do ńu bulokʼko hõ jemon aloko hoyokʼma, ar laloc secʼ hõ alo jemonko ạwilokʼ.

2 Thessalonikiko 1:1

Isor Baba ar Probhu Jisu Mạsire kolom mitʼakan Thessoloniki manḍerrenko ṭhen iń Pạul, Siluạnus ar Timothi do noa ciṭhile oleda.

1 Thessalonikikko 1:1

Isor Baba ar Probhu Jisu Mạsi tulucʼ mitʼakan Thessaloniki manḍerrenko ṭhen, Siluạnus, Timothi, ar iń Pạul do noa ciṭhile oleda. Aboren Isor Baba ar Probhu Jisu Mạsi do daya ar suluke dan ape ma.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoeakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu mạsi doe mãyã apema ar suluke dan apema.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạte ape ṭhen niạ ciṭhiń oleda.

Jakob 1:1

Isor ar Probhu Jisu Mạsiren golam iń Jakob do dhạrti reakʼ sanam jaegareko chir chạtur akan Jihudikoren gel bar bõsrenko johariń emako kana.

1Timothi 1:2

Biswạsi lekate sạri gidrạtiń Timothi ṭhen noa ciṭhiń oleda. Aboren Isor Baba ar Probhu Jisu Mạsi do daya, mãyã ar suluke dan am ma.

Aposkạmi 20:28

Ape do apnar lạgitʼ sontor akae tahenpe, ar okoe sonot Jiu biswạsikoren horhoyicʼ lekate ape cetanreye emakan onko lạgitʼ hõ sontor akae tahenpe. Gupiyicʼ do cetʼleka acʼakʼ palren bhiḍikoe ńel todarotetʼko onkage ape hõ Isorakʼ manḍerko ńel todarotpe. Ente Isor do acʼakʼ mãyãmte onako manḍerre kirińakada.

Johan sodor 1:1

Noa puthire okako olakan ona do Jisu Mạsigeye sodor akada. Noako reaṅ Isor do Mạsi ṭhene sodorleda, jemon thoṛa ghạṛicʼ khange hoyokʼ lạgidokʼkan ghoṭnako acʼren golamkoe baḍae ocoko. Mạsi do acʼren goḍete kolkedete acʼren golam Johan do noa reaṅakʼkoe baḍae ocoledea.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛakatʼko ar Jisu Mạsi okoekoe rukhiyạ akatʼko onko ṭhen noa ciṭhiń oleda.

1 Patras 2:25

Bhiḍiko lekape chingạu adokʼkan tahẽkana, menkhan ńitokʼ do okoe apeakʼ jiwikoe ńeletʼkan uni gupiyicʼ ṭhenpe ạcur ruạṛakana.

Titus lạgitʼ Pạul Apostolakʼ ciṭhi 1:7

Isor ṭhen khon dạyike ńamakatʼ manḍer ạyuricʼ lekate nonka hoyokʼ jạruṛtaea jemon uni do okoe hõ aloko neṅghaoe. Uni do ḍiṭhạ̃uicʼ do alo, edre godokʼicʼ hõ alo, ńu bulokʼicʼ hõ alo, dalalicʼ hõ alo, lalocikʼ hõ aloe hoyokʼma.

Ibriko 13:23

Iń do baḍae ocope sanayediń kana je, aboren boeha Timothi do khalase ńamakada. Are hecʼlen khan iń do uni soṅgekateń hiripea.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniakʼ bhage sombat reakʼ katha ale do khulạsategele lạiyatʼpe tahẽkana.

Ephesiko lạgitʼ Pạul Apostolakʼ ciṭhi 1:15

Onate Probhu Jisure apeakʼ pạtiạu ar Isorren sanam hoṛkore apeakʼ dulạṛ reakʼ katha tinreń ańjomkeda,

1 Korinthiko 16:10

Ńelpe, Timothiye hecʼlen khan apeko talare jemon bin botorteye tahẽ daṛeakʼ, ente cetʼleka Probhuakʼ iń kạmikan onkage uni hõe kạmikana.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Aposkạmi 9:13

Ananiạse menkeda, “E Probhu, ḍher hoṛkoakʼ moca khon nui hoṛ reaṅ iń ańjomakada, Jerusalemre amren hoṛko ạḍi bạṛicʼe khed akatʼkoa.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiạko hõ onḍegeko tahena. Jãhãege ińakʼe kạmikan khan Baba do uniye manotea.

Mark 13:34

Ona din do nonkan mitʼṭen hoṛ lekana okoe do eṭakʼ disạmteye calao lạgidokʼkan. Ar oṛakʼe bạgiyakʼ jokhecʼ acʼren gutiko joto lekan dạyike ematʼkoa. Ar apan ạpin kạmikoe batlao baṛawatʼkote horhoicʼ do jagwar akae tahene men oṭoadea.

Johan sodor 22:9

Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

Johan sodor 2:12

“Pergamom nagraha reakʼ manḍerren goḍet ṭhen noa katha olme. Okaṭakʼ laser tarwaṛe banar secʼ dhar menakʼ ona ạidạrige noa kathae meneda:

Johan sodor 2:8

‘‘Smurnạ naṅgrha reakʼ manḍerren goḍet ṭhen noa katha olme: ‘‘Okoe doe etohopʼ are mucạtʼicʼkan, ar okoe doe gocʼlen are jiwetʼ beretʼen, uni do noa kathae meneda.

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ bhed do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭen manḍer kana.

Aposkạmi 1:20

Patrase menkeda “Sonot sostorre sereńko reakʼ puthire olakana, uniakʼ oṛakʼ do ujạṛokʼma; onare okoe hõ aloko tahenma, ar uniakʼ cetan hudạ do eṭakʼ hoṛe hataoma.

Galathiko lạgitʼ Pạul Apostolakʼ ciṭhi 1:10

Noate iń do okoeakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoeakana.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Ephesiko lạgitʼ Pạul Apostolakʼ ciṭhi 6:24

Aboren Probhu Jisu Mạsire okoekoakʼ bin mucạtʼ dulạṛ menakʼ onko sanamkore Isorakʼ daya baṛe tahenma.

Philipiko lạgitʼ Pạul apostolakʼ ciṭhi 2:5

Jisu Mạsiakʼ oka monsubạ tahẽkan apeakʼ ontorre hõ ona jemon tahen.

Philipiko lạgitʼ Pạul apostolakʼ ciṭhi 2:19

Asokʼ kạnạń, Probhu Jisuakʼ sana hoelen khan ạḍi usạrage ape ṭhen Timothiyiń kolea, jemon apeakʼ sombat ńamkate iń hõ monre uskuriń ńam.

Philipiko lạgitʼ Pạul apostolakʼ ciṭhi 3:3

Abo kangeabon sạriakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Philimon 1:1

Iń Pạul do Mạsi Jisuren kạidiń hoeakana. Iń ar ạlińren pạtiạricʼ boeha Timothi do ạlińren dulạṛiạ gate ar são kạmiyicʼ Philemon ṭhen,