Mathae 9:1 - Santali Common Language New Testament

¹ Inạ tayom Jisu do lạukạreye decʼena ar doreão paromkate acʼakʼ nagrahateye hecʼena.

সান্তালী বাইবেল

¹ Inạ tayom Jisu do lạukạreye decʼena ar doreão paromkate acʼakʼ nagrahateye hecʼena.

Mathae 9:1 Referans Kwoze

Mathae 4:13

Jisu do Gạlilteye calaoena ar Nasaret atoe bạgiatʼe Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Luk 8:37

Unre Gerasa ṭoṭharen sanam hoṛ Jisuko nehõradea jemon ako ṭoṭha khone calaojoṅ, ente onko do ạḍi botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Mark 5:21

Ado Jisu lạukạte arhõ doreão hanasae paromen khan ạḍi utạr hoṛ do uni ṭhen hecʼkateko jarwayena. Menkhan uni do unhõ doreão aṛereye tahẽkana.

Mathae 8:18

Ado Jisu acʼ beṛhaete ạḍi utạr hoṛkoakʼ bhiṛe ńelketʼ khan celako doreão hanasa calakʼ lạgitʼe hukumatʼkoa.

Mathae 7:6

“Okaṭakʼ sonotge ona do seta alope emakoa. Ar sukri samaṅre mạnik hõ alope giḍiya. Hoedaṛeakʼa onko do onakoko lebetʼ gasmanḍaoa ar ạcurkate apeko hoṭakʼ cirạpea.

Johan sodor 22:11

ar okoe mạilạyicʼ uni do mạilạ iditegeye tahenma. Dhoromicʼ do dhorom iditegeye tahenma ar okoe doe sonotge uni do sonot iditegeye tahenma.”

Mathae 8:23

Ado Jisu lạukạreye decʼen khan uniren celako hõ uni sãoteko calaoena.

Luk 8:40

Ado Jisu eṭakʼ aṛe secʼe ruạṛ calaoen khan onḍenko hoṛ do rạskạ monte uniko ataṅ daramkedea, ente onko do uni lạgitʼgeko koyokʼ hor akatʼ tahẽkana.