Mathae 8:4 - Santali Common Language New Testament

⁴ Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom bogeakana.”

সান্তালী বাইবেল

⁴ Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom boge akana.”

Mathae 8:4 Referans Kwoze

Luk 17:14

Jisu do murhucʼ jom rog hoṛ ńelketʼkoteye metatʼkoa, “Do senkate naekeko ṭhen udugokʼpe.” Ar calakʼ calakʼtege onko doko bogeyena.

Luk 5:14

Jisu do uniye hukumadea, “Noa katha do okoe ṭhen hõ alom lại baṛaea, bickom senkate naeke ṭhen ńel ocokʼme. Ar ona tayom saphakʼ babotre Mose okaṭakʼ dãṛẽ reakʼe hukumakatʼ ona samaṅ me. Inạ khan hoṛko ṭhenem sạbudokʼa am dom boge akana.”

Mark 7:36

Unre Jisu do noa reaṅ hoṛko lại baṛaeye manakatʼkoa. Menkhan tinạkʼe manakatʼko, unạkʼge onko do ona reaṅ artetʼge lại baṛaeko ehopʼena.

Mathae 9:30

Unre unkinakʼ mẽtʼ do beṅgetʼen tạkina. Ar Jisu do sontorketʼ kinteye metatʼkinạ,

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko birudre goha hoyokʼ.”

Mark 5:43

Jisu do noa ghoṭna okoe ṭhen hõ baṅ lại baṛae lạgitʼe sontorkatʼkoa; ar kuṛi do thoṛa jomakʼ emae lạgitʼe metatʼkoa.

Mathae 17:9

Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiakoa.”

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 5:17

“Noa do alope hudisa, Moseakʼ ạn-ạri ar nạbikoakʼ olakʼko bạtil lạgitʼ iń hecʼakana. Iń do bạtil lạgitʼ do baṅ, bickom purạu lạgitʼgeń hecʼakana.

Johan 8:50

Iń do apnarakʼ sabasi ńam lạgitʼ do bạń kurumuṭu kana, menkhan mitʼ goṭen menaea one okoe do manote emạńkan, ar uni kangea bicạricʼ do.

Johan 7:18

Okoe nij khon kathae roṛ uni do acʼakʼ sabasigeye ńam baṛaea, menkhan okoe kolakadiyicʼ reakʼ sabasiye ńam baṛayetʼkan uni doe sạrigea ar unire jãhãn eṛeakʼ do bạnukʼa.

Johan 5:41

“Manwakoakʼ sabasi ńam lạgitʼ do bạń kurumuṭuyeda,

Luk 21:13

onate iń reaṅ goha emokʼ reakʼ ạt hoyokʼtapea.

Mark 8:30

Unre Jisu do onkoe sontorkatʼkoa jemon acʼ reaṅ okoe ṭhen hõ aloko lại baṛae.

Mathae 16:20

Ona tayom uni do celakoe sontorkatʼkoa jemon okoe hõ aloko lại baṛaye, acʼ doe Mạsi kanae mente.

Mathae 3:15

Jisui menkeda, “Niạ dom do nonkage hoe ocowakʼme, ente Isorakʼ sana do nonkage purạu lek talaṅa.” Adoe aṛakʼadea.

Mark 13:9

“Sontor akan tahenpe. Maraṅ bạisiren hoṛko ṭhenko soprotpea ar sunạgogkoreko dalpea. Iń iạte disạm cakʼlaoko ar rapajko samaṅre teṅgokʼ hoyokʼtapea; ar onko samaṅre iń reaṅ goha emokʼ hoyokʼtapea.

Mark 3:12

Menkhan uni doe sontoretʼko tahẽkana okoe hõ jemon aloko sodore acʼ doe okoe kana mente.

Mark 9:9

Ado buru khonko pheḍ hijukʼkan tahẽkanre Jisu do onkoe hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lại akoa.”

Luk 4:41

Unre ạḍi utạr hoṛko khon bạṛicʼ jiuko hõko oḍok calaoena. Onko bạṛicʼ jiuko do kikiạuate memenko ehopʼena, “Am dom Isorren Hopon kana.” Onko do Mạsi kanae menteko baḍae akade tahẽkana. Ona iạte uni do onkoakʼ mocae bondketʼtakoa.

Luk 8:56

Ar kuṛiren eṅgat-apat dokin ṭhak utạrena, menkhan Jisu doe baron katʼkinạ, jemon noa ghoṭna okoe ṭhen hõ alokin lại baṛae.

Luk 9:21

Unre Jisu doe sontorkatʼkoa are hukumatʼkoa, okoe ṭhen hõ jemon noa katha aloko lại baṛae.