Mathae 7:21 - Santali Common Language New Testament

²¹ “Okoe ‘Probhu, Probhuko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe menjoṅ, unigeye bolo daṛeakʼa.

সান্তালী বাইবেল

²¹ “Okoe ‘Probhu Isor, Probhu Isorko’ mitạńkan onko joto do serma rajre ohoko bolo daṛelena, menkhan okoe ińren serma Babawakʼ sana leka senokʼe monejoṅ, unigeye bolo daṛeakʼa.

Mathae 7:21 Referans Kwoze

Romiko lạgitʼ Pạul Apostolakʼ ciṭhi 2:13

Okoe eken ạn reakʼ kathako ańjometʼkan onko do Isor samaṅre dhorom doko baṅkana, menkhan ạn lekate calakʼkankoge Isor do dhorom menteye ataṅkoa.

Luk 6:46

“Ape do cedakʼ ‘Probhu, Probhupe’ mitạń kana, menkhan iń okań metape ona do bape onkayeda?

Jakob 1:22

Eken Isorakʼ katha ańjomkate do baṅ hoyokʼa, onaleka kạmi hõ lagaokʼa. Eken Isorakʼ kathagepe ańjom ar ona leka bape kạmi enḍekhan ape do apnartegepe ṭhokakʼ kana.

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyạgokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Ibriko 4:6

Nitokʼ noa katha do ṭhikgea je, adom hoṛ do uniakʼ jirạu joṅ jaegareko bolokʼa; Menkhan okoe Israelko ṭhen pạhilte bhage sombat lại jạhirlen, onko do bebatao iạte Isorakʼ jirạu joṅ jaegare bako sen daṛeatʼ tahẽkana.

Johan 6:40

Ińren Babawakʼ sana do nõkʼõe jemon Hoponko beṅgetʼae ar unire pạtiạukʼ mitʼke mitʼko do jaejug jion tahentako. Ińge onko do mucạtʼ dinreń jiwetʼ beretʼkoa.”

Johan sodor 3:5

Okoeye jitạukʼa uni do nonkan ponḍ kicricʼe horoga. Ar iń do jion reakʼ puthi khon uniakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Mathae 12:50

ente okoe sermare menae Babawakʼ mone lekako senokʼ, onkoge ińren boehań, miserań ar eṅgạń kanako.”

Johan sodor 22:14

“Bhạgangeako onko do, one okoe do akoakʼ kicricʼko ạrupʼetʼkan jemon jion dare reakʼ jo jom reakʼ ạidạriko ńam ar duạr secʼte nagrahateko bolo daṛeakʼ.

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

Mathae 18:3

“Sạrigeń metapekana, mon ạcurkate kạṭicʼ gidrạko leka bape hoelen khan serma rajre ohogepe bolo daṛelena.

Johan 7:17

Jãhãe uniakʼ sanaleka senokʼe menjoṅ khan enḍekhane bujhạu daṛeakʼa noa cecetʼakʼ do Isor secʼ khonakʼ kana se iń nij khoniń roṛeda.

Romiko lạgitʼ Pạul Apostolakʼ ciṭhi 12:2

Noa bạṛicʼ piṛhirenko leka do alope colona, bickom Isorge apeakʼ mon nawate tear ocowaepe ar purạte nawa arokʼpe, jemon Isorakʼ monejoṅakʼpe baḍae daṛeakʼ. Isorakʼ monejoṅakʼko do bhagegea, ar purạ khạṭigea ar onate Isor doe kusikʼkana.

Mark 3:35

Okoe Isorakʼ sana lekako senokʼkan onkoge ińren, boeha, misera ar eṅgạń kanako.”

1 Thessalonikikko 5:18

jotowakʼre Isor gunmanao joharaepe; ente Jisu Mạsi hotete ape lạgitʼ Isorakʼ monejoṅakʼ do noakangea.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte manaote aperen kisạ̃ṛko ṭhen tabekʼpe.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼte iń sãote rạskạ seledokʼme.’

1 Thessalonikikko 4:3

Isorakʼ monejoṅakʼ do noage, jemon sonotkope hoyokʼ, metakʼme sanam lekan loṭghuṭi khon sahaṛ akae tahenpe,

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ mone joṅakʼ baḍaekate khạṭi akanpe teṅgo ṭarhao daṛeakʼ.

Luk 13:25

Unre oṛakʼren kisạ̃ṛ beretʼkate silpińe siń esetʼlere ape do bahrere teṅgokate silpiń ṭhopʼ ṭhopʼkatepe mena, ‘E Probhu, jhicʼ aleme.’ Menkhan uni doe roṛ ruạṛ apea, ‘bạń baḍaeyetʼpea okaren kan coṅpe.’

Luk 18:25

Kisạ̃ṛko Isorakʼ rajte bolokʼ khon, sui bhugạkʼte ũṭe bolo tabokʼge algawa.”

Mark 9:47

Amakʼ mẽtʼ kại horteye ạyur idime khan ona hõ hoṭor totʼ giḍikakʼme. Ente banar mẽtʼ tahentam tulucʼ norokte bolokʼ khon mitʼ mẽtʼante Isorakʼ rajre bolokʼge am lạgitʼ bhagea.

Mathae 19:24

Arhõń metapekana, kisạ̃ṛ hoṛ serma rajte bolokʼ khon sui bhugạkʼte ũṭe bolo tabokʼge algawa.”

Mathae 18:35

“Onkage, ape mimitʼko aperen boehako apeakʼ ontorte bape ikạleko khan, sermare menae ińren Baba hõ apeye onkawapea.”

Johan 15:23

Okoe ińe kurudạń uni do ińren Babageye kurudae kana.

Mathae 26:42

Uni do ruạṛ senkate dosar dhao koeketʼteye menkeda, “E Baba, noa bạṭi iń ṭhen khon baṅ pharakokʼ khan begor onań ńũite, enḍekhan amakʼ sanaleka baṛe hoyokʼma.”

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodorakada; menkhan ińren sermaren Babageye sodor akatʼmea.

Johan sodor 2:27

Uni do mẽṛhẽtʼ ṭheṅgate onkoe ḍanṭaokoa ar hasa reakʼ bhajan lekae rạputʼgiḍikoa.

Johan 14:7

Ińpe baḍaeliń khan ińren Baba hõpe baḍaekea. Ape do ńitokʼ unipe baḍae akadea ar ńel hõpe ńelakadea.”

Johan 5:17

Unre uni do onko mukhiyạkoe metatʼkoa, “Ińren Baba do jao ghuṛiye kạmi kana ar iń hoń onkayeda.”

Mathae 26:39

Khan laha ńokʼ senkate uni doe taberena ar koeketʼteye menkeda, “E Baba, hoedaṛeakʼ khan noa duk reakʼ bạṭi do iń khon pharakokʼma. Enhõ ińiń menjoṅkan leka do baṅ, bickom amakʼ sanalekage baṛe hoyokʼma.”

Mathae 18:10

“Ńelpe, noko kạṭicʼko modren mitʼ goṭen hõ alope nihạ̃tkoa; ińiń metapekana sermare onkoren goḍetko do sanam ghạṛicʼ ińren sermare menae Babawakʼ mẽtãhãko ńeleda.

Mathae 18:19

‘‘Arhõń metapekana, apeko modre bar hoṛ dhạrtire jãhãnakʼ reaṅ mitʼ montekin koe enḍekhan sermare menae Baba secʼ khon hoyokʼ getakinạ,

Mathae 25:10

Ado onko lilhi kuṛi sunum kirińko sen akan tahẽkanrege Jãwãe beṭa doe hecʼena. Ar unre sapṛao akan tahẽkan kuṛiko do Jãwãe beṭa sãote bapla oṛakʼteko boloyena. Ar sanamkoko boloyen khan silpiń do sińena.