Mathae 6:5 - Santali Common Language New Testament

⁵ ‘‘Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼkana. Sạrigeń metapekana, onko do akoakʼ kuṛạiko ńam horayeda.

সান্তালী বাইবেল

⁵ “Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Mathae 6:5 Referans Kwoze

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Luk 18:13

Unre uni mạsul-uṭhạuicʼ do thoṛa sạṅgiń ńokʼre teṅgo akane tahẽkana. Uni do serma secʼ beṅgetʼ rakapʼ hõ bae dilleda; ar koṛam ceṭakʼateye menkeda, ‘E Isor, iń doń kại hoṛ kana; ińre mãyãkʼme baṛe.’

Mark 11:25

Apepe koejoṅre jãhãe birudre jãhãnakʼ tahentape khan uni do ikạyepe,

Luk 20:47

Hoṛko ṭhen ńel ocokʼ lạgitʼ onko do jeleń jeleńko koejoṅa, ar eṭakʼ secʼ do rạnḍi maejiukoakʼ dhonko luṭ joṅkana. Noko hoṛ do ạḍi bạ̃ṛti sạjạyokʼ hukumko ńama.”

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko birudreye teṅgona, menkhan mạ̃hirko doe bhorakoa.”

Luk 18:1

Ado celako sanam ghạṛicʼko koejoṅ ar alo jemonko as chuṭạukʼ onate Jisu do noa phene lạiatʼkoa: “Mitʼ nagrahare mitʼṭen hạkime tahẽkana.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Luk 11:43

“Hae ape Phạrusiko do! Ape do sunạgog reakʼ asol asol duṛupʼakʼkore duṛubokʼ ar hạṭiạ bajarkore johar ocokʼgepe kusiyakʼ kana.

Mathae 21:22

Ape do jãhãnakʼge pạtiạukatepe koe enḍekhan ona dope ńamgea.”

1 Thessalonikikko 5:17

ar mitʼ talao koejoṅpe,

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

Mark 12:38

Jisu do cetʼako tulucʼe metatʼkoa, “Sostor baḍaeko khon sontor akae tahenpe. Onko do tilpạṅ talpaṅ aṅgropko horoga ar hạṭiạ bajarkore johar ocokʼko kusiyakʼa.

Mathae 9:38

Onate phosolren mạlik ṭhen nehõrokʼpe jemon uni do phosol samṭao lạgitʼ hoṛe kolko.”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼetʼ kana. Onare ape hõ bape bolokʼkana ar okoe bolokʼko kurumuṭukan onko hõ bape bolo ocoakokana.

Mathae 23:6

Ar bhojkore laha jaega ar sunạgogkore asol asol duṛupʼakʼre duṛupʼko kusiyakʼa.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 23:5

Hoṛko ṭhen ńelocokʼ lạgitʼ onko do sanamakʼko kạmiyeda. Sonot sostor reakʼ olakʼ tạbijkoko lạṭuiya ar dhorom ńel ocokʼ lạgitʼ oyonakʼ reakʼ ańcarkore jeleń jeleńko dạsiya.

Luk 6:24

“Menkhan hae ape kisạ̃ṛko do! Ape do apeakʼ jiwi raṛecʼpe ńam horayeda.