Mathae 5:19 - Santali Common Language New Testament

¹⁹ Onate jãhãege noa kạṭicʼ utạrakʼ hukumko modre mitʼ goṭecʼe rạpud ar onkage hoṛkoe cetʼako, uni do serma rajre huḍiń utạricʼe ńumogokʼa. Menkhan jãhãege onakoe senakʼ are cetʼako uni do serma rajre maraṅe ńum ocokʼa.

সান্তালী বাইবেল

¹⁹ Onate jãhãege noa kạṭicʼ utạrakʼ hukumko modre mitʼ goṭecʼe rạpud ar onkage hoṛkoe cetʼako, uni do serma rajre huḍiń utạricʼe ńumogokʼa. Menkhan jãhãege onakoe senakʼ are cetʼako uni do serma rajre maraṅe ńum ocokʼa.

Mathae 5:19 Referans Kwoze

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 11:11

Sạrigeń metapekana, maejiuko khon janam akan modre Johan bạbạptisicʼ khon maraṅ do okoe hõ bạnukʼkoa. Menkhan serma rajre okoe do joto khone huḍińge uni hõ Johan khon doe maraṅgea.

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Johan sodor 2:20

Enhõ am birudre ińakʼ noa katha roṛ reakʼ menakʼtińạ. Am do Jesebel ńutuman uni maejiuakʼ bedhoromem sahao akatʼa. Nui Jesebel do acʼte nạbiye ńumogokʼ kana. Ar acʼakʼ cecetʼakʼte uni do ińren gutikoe bulạuetʼkoa, jemon onko do laṭghaṭko kạmi ar boṅga ṭhen samaṅakʼko jom.

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoeakante cetʼ enḍekhan bon kạigea? Khạṭige baṅa.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Romiko lạgitʼ Pạul Apostolakʼ ciṭhi 6:1

Enḍekhan cetʼ noa bon mena, Isorakʼ daya jemon bạ̃ṛtikʼ, onate kại iditege bon tahena?

1 Patras 5:4

Enḍekhan maraṅ gupiyicʼe ńel ocokʼre ape do jit reakʼ mala lekate uniakʼ ṭhonokren bhạgiạdarkope hoyokʼa, ar ona do tis hõ baṅ mosodokʼtapea.

Luk 11:42

“Hae ape Phạrusiko do! Ape do eken podina, tejpat ar mitʼke mitʼ aṛakʼ sakam reakʼ gel hạṭiń reakʼ mitʼ hạṭińge Isorpe emae kana, menkhan dhorom bicạr ar Isorakʼ dulạṛ secʼ do bape moneakʼkana. Onate sedaeakʼko pańjae são sãote tayom reakʼakʼko hõ pańjae lek tapea.

Mathae 19:28

Jisui metatʼkoa, “Sạrigeń metapekana, okoe ińren celape hoeakan, nawa janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Romiko lạgitʼ Pạul Apostolakʼ ciṭhi 3:8

Enḍekhan cetʼ noa katha bon mena, “Dela, bạṛicʼakʼ bon kạmi idima jemon bạṛicʼakʼ hotete bhageakʼ hoyokʼtabon?” Adom adom hoṛko nisṛạuetʼbona je, abo do nonkan kathage bon roṛ baṛayeda. Onko do akoakʼ sạjạiko ńamjoṅa.

Aposkạmi 1:1

Manotan Theophil, Jisu sermate ạuriye rakapʼ ocokʼ hạbicʼ okakoe kạmiletʼ are cetʼkokan tahẽkan ona reakʼ sanamakʼge ińakʼ lahateakʼ puthireń ol akada. Uni do okoeko celakoe bachaowan tahẽkan, onko do acʼ sermate ạuriye rakapʼ ocokʼre sonot Jiu hoteteye hukumatʼko tahẽkana.

Luk 9:48

Ona tayome metatʼkoa, “Jãhãege iń ńutumte nui gidrại ataṅe, uni do ińgeye ataṅińạ. Ar okoe ińe ataṅiń, uni do kol akadińicʼgeye ataṅea. Apeko modre okoe sanamko khone huḍiń utạricʼkan, unigeye maraṅa.”

Luk 1:15

Ente Probhuakʼ mẽtʼãhã samaṅre uni do maraṅe hoyokʼa. Uni do tishõ darkha rasa se eṭakʼ jãhãn bubulakʼko bae ńũiya ar eṅgatakʼ kukhire tahen khonge sonot Jiuteye perejokʼa.

Mathae 20:26

Menkhan ape talare onka hoyokʼ do baṅ ṭhika. Ape modre jãhãe maraṅ hoyokʼe menetʼ khan uni do aperen sapʼ dapʼicʼe hoyokʼma.

1 Johan 3:4

Okoeko kạiyetʼkan onko do Isorakʼ katha bako bataoeda. Ar Isorakʼ katha bebataoge hoyokʼ kana kại do.