Mathae 5:18 - Santali Common Language New Testament

¹⁸ Sạrigeń metapekana, serma ar dhạrti ạuri cabakʼ hạbicʼ, ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

সান্তালী বাইবেল

¹⁸ Sạrigeń metapekana, serma ar dhạrti ạuri cabakʼ hạbicʼ, ar ạn-ạri reakʼ sanamakʼ kathako ạuri purạukʼ hạbicʼ ona ạn-ạri reakʼ mitʼ akhor se ṭuḍạkʼ hõ oho meṭaolena.

Mathae 5:18 Referans Kwoze

Luk 16:17

Menkhan ạn reakʼ mitʼ ṭuḍạkʼ meṭaokʼ khon bickom serma ar ot cabakʼge algawa.

1 Patras 1:25

Menkhan Probhuakʼ katha do jaejug hạbicʼ tahena. Ar noa kangea ona bhage sombat do, one okaṭakʼ do ape ṭhen porcar akan.

Mark 13:30

Sạrigeń metapekana, noako hoelenre hõ noa piṛhiren thoṛa hoṛ do bańcaoko tahena.

Johan sodor 20:11

Ona tayom mitʼṭen maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan 5:19

Onate Jisu do onko mukhiyạkoe metatʼkoa, “Sạrigeń metapekana, Hopon do acʼte cetʼge bae ceka daṛeakʼa. Baba okaṭakʼ kạmikane ńelekan eken onageye daṛeakʼa, ente Baba okae cekae Hopon hõ onageye onkayeda.

Mathae 17:20

Jisui metatʼkoa, “Apeakʼ nase pạtiạu iạte bape daṛeada. Sạrigeń metapekana, tuṛi jaṅ inạkʼ hõ biswạs tahentape ar noa burupe metakʼ, ‘nonḍe khon hanḍe ucạṛokʼme,’ enḍekhan ona do ucạṛokʼa.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”

Mathae 13:17

Sạrigeń metapekana, okakope ńeletʼ ona do ạḍi utạr nạbi ar dhorom hoṛko ńeńelko gagojlena menkhan bako ńelleda, ar okakope ańjometʼkan ona hõ ańjomko gagojlena menkhan bako ańjomleda.

Mathae 10:23

Mitʼ nagrahare santao arko khedlepere eṭakʼ nagrahate dạṛpe. Sạrigeń metapekana, Israel disạm reakʼ sanam nagraha ar atokore ạuripe kạmi purạurege Manwa Hopon doe hijukʼa.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Mathae 5:26

Sạrigeń metam kana, kạuḍi kạuḍi ạurim hala cabae hạbicʼ onḍe khon okalekate hõ ohogem oḍok daṛelena.

Johan 21:18

Sạrigeń metamkana, juạnem tahẽkanre amtem paṭhekʼkan tahẽkana ar jãhãtege sanayetʼme tahẽkan onḍegem calakʼkan tahẽkana. Menkhanem haṛamlenre am do amakʼ tim tiạr tama ar eṭagicʼ do ame tolmea ar okare calakʼ baṅ saname onḍegeye idimea.”

Johan 16:23

Enhilokʼ ape do cetʼge bape kuliyińạ. Sạrigeń metapekana, iń ńutumte Baba ṭhen jãhãnakʼgepe koe uni do onae emapea.

Johan 16:20

Sạrigeń metapekana, ape dope rakʼjoṅa arpe hae haeokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Johan 14:12

“Sạrigeń metapekana, okoe ińreye pạtiạukʼkan uni do iń okakoń kạmikan uni hõ onakoe kạmiya. Ar Baba ṭheniń calakʼkante uni do noako khon arhõ maraṅ maraṅakʼkoe kạmiya.

Johan 13:38

Unre Jisui menkeda, “Iń lạgitʼ cetʼ jiwim alaetama? Sạrigeń metam kana, sim sạnḍi ạuriye ragre am do pe dhaoem baṅeńa.

Johan 13:16

Sạrigeń metapekana, guti do acʼren kisạ̃ṛ khon bae maraṅa. Ar kol ocoyicʼ hõ kokolicʼ khon bae maraṅa.

Johan 12:24

Sạrigeń metaben kana, guhum jaṅ hasare ńurkate baṅ gocʼlen khan ona do eskarge tahena, menkhan gocʼlen khan do ạḍi utạr gele belekʼa.

Johan 10:7

Onate Jisu do arhõe metatʼkoa, “Sạrigeń metape kana, ińkangeạń bhiḍiko reakʼ duạr do.

Johan 10:1

“Sạrigeń metape kana, jãhãege bhiḍi khạṛ reakʼ duạrte baṅ bolokate eṭakʼ secʼteye bolokʼ uni do kombṛo are ḍạku kana.

Johan 8:58

Menkhan Jisui metatʼkoa, “Sạrigeń metapekana, iń do Abraham ạuriye janamokʼ khonge minạńạ.” Noa katha ańjomkate mukhiạko do Jisu tińe lạgitʼ dhiriko halaṅkeda. Menkhan Jisu do apnartetʼe danaṅente mundil khone oḍok calaoena.

Johan 8:51

Sạrigeń metapekana, jãhãege ińakʼ katha leka senokʼe menjoṅ enḍekhan uni do tis hõ bae gujukʼa.”

Johan 8:34

Jisui roṛ ruạṛatʼkoa, “Sạrigeń metapekana, okoe kạireko tahenkan onko sanamkoge kạiren golam kanako.

Johan 6:53

Jisui metatʼkoa, “Sạrigeń metapekana, Manwa Hoponakʼ jel bape jomle khan ar uniakʼ mãyãm bape ńule khan apere jion do bạnukʼanaṅ.

Johan 6:47

Sạrigeń metapekana, jãhãege ińreye pạtiạukʼ uni do unrege jaejug jione ńama.”

Johan 6:32

Jisu do onkoe metatʼkoa, “Sạrigeń metapekana, serma khon oka piṭhạpe ńamletʼ ona do Mose hõ bae emakatʼpea, menkhan ińren Babage sạri piṭhạ serma khone emapekana.

Johan 6:26

Jisui roṛ ruạṛatʼkoa, “Sạrigeń metapekana, hahaṛa kạmipe ńelletʼ iạtepe ńam baṛayediń kana ona do baṅ, bickom piṭhạkotepe jom bilen iạtepe ńam baṛayedińa.

Johan 3:11

Sạrigeń metamkana, ale do okale baḍae akatʼ onagele roṛeda ar okale ńelakatʼ ona reaṅge gohale emeda, menkhan ape do aleakʼ goha bape luturakʼ kana.

Johan 3:5

Jisui menkeda, “Sạrigeń metamkana, dakʼ ar sonot Jiu khon bae janamlen khan okoe hõ Isorakʼ rajte ohoe bolo daṛelena.

Johan 3:3

Jisu do Nikodemuse metadea, “Sạrigeń metam kana, jãhãe hoṛ dosar karte bae janamlen khan Isorakʼ raj do ohoe ńel daṛelea.”

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Luk 23:43

Jisu do uni roṛ ruạṛadeteye metadea, “Sạrigeń metam kana, am do teheńge Paradesrem iń tulujokʼa.”

Luk 18:29

Jisu do onkoe metatʼkoa, “Sạrigeń metapekana, okoe Isorakʼ raj iạte oṛakʼ-duạr, bạhu, boeha-misera, eṅgat-apat se gidrạkoko bạgi oṭo akatʼko,

Luk 18:17

Sạrigeń metapekana, jãhãege kạṭicʼ gidrạko leka Isorakʼ raj bae ataṅ uni do onare ohogeye bolo daṛelena.”

Luk 13:35

Ńelpe, apeakʼ oṛakʼ do ape samaṅre khạlige tahena. Ińiń metapekana, tin hạbicʼ ạuripe men, ‘bhorangeae Probhu ńutumte daraekanicʼ do,’ un hạbicʼ iń do ar bape ńelńameńa.”

Luk 12:37

Bhạgangeako onko guti do, one okoe do jagwar tahene hecʼ ńamko. Sạrigeń metapekana, uni kisạ̃ṛ do ḍanḍare kicricʼe paṭhekʼte onkoe duṛupʼ ocokoa ar hecʼkate acʼgeye jom ocokoa.

Luk 11:51

Hẽ, sạrigeń metapekana, Habel reakʼ mãyãm khon ehopʼkate Sakariạ hạbicʼ, one okoe do pinḍ ar sonot jaegareye gocʼ ocolen uni Sakariạ khũn hạbicʼ sanamkoakʼ mãyãm reakʼ dạyik do niạ piṛhiren hoṛgeko hoyokʼa.

Mark 14:30

Jisu do uniye metadea, “Sạrigeń metamkana, teheń ńindạ sim sạnḍi bar dhao ạuriye ragre am do pe dhaoem baṅeńa.”

Mark 14:25

Sạrigeń metapekana, Isorakʼ rajre darkha rasa nawate ạuriń ńũi hạbicʼ noa do ar bạń ńũiya.”

Mark 14:18

Ado jojomko duṛupʼ akan tahẽkanre Jisui metatʼkoa, “Sạrigeń metapekana, ape modre mitʼ hoṛe soprotińa, uni do iń tulucʼ jojomkanicʼge.”

Mark 14:9

Sạrigeń metapekana, dhạrti reakʼ jãhã jaegarege Isorakʼ bhage sombat porcarokʼ, onḍege nui maejiue kạmiakatʼakʼ hõ uni disạye lạgitʼ lại torakʼa.”

Mark 12:43

Unre Jisu do acʼren celako hohoatʼkoteye metatʼkoa, “Sạrigeń metapekana, nui reṅgecʼ rạnḍi maejiu do sundukre sanam hoṛko khon ḍhere danakada.

Mark 11:23

Sạrigeń metapekana, jãhãege begor digdhạte noa burui metakʼ, ‘nonḍe khon uṭhạukʼte jalapurire khadlekʼme,’ are pạtiạukʼ baṅma, okae menetʼ ona do hoyokʼa mente, enḍekhan uni lạgitʼ do hoyokʼgea.

Mark 10:29

Jisui roṛ ruạṛatʼkoa, “Sạrigeń metapekana, jãhãege iń ar Isorakʼ bhage sombat iạte oṛakʼ duạr se boehako se miserako se eṅgat se apat se gidrạko se ot baṛgekoe bạgi oṭoakatʼ,

Mark 10:15

Sạrigeń metapekana, okoe kạticʼ gidrạko leka Isorakʼ raj bae ataṅ, uni do okalekate hõ, Isorakʼ rajre bae bolo daṛeakʼa.”

Mark 9:41

Sạrigeń metapekana, Mạsiren hoṛpe hoeakante jãhãege iń ńutumte mitʼ bạṭi dakʼe ńu ocope, uni do okalekate hõ acʼakʼ kuṛại ohoe atʼletaea.

Mark 9:1

Ona tayom Jisu do celakoe metatʼkoa, “Sạrigeń metapekana, nonḍe teṅgo akanko modre nonkan hoṛ menakʼkoa one onko do Isorakʼ raj daṛe salakʼ hijukʼ ạuriko ńel hạbicʼ okalekate hõ bako gujukʼa.”

Mark 8:12

Noa iạte Jisu do kũhrạuateye menkeda, “Niạ piṛhiren hoṛko do cinhạ reakʼ cedakʼko khojkana? Ińiń metapekana, cetʼ cinhạge noko do baṅ udukʼakoa.”

Mark 6:11

Ar jãhã jaegaren hoṛ bako ataṅpe se kathako bako ańjom enḍekhan, ona jaegape bạgi oṭowakʼre apeakʼ jaṅga talka reakʼ dhuṛi hõ koṭa oṭokakʼpe jemon onage onko birudre goha hoyokʼ.”

Mark 3:28

Sạrigeń metapekana, manwakoakʼ sanam kại ar Isor birudre opoman katha do ikạkʼtaea,

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼ bape nonkawade, unạkʼge iń hõ bape onkawạdińa.’ ”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mathae 25:12

Unre Jãwãe beṭa doe roṛ ruạṛatʼkoa, ‘sạrigeń metapekana, iń do bạń orom akatʼpea.’”

Mathae 24:47

Sạrigeń metapekana, unige acʼakʼ menakʼtaeakʼ sanamakʼko cetanreye dohoyea.

Mathae 24:2

Unre Jisui metatʼkoa, “Ape ma noakope ńeletʼ, menkhan ińiń metapekana, nonḍe do mitʼṭen dhiri hõ eṭakʼ dhiri cetanre baṅ tahena, joto do rạputʼ giḍikʼa”

Mathae 23:36

Sạrigeń metapekana, niạ bidạlren hoṛkoge ona mãyãm reakʼ dạyiko hoyokʼa.

Mathae 21:31

Ado nukin bar hoṛ modre okoeṭakʼ do apatakʼ sana lekakin kạmikeda?” Unre sostor baḍaekoko roṛ ruạṛadea, “Pạhilicʼge,” Jisui metatʼkoa, “Sạrigeń metapekana, mạsul uṭhạuko ar kusmbikoge ape khon lahare Isorakʼ rajreko bolokʼkana,

Mathae 21:21

Jisui roṛ ruạṛatʼkoa, “Sạrigeń metapekana, biswạs tahentape ar bape digdhạkʼ enḍekhan loa darere okań cekaketʼ ape hõ onape daṛeakʼa. Eken ona do baṅ, menkhan noa buru hõpe metakʼ, ‘uṭhạukʼte jalapurire khadlekʼme,’ enḍekhan ona hõ hoyokʼgea.

Mathae 19:28

Jisui metatʼkoa, “Sạrigeń metapekana, okoe ińren celape hoeakan, nawa janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 19:23

Unre Jisu do acʼren celakoe metatʼkoa, “Sạrigeń metapekana, kisạ̃ṛ hoṛko lạgitʼ serma rajte bolokʼ do muskilgea.

Mathae 18:18

‘‘Sạrigeń metapekana, dhạrtire okakope tola ona do sermare hõ tolge tahena, ar dhạrtire okape raṛae ona do sermare hõ raṛage tahena.

Mathae 18:3

“Sạrigeń metapekana, mon ạcurkate kạṭicʼ gidrạko leka bape hoelen khan serma rajre ohogepe bolo daṛelena.

Mathae 11:11

Sạrigeń metapekana, maejiuko khon janam akan modre Johan bạbạptisicʼ khon maraṅ do okoe hõ bạnukʼkoa. Menkhan serma rajre okoe do joto khone huḍińge uni hõ Johan khon doe maraṅgea.

Mathae 10:42

Jãhãege noko kạṭicʼko modre mitʼ hoṛ ińren cela mente mitʼ bạṭi reaṛ dakʼe ńu ocoye; sạrigeń metapekana, uni do oka lekate hõ acʼakʼ kuṛại do ohoe atʼletaea.”

Mathae 10:15

Sạrigeń metapekana, bicạr dinre ona nagraha reakʼ khon Sodom ar Gomora reakʼge boroṅ ḍher sahaokʼa.

Mathae 8:10

Jisu do noa katha ańjomkateye hahaṛayena, ar acʼ pańja edeyekankoe metatʼkoa, “Sạrigeń metapekana, Israelko modre nunạkʼ maraṅ pạtiạu do okoere hõ bạń ńelakada.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Luk 4:24

Uni do arhõe menkeda, “Sạrigeń metapekana, okoe nạbi hõ acʼakʼ nij atoren hoṛ do bako monewaea.