Mathae 5:12 - Santali Common Language New Testament

¹² Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

সান্তালী বাইবেল

¹² Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Mathae 5:12 Referans Kwoze

Luk 6:23

Unre ape do rạskạkʼpe ar hulạsokʼpe, ente ape lạgitʼ sermare maraṅ kuṛại menakʼa. Ente onkoren hapṛamko hõ nạbikoko onkaletʼkoa.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Kolossiko lạgitʼ Pạul Apostolakʼ ciṭhi 3:24

entepe baḍaegea, Probhu acʼren hoṛko lạgitʼ okae doho akatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼ kan uni doe Probhu Jisu kana.

1 Patras 4:13

Ona khon bickom Mạsiakʼ duk jom reakʼ bhạgiạdarkope hoeakante rạskạkʼpe, jemon uniakʼ mạhima sodorokʼre ape do rạskạtepe perejokʼ.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiakʼ hoṛmo reakʼ, metatʼme manḍerko lạgitʼ uniakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Romiko lạgitʼ Pạul Apostolakʼ ciṭhi 5:3

Eken ona do baṅ, harkhet sasetre hõ bon rạskạkʼ kana, ente bon baḍaea harkhet saset reakʼ jo do soboriye hoe ocoea,

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniakʼ katha leka calakʼko do uniakʼ ti khon kuṛạiko ńama.

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

1 Korinthiko 3:8

Rohoyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Luk 13:34

“E Jerusalem, E Jerusalem! Am do nạbikom gocʼetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko phạ̃kṛạ̃kʼ latareye guṅgutʼko onkage iń hõ amren hoṛko guṅgutʼkoń menleda, menkhan ape do bape rebenlena.

Ibriko 11:26

Uni do Misor reakʼ dhon durib khon Mạsi ńutumteakʼ opomange ạḍi bạ̃ṛtiye moneada, ente uni do kuṛại secʼe beṅgetʼ akatʼ tahẽkana.

Philipiko lạgitʼ Pạul apostolakʼ ciṭhi 1:29

Ape do eken Mạsirepe biswạs akante dayape ńam akada ona do baṅ, menkhan ona lạgitʼ duk jojom reakʼ daya hõpe emocoakana.

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼa,

Jakob 5:10

E boehako, okoe nạbiko Probhu secʼ khon kathako roṛakatʼ, ar kosṭo oktere cetʼlekako sombhuri akatʼ tahẽkana ona katha do hudiskate ńelpe.