Mathae 4:13 - Santali Common Language New Testament

¹³ Jisu do Gạlilteye calaoena ar Nasaret atoe bạgiatʼe Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

সান্তালী বাইবেল

¹³ Jisu do Gạlilteye calaoena ar Nasaret atoe bạgiyatʼte Sebulon ar Naphthạli elaka reakʼ doreão aṛe Kapharnạhum nagrahate senkateye berelena.

Mathae 4:13 Referans Kwoze

Johan 4:46

Jisu do arhõ Gạlil reakʼ ona Kana atoteye calaoena. Nonḍege uni do dakʼe darkha rasa ocoletʼ tahẽkana. Ar Gạlil reakʼ Kapharnạhum nagrahare mitʼṭen raj kạmiạ hoṛren hopontetʼ doe ruạ kạhil akan tahẽkana.

Mark 1:21

Jisu ar acʼren cela do Kapharnạhum nagrahateko calaoena. Ar jirạukʼ mãhãre uni do sunạgogre bolokate cetʼakoe ehopʼena.

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puri hạbicʼem ńurhạ ocokʼa. Okako hahaṛa kạmi amre hoeakan, ona Sodomre hoelen khan enḍekhan teheń hạbicʼ tahẽkokʼa honaṅ.

Johan 6:59

Kapharnạhum reakʼ sunạgogreye cetʼako kan tahẽkanre Jisu do noa kathae roṛleda.

Johan 6:24

Onate hoṛko do tinreko ńelkeda je, Jisu se uniren cela okoege onḍe bạnukʼkoa unre onko do onako lạukạre decʼkate Jisu ńame lạgitʼ Kapharnạhumteko calaoena.

Johan 6:17

ar mitʼṭen lạukạre decʼkate onko do Kapharnạhum nagrahate senokʼ lạgitʼ doreão paromokʼko ehopʼena. Unre do ńut akan tahẽkana, ar unhạbicʼ hõ Jisu do onko ṭhen bae hecʼakan tahẽkana.

Johan 2:12

Ona tayom Jisu do acʼren eṅgattetʼ, boehako ar celako sãote Kapharnạhum nagrahateye calaoena, menkhan onḍe onko do ḍher din bako tahẽlena.

Mathae 17:24

Jisu ar acʼren celako Kapharnạhum nagarahateko hecʼen khan mundil reakʼ khajna uṭhạuko do Patras ṭhen hecʼkateko kulikedea, “Aperen Guru do cetʼ mundil reakʼ khajnae emetʼkangea?”

Luk 4:23

Jisui metatʼkoa, “Ape do noa hõpe mitạńa, ‘E raranicʼ amge baṛe bogekokʼme.’ Arhõpe mitạńa, ‘Kapharnạhumre okako kạmi reakʼ kathakole ańjomakatʼ, ńitokʼ nijakʼ atorehõ udugme.’ ”

Mathae 4:14

Noa do hoyena Jesaea nạbi hotete roṛletʼakʼ katha jemon purạukʼ; enkathae,

Mathae 4:15

Sebulon ar Naphthạli elaka reakʼ, doreão secʼ, Jordan gaḍa reakʼ eṭakʼ aṛe ar boṅgan hoṛ jạtrenkoakʼ Gạlil

Mathae 9:1

Inạ tayom Jisu do lạukạreye decʼena ar doreão paromkate acʼakʼ nagrahateye hecʼena.

Mark 2:1

Thoṛa din tayom Jisu do arhõ Kapharnạhum nagrahateye calaoena. Ar hoṛko do mitʼṭen oṛakʼre menaea menteko ańjomkeda.

Luk 10:15

Ar am E Kapharnạhum, am do cetʼ serma hạbicʼ usul ocokʼem meneda? Tishõ baṅa, bickom am do patal puritem giḍi ocokʼa.”