Mathae 25:31 - Santali Common Language New Testament

³¹ “Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

সান্তালী বাইবেল

³¹ “Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 25:31 Referans Kwoze

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtko uni iạte koṛamko ceṭagokʼa. Onage hoyokʼ ma, Amen.

Mathae 19:28

Jisui metatʼkoa, “Sạrigeń metapekana, okoe ińren celape hoeakan, nawa janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mark 8:38

Niạ piṛhiren bepạtiạu ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Jihudạwakʼ ciṭhi 1:14

Adam bõsren eaeyicʼ metakʼme Enok hõ noko hoṛko reaṅ nạbiletʼteye menleda, “Ńelepe, Probhu do acʼren hajar hajar sonot goḍetkoante sanamko bicạrko lạgitʼe hijukʼ kana,

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Johan sodor 20:11

Ona tayom mitʼṭen maraṅ okocʼ ponḍ siṅghạson ar onare duṛupʼ akan mitʼ hoṛiń ńelkedea. Uni samaṅ khon dhạrti ar serma do ńir pharakena, ar onkinakʼ jaega do okarehõ baṅ ńamlena.

Johan sodor 3:21

“Jitạukʼkate cetʼleka iń do ińren Baba tulucʼ uniakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Mark 14:62

Jisui menkeda, “Uni kangeạń. Ar ape do Manwa Hopon sanam daṛeanicʼ Isorakʼ jojomsa aṛere duṛupʼ akan ar rimilte hijukʼkanpe ńelea.”

Mathae 26:64

Jisu do uniye metadea, “Hẽ am do ṭhikgem menakada; enḍekhan arhõń metapekana, ńit khon Manwa Hopon do sanam daṛean Isorakʼ jojomsa aṛere duṛupʼakan ar rimilte hijukʼ kanpe ńelea.”

Ibriko 1:8

Menkhan Hopontetʼ reaṅ doe meneda, “E Isor, amakʼ siṅghạson do jug cetan jugge; ar amakʼ ḍanṭao do hok reakʼ ḍanṭaokangea.

1 Thessalonikikko 4:16

Ar ãṭ aṛaṅte hukum são sãote maraṅ utạricʼ goḍetakʼ hoho ar Isorakʼ siṅgạ reakʼ saḍe soṅgete Probhu do serma khone pheḍ hijukʼa. Ar okoe Mạsi tulucʼ mitʼkateko gocʼ akan onkoge pạhilreko jiwetʼ beredokʼa.

Aposkạmi 1:11

E Gạlilren hoṛko nonḍe teṅgokate serma secʼ do cedakʼpe beṅgetʼ akada? Okoe ape ṭhen khone rakapʼ ocoyen ar cetʼleka sermate calakʼkanpe ńelkede onkage uni doe ruạṛ hijukʼa.”

Luk 22:69

Menkhan Manwa Hopon do ńit khon sanam daṛeanicʼ Isorakʼ jojomsa aṛere duṛupʼ akane tahena.”

Mathae 25:6

“Khan tala ńindạ jokhecʼ hoho ańjomena, ‘hạni ńelepe, Jãwãe beṭa doe hijukʼ kana! Ma oḍokokʼpe ar ataṅ daramepe.’

1 Thessalonikikko 3:13

Enḍekhan uni do apeakʼ ontore kajak ocoetapea, jemon aboren Probhu Jisu do acʼren sanam hoṛko soṅgekateye hijukʼre aboren Isor ar Baba samaṅre niphuṭ ar sonotkope hoyokʼa.

Ibriko 9:28

Ṭhik onkage ạdi utạr hoṛakʼ kại reakʼ bojha gokʼ idi lạgitʼ Mạsi hõ mitʼ dhãogeye dãṛẽyena. Uni do dosar dhaoe hijukʼa, menkhan unre kại ńutumte gujukʼ lạgitʼ do baṅ, bickom acʼ ńel horekanko bańcaoko lạgitʼgeye hijukʼa.