Mathae 25:20 - Santali Common Language New Testament

²⁰ Khange okoe mõṛẽ hajar ṭakae ńamletʼ uni do arhõ mõṛẽ hajar ṭaka ạgu darakateye menkeda, ‘E Probhu, am do mõṛẽ hajar ṭakam jimạwạdiń tahẽkana.

সান্তালী বাইবেল

²⁰ Khange okoe mõṛẽ hajar ṭakae ńamletʼ uni do arhõ mõṛẽ hajar ṭaka ạgu darakateye menkeda, ‘E Probhu, am do mõṛẽ hajar ṭakam jimạwạdiń tahẽkana.

Mathae 25:20 Referans Kwoze

Aposkạmi 20:24

Menkhan iń ṭhen do ińakʼ jiwi reakʼ jãhãn dam bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Jakob 2:18

Jãhãeko mendaṛekea, “Am do biswạs menakʼtama ar ińakʼ do kạmiko menakʼtińạ.” Kạmiko begorte amakʼ biswạs udukʼạńme ar iń do kạmi hotete ińakʼ biswạiń udukʼama.

Kolossiko lạgitʼ Pạul Apostolakʼ ciṭhi 1:29

Ar noa monsubạge Isorakʼ oka maraṅ daṛe ińreye kạmikan ona daṛe lekate iń do ạḍitetʼiń khaṭaokʼ kana.

1 Korinthiko 15:10

Menkhan ńitokʼ okań hoeakan ona do Isorakʼ dayategeń hoeakana. Iń cetanre uniakʼ daya do baṅ ạuṛiakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Mathae 18:24

Ado hisạb hataoe ehopʼen khan onko modren nonkan mitʼṭen gutiye ạgu ocoyena, one okoe do raj ṭhen lakh lakh ṭakae rin akatʼ tahẽkan.

Luk 19:13

Ado calakʼ lahare acʼren gel goṭen gutikoe hohoatʼkoa ar mimitʼ hoṛ mitʼ sae Dinarkate ematʼkoteye metatʼkoa, ‘iń ạuriń ruạṛ hijukʼ hạbicʼ noate bạnij bepar hataṛpe.’