Mathae 24:24 - Santali Common Language New Testament

²⁴ ente aema eṛe Mạsi ar eṛe nạbikoko hijukʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

সান্তালী বাইবেল

²⁴ ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 24:24 Referans Kwoze

Mark 13:22

ente eṛe Mạsi ar eṛe nạbikoko upelokʼa ar aema lekan hahaṛa kạmikoko uduga, hoedaṛeakʼ khan Isorren bachaoko hõko bulạu daṛeakoa.

Mathae 24:11

Ạḍi utạr eṛe nạbikoko hijukʼa ar aema hoṛko bulạukoa.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Mathae 24:5

ente ạḍi hoṛ in ńutumte hecʼkateko mena, ‘Iń doń Mạsi kana,’ ar ạḍi hoṛko bulạukoa.

2 Patras 3:17

E dulạṛiạ boehako, ape do noa katha laharegepe baḍae akatʼte sontor akae tahenpe, jemon noko bạṛicʼ hoṛkoakʼ bhul horte aloko bulạu idipe, ar apeakʼ kajak mon khon alope ńurokʼ.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

1 Johan 5:18

Baḍaeabon, Isor khon janamicʼ do kạire bae tahena. Ar okoe Isor khone janamakan unige uni doe rukhiạyea, ar Soetan do bae joṭetʼ daṛeaea.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu do acʼrenkoe baḍaeyetʼkoa, ar okoe do Mạsi Probhu menteko hohoaekan onko do sanam bedhorom kạmi khonko sahaṛokʼma.”

Johan 6:39

Okoeye kolakadiń uniakʼ sana do noage je, uni okoekoe emakawạdiń onko modre mitʼṭen hõ alo jemoniń atʼko bickom mucạtʼ dinreń jiwetʼ beretʼkoa.

Johan 6:37

Baba okoekoe emawạń onko jotoge iń ṭhenko hijukʼa. Okoe iń ṭhene hijukʼ uni do oka lekate hõ ohoń oḍok giḍilea,

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

Galathiko lạgitʼ Pạul Apostolakʼ ciṭhi 4:15

Menkhan ńitokʼ apnarte bhạgankope ńumugokʼ reakʼ do okortape? Ape reaṅ noa gohań em daṛeakʼa je, hoedaṛeakʼ khan ape do unre apeakʼ mẽtʼ sudhạ hoṭor totʼkatepe emkińạ honaṅ.

Romiko lạgitʼ Pạul Apostolakʼ ciṭhi 12:18

Daṛeakʼ bhor sanam hoṛko sãote sulukte tahenpe.

Aposkạmi 20:16

Asiạ Prodeshre Pạul jemon aloe bilomokʼ onate uni do Ephesusre teṅgo baṅkate ona aṛete parom calakʼe goṭa akatʼ tahẽkana. Uni do Jerusalemte seṭerokʼ lạgitʼe usạrayetʼ tahẽkana jemon hoedaṛeakʼ khan penṭekosṭ hilokʼ do onḍeye tahẽdaṛeakʼ.

Mathae 22:14

Ado mucạtʼre Jisui menkeda, “Ḍherkogeko hoho ocoakana, menkhan bachao ocoakanko doko thoṛagea.”

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭoea.

Mathae 24:25

Ńelpe, iń do laharege noakoń lại dohowatʼpea.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

Johan 4:48

Jisu do uni raj kạmiạ hoṛe metadea, “Jãhãn cinhạ se hahaṛa kạmi bape ńellekhan ape do okalekate hõ ohope pạtiạulena.”

1 Johan 2:18

E gidrạko, noa kangea mucạtʼ okte do. Apepe ańjom akada je, Mạsiren bạiriye hijukʼ kana mente, menkhan ńitrege uniren do arhõ aema bạiriko hecʼakana. Onate bon bujhạu daṛeakʼ kana, noa kangea mucạtʼ okte do.

1 Johan 2:22

Okoeye menetʼkan, Jisu do Mạsiye baṅkana, uni doe eṛeyicʼ kana? Okoe Baba ar Hopon bae aṅgockin uni do Mạsiren bạiri kanae.