Mathae 23:8 - Santali Common Language New Testament

⁸ “Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

সান্তালী বাইবেল

⁸ “Ape do guru mente alope hoho ocokʼa, ente mitʼṭengeae aperen Guru do, ar ape do jotokogepe boeha kana.

Mathae 23:8 Referans Kwoze

Jakob 3:1

E boehako, ape modre sanamkoge guru do alope hoyokʼa, entepe baḍaegea, abo do guru iạte eṭakʼko khon arhõ kajak bicạr hoyokʼtabona.

1 Patras 5:3

ape tabere okoe menakʼko onko cetanre mạliki alope calaoa, bickom nonkanko hoyokʼpe jemon ape ńelteko cetʼ daṛeakʼ.

Luk 22:32

Menkhan iń do am lạgitʼ iń koeyeda, jemon amakʼ biswạs alo ḍigạukʼtam. Am do iń ṭhenem ruạṛ hijukʼre amren noko boehakom keṭecʼkoa.”

Mathae 23:10

Ạyurko hõ alope ńum ocokʼa, ente aperen ạyuricʼ doe mitʼ goṭengea, uni do Mạsige.

Mathae 17:5

Ado Patras kathae roroṛkan tahẽkanrege mitʼṭen jhalkaokʼkan rimil do onkoe umul esetʼketʼkoa. Ar ona rimil khon mitʼṭen aṛaṅ ańjomena, “Nuige ińren dulạṛiạ Hopon, iń do unireń kusi akana. Ape do uniakʼ ańjomtaepe.”

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiạdariń hoeakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Johan sodor 22:9

Menkhan uni doe metadińạ, “Men, alo; iń do am ar amren biswạsi boehako, metakʼme nạbiko ar okoe do noa puthi reakʼ sanamakʼ kathako manaoetʼkan onkoren são golam kạnạń. Isorge baṛe sewawae me.”

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

2 Korinthiko 4:5

Ale apnar reaṅ do bale porcareda, bickom Jisu Mạsi doe Probhu kana mentele porcarede kana ar Jisu lạgitʼge aperen golamle hoeakana.

2 Korinthiko 1:24

Mạlik leka apeakʼ biswạsrele tạkicʼ ocoyetʼpea ona do baṅ, bickompe rạskạkʼ onate apeko sãotele kạmikana, ente pạtiạure ape do khạṭikope hoeakana.

Mathae 26:49

Onate Jihudạ do Jisu ṭhen hecʼkateye menkeda, “Johar Guru,” Ar noa menkateye cokʼadea.

Mathae 10:25

Cela lạgitʼ do niạge ḍhera acʼren guru lekae hoyokʼ ar golam hõ acʼren kisạ̃ṛ leka. Oṛakʼren kisạ̃ṛge Beelsebulko metaekan khan gharońjrenko do tinạkʼ artetʼgeko metakoa.

Mathae 23:7

Onko do hạṭiạ bajarkore johar ocokʼ ar hoṛko ṭhen guru men ocokʼgeko kusikʼkana.

Mathae 26:25

Ado okoe bạirikoakʼ tire Jisui soprot ocoye lạgidokʼkan tahẽkan uni Jihudại menkeda, “Guru, uni do cetʼ iń kạnạń?” Jisu do uniye metadea, “Am do ṭhikgem meneda.”

Mark 9:5

Unre Patras do Jisui metadea, “E Guru, ale nonḍe menakʼle do, bhagege hoeakana. Nonḍe pea kumbạ oṛakʼle benaoa, mitʼṭen do am lạgitʼ, mitʼṭen do Mose lạgitʼ ar mitʼṭen do Eliạ lạgitʼ.”

Mark 10:51

Jisu do uniye kulikedea, “Am lạgitʼ cetʼ iń cekaea? Ar cetʼem khojkana?” Kãṛã hoṛe menkeda, “E Guru, jemoniń ńeńel.”

Mark 11:21

Patras do Jisuakʼ katha disạketʼteye menkeda, “E Guru, ńelme okaṭakʼ darem sarapatʼ tahẽkan ona do rohoṛ akana.”

Mark 14:45

Onate Jihudạ do mitʼ mohnḍa Jisu ṭhen senkateye menkeda, “E Guru!” Ar noa menkateye cokʼadea.

Johan 1:38

Jisu do ạcurente pańjakane ńelketʼkinteye metatʼkinạ, “Cetʼben ńam kana?” Johanren cela dokin kulikedea, “E Rabbi, (torjomate) E Guru, am do okarem tahen kana?”

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan 3:2

Uni do mitʼ din ńindạ jokhecʼ Jisu ṭhen hecʼkateye menkeda, “E Guru, alele baḍaea am do mitʼṭen cecetʼicʼ leka Isor ṭhen khonem hecʼakana, ente okako hahaṛawakʼ kom kạmikan, ona do Isor soṅgete bae tahẽlen khan okoe hõ ohoe kạmi daṛelea.”

Johan 3:26

Onko do Johan ṭhen hecʼenteko menkeda, “E Guru, okoe do Jordan hanasare am sãoteye tahẽkan ar okoeṭakʼ reakʼ goham emletʼ, ńelme, uni doe bạptisetʼkoa ar sanam hoṛ uni ṭhengeko calakʼkana.”

Johan 4:31

Ar inạ takre celako do nehõradeteko metadea, “E Guru, thoṛa jom maṛaṅlem.”

Johan 6:25

Onḍe seṭerkate onko do Jisu sendra ńamkedeteko metadea, “E Guru, tinre nonḍe dom hecʼakana?”

Johan 9:2

Unre celako do Jisuko kulikedea, “E Probhu, okoeye kạiletʼte nui do kãṛãgeye janamena? Nui se nuiren go-babakin?”

Johan 11:8

Celakoko metadea, “E Guru, thoṛa din lahare mukhiạko dhirite tińmeko menetʼ tahẽkana, am do cetʼ arhõ onḍe calakʼem menjoṅ kana?”

Johan 20:16

Jisui menkeda, “Mạriạm.” Onate Mạriạm doe ạcurente Ibrite Jisui metadea, “Rạbbuni.” Mane do E Guru.

Philimon 1:16

Menkhan golam lekate do ar bam ńamea bickom golam khon hõ ḍher metakʼme, dulạṛiạ boeha lekatem ńamea. Ińren do ạḍi dulạṛiạ kanae, menkhan manwa ar biswạsi boeha lekate am ṭhen do artetʼge.