Mathae 20:14 - Santali Common Language New Testament

¹⁴ Amakʼ paona hataokate calao joṅme. Iń do am cetʼ lekań emakatʼme, onkage nui tayomicʼ hõ emayiń menjoṅkana.

সান্তালী বাইবেল

¹⁴ Amakʼ paona hataokate calao joṅme. Iń do am cetʼ lekań ematʼme, onkage nui tayomicʼ hõ emayiń menjoṅkana.

Mathae 20:14 Referans Kwoze

Johan 17:2

Am do sanam manwako cetanre ektiạriyem emakawadea, jemon okoekom emakawade onko sanamko jaejug jione emako.

Luk 15:31

“Apattetʼ do uniye metadea, ‘E beṭa, am do jaoge iń soṅgere menama. Ar ińakʼ oka menakʼ ona joto do amakʼkangea.

Romiko lạgitʼ Pạul Apostolakʼ ciṭhi 3:19

Baḍaegea bon Moseakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 3:4

Khạṭige baṅa. Sanam manwako eṛegere hõ Isor do jao okteye sạrigea. Sonot sostorre ol menakʼa, jemon amakʼ kathakore dhoromem ṭarhaokʼ arem bicạrokʼre dom jitạukʼ.

Mathae 6:16

‘‘Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

Mathae 6:2

“Onate koeyem emokʼre phạsiạra hoṛko leka do alom onkaea. Ente onko do hoṛko ṭhen sarhao ocokʼ lạgitʼ sunạgogre ar kulhikore siṅgạ oroṅate koeko emakokana. Sạrigeń metapekana, onko do akoakʼ kuṛạiko ńam horayeda.

Luk 16:25

“Menkhan Abrahame menkeda, ‘disạime, am do jiwetʼem tahẽkanre tinạkʼ sukem jomleda ar Lasar do tinạkʼe sasetlena. Menkhan nonḍe uni do jiwi raṛecʼe ńameda ar am dom sasetokʼkana.

Mathae 20:13

“Unre mạlik do onko modren mitʼ hoṛe metadea, ‘E ho, iń ma bacoń behok akatʼme. Iń do cetʼ am tulucʼ mitʼ Dinarte bạń rikitlakʼa?

Mathae 20:15

Ar okaṭakʼ ińakʼ kan, ona do cetʼ ińakʼ kusileka laṛcaṛ reakʼ ektiạri bạnukʼtińạ? Se ińiń dayakʼkante mẽtʼ jolokʼkan tama?’ ”