Mathae 2:12 - Santali Common Language New Testament

¹² Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena.

সান্তালী বাইবেল

¹² Ar Isor do Herod ṭhen aloko ruạṛ calakʼa mente kukmũte onkoe sontorkatʼkoa. Unre onko do eṭakʼ horte akoakʼ disạmteko ruạṛ calaoena.

Mathae 2:12 Referans Kwoze

Mathae 2:22

Ona jokhecʼ Jihudạre Herod tayom uniren hopon Arkhilạus do raje tahẽkana. Ar Joseph do noa kathae ańjomketʼ khan onḍe calakʼ doe botorena. Tayomte uni do kukmũte hukume ńamketʼ khan Gạlil Prodeshteye calaoena,

Mathae 2:19

Herode gocʼen khan Probhuren mitʼṭen goḍet do Misor disạmre Joseph ṭhen kukmũte ńel ocoyenteye menkeda,

Mathae 2:13

Gonok ponḍetkoko calaoen khan Probhuren mitʼṭen goḍet do kukmũte Joseph ṭhen ńel ocoyenteye menkeda, “Ma beretʼme, gidrạ ar eṅgattetʼ sotokʼkinte Misor disạmte dạṛme ar ạuriń metam hạbicʼ onḍege tahenme, ente Herod do gidrạ goje iạteye sendra lạgidokʼ kana.’”

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekaea, ente uni iạte teheń kukmũte ạḍi duk iń ńamakada.”

Mathae 1:20

Ado Joseph noako reakʼ tinreye gunạnokʼkan tahẽkana unre Probhuren mitʼṭen goḍet do kukmũte uni ṭhen ńel ocoyenteye menkeda, “E Dạud bõsren Joseph; Mạriạm baplaye do alom botorokʼa, ente uniakʼ kukhire okoeye janam akan uni do sonot Jiu reakʼ daṛetegeye janam akana. Uniren do mitʼṭen koṛa gidrại hoyokʼtaea.

Ibriko 11:7

Okaṭakʼ do unrehõ baṅ ńṭoṭhan tahẽkan, ona reaṅ Isor do Noahae sontorledea. Noah do Isor bhokti hoṛe tahẽkante Isorakʼ kathare biswạskate mitʼṭen jahaje benaoleda, jemon acʼakʼ gharońjrenko rukhiyạko ńam. Noah do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Aposkạmi 4:19

Patras ar Johankin roṛ ruạṛkeda, “Apeakʼ hukum liń manaoa se Isorakʼ hukumkoliń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

1 Korinthiko 3:19

ente Isor samaṅre noa dhạrti reakʼ akel do eken lelhawakʼ kana. Sonot sostorre ol menakʼa, “Isor do akelanko akoakʼ seantetʼreye sapʼetʼkoa.”

Luk 2:26

Sonot Jiu unireye tahẽkana are sodorade tahẽkana, gujukʼ lahare uni do Probhuren Mạsiye ńelea.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Ibriko 8:5

Naeke lekate onkoakʼ noa kạmi do serma kạmi reakʼ mitʼṭen nạmuna ar umul leka. Onate Mose tinre sewa tạmbui benao lạgidokʼkan tahẽkana unre Isor do noa menteye sontorledea, “Sinại buru coṭre okaṭakʼ nạmunań udukʼatʼme tahẽkan ṭhik onkage jemon jotowakʼkom benao.”