Mathae 19:16 - Santali Common Language New Testament

¹⁶ Ar ńelpe, mitʼṭen juạn koṛa do hecʼkate Jisui metadea, “E Guru, jaejug jion ńam lạgitʼ bhageakʼ cetʼko cekae hoyokʼtińạ?”

সান্তালী বাইবেল

¹⁶ Ar ńelpe, mitʼṭen juạn koṛa do hecʼkate Jisui metadea, “E Guru, jaejug jion ńam lạgitʼ bhageakʼ cetʼko cekae hoyokʼtińạ?”

Mathae 19:16 Referans Kwoze

Jihudạwakʼ ciṭhi 1:21

Aboren Probhu Jisu Mạsiakʼ mãyã do jemon jaejug jion secʼe idipe ona ńel hor lạgitʼge ape do Isorakʼ dulạṛre tahenpe.

Johan 3:15

jemon jãhãege unireye pạtiạukʼ uni do jaejug jion tahentae.

1 Johan 5:20

Arhõ bon baḍaea, Isorren Hopone hecʼente bujhạu reakʼ daṛeye emakatʼ bona jemon sạri Isor bon baḍae orom daṛeae. Okoe doe sạri Isor kan abo do uni tulucʼ bon kolom mitʼ akana, metakʼme uniren Hopon Jisu Mạsi tulucʼ menakʼ bona. Unige sạri Isor ar unige jaejug jion do.

1 Johan 1:2

Ona jion doe sodorlena. Ale do unile ńṭoṭhadea ar uni reaṅ gohale emeda. Okoe do Baba ṭhene tahẽkan ar ale ṭhene sodorlen ona jaejug jion reakʼ kathage apele baḍae ocoyetʼpea.

Mathae 25:46

Ona tayom Jisui menkeda, “Noko hoṛ do jaejug sạjạiteko calakʼa, menkhan dhoromko do jaejug jionko ńama.”

Titus lạgitʼ Pạul Apostolakʼ ciṭhi 3:7

Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.

1 Johan 2:25

Noa kangea jaejug jion, one okaṭakʼ Mạsi do abo emabon lạgitʼe gokʼakatʼ.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

1Timothi 6:19

Noate apnar lạgitʼ nonkan dhonko jogao joṅa one oka do darakan dinko lạgitʼ mitʼṭen keṭecʼ rehetʼ lekako hoyokʼte, sạriakʼ reakʼ jionko sapʼ dohojoṅ.

1Timothi 6:12

Mạsire biswạs iạte bhage lạṛhại ma lạṛhạime. Oka jaejug jion lạgitʼ Isore hohoakatʼme ona sapʼakae tahenme. Am do ạḍi utạr hoṛko samaṅre amakʼ biswạs reakʼ goham emleda.

Aposkạmi 16:30

Ona tayom uni do Pạul ar Silạs tạkin bahreteye oḍok ạguketʼkinteye kuliketʼkina, “Ma lạiyạń ben, kại khon bańcao ńam lạgitʼ do cetʼ cekae hoyokʼ tińạ?”

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniakʼ daya do rajokʼ: ar ona reakʼ jo do hoyokʼkana aboren Probhu Jisu Mạsi hotete jaejug jion hameṭ joṅ.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Johan 12:25

Okoe acʼakʼ jiwiye dulạṛ uni do acʼakʼ sạriakʼ reakʼ jione khuạutaea, menkhan okoe noa dhạrtire acʼakʼ jiwi bae dulạṛ uni do jaejug jion lạgitʼ acʼakʼ sạriakʼ reakʼ jione rukhiyạitaea.

Johan 10:28

Iń do jaejug jioniń emakokana. Onko do tishõ ohoko nosṭolena ar okoe hõ iń khon ohoko recʼidi daṛelekoa.

Johan 6:68

Simon Patras do Jisui metadea, “E Probhu, ale do okoe ṭhenle calakʼa? Jaejug jion reakʼ katha ma coṅ am ṭhenge.

Johan 6:47

Sạrigeń metapekana, jãhãege ińreye pạtiạukʼ uni do unrege jaejug jione ńama.”

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniakʼ ontorre jaejug jion lạgitʼ bhumbukokʼkan jharna leka hoyokʼa.”

Mathae 19:29

Ar iń iạte okoe do acʼakʼ oṛakʼ-duạr, se eṅgat-apat, se boeha-miserako, se gidrạko se ot-baṛgekoe bạgi oṭoakatʼ, uni do mitʼ sae doboṛ bạ̃ṛtiye ńama ar jaejug jion hõe ạidạri joṅa.

1Timothi 1:16

Onate Isor do ińe mãyã akawạdińa, jemon iń maraṅ kạiyan hotete Jisu Mạsi do acʼakʼ asambheṛ soboriye udukʼ daṛeakʼ. Ar unire pạtiạukʼ hotete okoe jaejug jionko ńam onko jemon iń ńelteko cetʼ daṛeakʼ onate uni do ińreye nonka akada.

Mathae 19:26

Jisu do celako beṅgetʼatʼkoteye metatʼkoa, “Manwako hotete do baṅ hoedaṛeakʼa, menkhan Isor hotete do sanamakʼge hoedaṛeakʼa.”

Mathae 19:15

Ado kạṭicʼ gidrạko bohokʼre capokateye bhoratʼkoa, ar onḍe khone calaoena.