Mathae 17:9 - Santali Common Language New Testament

⁹ Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiakoa.”

সান্তালী বাইবেল

⁹ Ado buru khonko pheḍ hijukʼkan tahẽkanre uni do noae hukumatʼkoa, “Okape ńelketʼ, ona do Manwa Hopon gocʼko khon ạuriye jiwetʼ beredokʼ hạbicʼ okoe hõ alope lạiyakoa.”

Mathae 17:9 Referans Kwoze

Mark 8:30

Unre Jisu do onkoe sontorkatʼkoa jemon acʼ reaṅ okoe ṭhen hõ aloko lại baṛae.

Luk 8:56

Ar kuṛiren eṅgat-apat dokin ṭhak utạrena, menkhan Jisu doe baron katʼkinạ, jemon noa ghoṭna okoe ṭhen hõ alokin lại baṛae.

Mathae 17:23

Ar hoṛko do uniko gojea, ar pe mãhã hilokʼre uni do gocʼko khone jiwetʼ beredokʼa.” Onate celako do ạḍiko mon dukena.

Mathae 17:12

Menkhan ińiń metapekana, Eliạ doe hecʼlengea ar bako ńel oromledea. Ar hoṛko cetʼleka sanaletʼko onkage uni cetanreko kạmikeda. Manwa Hopon hõ onkage hoṛko hotete duk jojom hoyokʼtaea.”

Mathae 8:20

Jisu do uniye metadea, “Toyokoakʼ do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hoponakʼ do bohokʼ dohoetae lạgitʼ jaega hõ bạnukʼtaea.”

Mathae 8:4

Ar Jisu do uniye metadea, “Men, okoe hõ alom lại baṛawakoa; bickom senkate naeke ṭhen ńel ocokʼme, ar Moseye hukum akatʼ leka dan samaṅme. Onate hoṛko ṭhenem sạbudokʼa am dom bogeakana.”

Mathae 12:16

Ar onko modre okoe do rugiko tahẽkan onko sanamkoe bogeketʼkoa ar acʼ reaṅ alo lại baṛae lạgitʼe sontorkatʼkoa.

Mathae 17:8

Adoko beṅgetʼ rakapʼketʼ khan Jisu chaḍa ar okoehõ bako ńel ńamletʼkoa.

Mathae 17:20

Jisui metatʼkoa, “Apeakʼ nase pạtiạu iạte bape daṛeada. Sạrigeń metapekana, tuṛi jaṅ inạkʼ hõ biswạs tahentape ar noa burupe metakʼ, ‘nonḍe khon hanḍe ucạṛokʼme,’ enḍekhan ona do ucạṛokʼa.

Mathae 17:22

Ado Gạlil Prodesh talateye parom calakʼkan tahẽkan jokhecʼ Jisu do acʼren celakoe metatʼkoa, “Manwa Hopon do hoṛkoakʼ tireko soprotea.

Luk 9:36

Ado katha roṛ thiren khan eken Jisu eskargeye ńelena. Ar celako do oneko ńelketʼ reaṅ okoe hõ bako lại baṛaletʼte hapegeko tahẽyena.