Mathae 17:27 - Santali Common Language New Testament

²⁷ Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoeme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”

সান্তালী বাইবেল

²⁷ Menkhan alaṅ iạte jemon khajna uṭhạuko aloko tạkijokʼ onate doreãote calakʼme ar bạ̃ṛsi caḍoyme, ar pạhilre okoeṭakʼ hakom rakabe unim or cahapʼle khan mitʼṭecʼ rupạ reakʼ ṭakam ńama. Ar ona hataokate iń ar am ńutumte khajna em oṭokakʼme.”

Mathae 17:27 Referans Kwoze

2 Korinthiko 6:3

Mạsi lạgitʼ okaṭakʼle kạmikan ona jemon alo nisṛạu ocokʼ, onate nonkanakʼko bale kạmikana one okaṭakʼte jãhãeko tạkicʼ botecʼkokʼ.

2 Korinthiko 8:9

Ape do aboren Probhu Jisu Mạsiakʼ daya dan reakʼ kathape baḍaegea, uni do apnartetʼe kisạ̃ṛgere hõ ape khạtirteye reṅgecʼena, jemon uniakʼ reṅgejokʼ hotete apepe kisạ̃ṛ daṛeakʼ.

1 Korinthiko 8:9

Menkhan, sontor akan tahenpe, jemon apeakʼ noa sạdhintetʼ do nijorkoakʼ tạkicʼakʼ aloe hoeocoe.

1 Korinthiko 8:13

Onate jomakʼte ińren boehae tạkijokʼ khan, enḍekhan iń do tis hõ jel do bạń joma, jemon ińren boeha aloe tạkijokʼ.

Romiko lạgitʼ Pạul Apostolakʼ ciṭhi 14:21

Jel jom, se darkha rasa ńũi se nonkanakʼ kạmi lek do baṅkana one okaṭakʼte amren boehae tạkicʼ botecʼkokʼ.

Jakob 2:5

E ińren dulạṛiạ boehako, ańjomtińpe. Dhạrti secʼte okoeko reṅgecʼge, onkoge cetʼ Isor do biswạsre kisạ̃ṛokʼ lạgitʼ bae bachao akatʼkoa? Okoe Isorko dulạṛedekan onko do uni okaṭakʼ rajosṭi udukʼako lạgitʼe gokʼatʼko tahẽkan ona rajosṭiren bhạgiạdarko hoyokʼ lạgitʼ cetʼ noko reṅgecʼ hoṛko bae bachao akatʼkoa?

1 Thessalonikikko 5:22

ar joto lekan bạṛicʼakʼ khon sahaṛ akae tahenpe.

Johan 6:61

Jisu do acʼren celako noa reakʼ karacʼ kurujokʼkane bujhạuketʼkoa. Onate uni doe metatʼkoa, “Noa iạte cetʼ monrepe tạkijokʼ kana?

Mathae 5:29

Amakʼ jojom mẽtʼe kại ocome khan ona do hoṭor oḍokkakʼme. Amakʼ goṭa hoṛmo norokre khadlekʼ khon ona mitʼ hạṭiń bạṛicʼ ocoakʼge am lạgitʼ bhagea.

Mathae 5:30

Amakʼ jojom tiye kại ocome khan ona do samakʼ giḍikakʼme. Amakʼ goṭa hoṛmo norok seṅgelre khadlekʼ khon hoṛmo reakʼ mitʼ hạṭiń nosṭo ocoakʼge am lạgitʼ bogea.

Mathae 17:26

Patrase menkeda, “Bidesi hoṛko ṭhen khon.” Jisu do uniye metadea, “Enḍekhan nij disạmren hoṛko do rehaeko ńamakada.

Mathae 18:6

“Ińreko pạtiạu akan noko kạṭicʼko modren mitʼ goṭen jãhãege kại horteye idiye enḍekhan uni do hoṭokʼre jante dhiri akawaete jalapuri reakʼ khạndri dakʼre unum giḍikaege bhagekʼa.

Mathae 18:8

“Amakʼ ti se jaṅga kại horteye idime khan ona do samakʼ giḍikakʼme. Banar ti ar banar jaṅga tahen tulucʼ jaejug seṅgelrem khadle ocokʼ khon ṭhunṭạ se leḍhage jionrem bolokʼge am lạgitʼ bogea.

Mark 9:42

“Ińreko pạtiạu akan noko kạṭicʼko modre mitʼ goṭen jãhãege kại horteye idiye enḍekhan uni do hoṭokʼre jante dhiri tolaete doreãore khadle giḍikaege uni lạgitʼ bhage hoyokʼa.

Mark 9:43

Amakʼ ti kại horteye or idime khan ona do samakʼ giḍikakʼme.

Luk 17:2

Noko huḍińko modre jãhãege mitʼ goṭen kại horteye idiye enḍekhan uni do hoṭokʼre jante dhiri akawaete doreãore khadle giḍikaege bhage hoyokʼtaea.