Mathae 16:3 - Santali Common Language New Testament

³ Ar setakʼ jokhecʼ dope mena, ‘teheń doe hoe daga ente serma do arakʼ ar dhũndgea.’ Serma reakʼ muṭhạn papachnao dope baḍaekana, menkhan okte reakʼ cinhạko do bape bujhạu daṛeakʼ kana.

সান্তালী বাইবেল

³ Ar setakʼ jokhecʼ dope mena, ‘teheń doe hoe daga ente serma do arakʼ ar dhũndgea.’ Serma reakʼ muṭhạn papachnao dope baḍaekana, menkhan okte reakʼ cinhạko do bape bujhạu daṛeakʼ kana.

Mathae 16:3 Referans Kwoze

Luk 12:56

E phạsiạrako, ot ar serma reakʼ cinhạ dope baḍae orometʼ kangea, menkhan ńitokʼ reakʼ okteko do cekate bape oromeda?

Luk 13:15

Unre Probhu do uni mukhiyại metadea, “E phạsiạrako! Jirạukʼ mãhãre ape do cetʼ aperen gadha se ḍaṅgrako goṛa khon raṛakate dakʼ ńũ bape idiyetʼkoa?

Mathae 11:5

Kãṛã hoṛko ńeńelkana, leḍha hoṛko taṛameda, murhucʼ jom hoṛko bogekʼkana ar kala hoṛko ańjomeda; gocʼ hoṛko jiwetʼ beredokʼkana ar reṅgecʼ orecʼko ṭhen do bhage sombat reakʼ katha lạiạgokʼ kana.

Luk 11:44

Hae ape do! Ente ape do begor cinhạ akatʼ topa lekanko kanape. One hoṛko do begor baḍaete ona cetanteko taṛam paromokʼ kan.”

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼetʼ kana. Onare ape hõ bape bolokʼkana ar okoe bolokʼko kurumuṭukan onko hõ bape bolo ocoakokana.

Mathae 22:18

Jisu do onkoakʼ monsubại baḍaeketʼ khane metatʼkoa, “E phạsiạrako, cedakʼpe biḍạuedeń kana?

Mathae 15:7

E Phạsiạrako! Jesaea nạbi do ṭhikge ape reaṅe nạbileda,

Mathae 7:5

E phạsiạra! Pạhilre amakʼ mẽtʼ reakʼ jobra oḍok giḍi maṛaṅme, enḍekhan boehamakʼ mẽtʼ khon cubạkʼ oḍokʼ lạgitʼ purṭhạm ńeńela.

Mathae 4:23

Jisu do Gạlil Prodesh reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

Ibriko 5:14

Okoekoakʼ umer hoeakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.