Mathae 16:13 - Santali Common Language New Testament

¹³ Jisu do Kạisạriạ Philipi reakʼ elakateye hecʼenre acʼren celakoe kuliketʼkoa, “Hoṛko do Manwa Hopon okoe kanae menteko meneda?”

সান্তালী বাইবেল

¹³ Jisu do Kạisạriạ Philipi reakʼ elakateye hecʼenre acʼren celakoe kuliketʼkoa, “Hoṛko do Manwa Hopon okoe kanae menteko meneda?”

Mathae 16:13 Referans Kwoze

Johan 5:27

Baba do manwa bicạrko lạgitʼ ektiạri Hopone emakawadea, ente uni doe Manwa Hopon kana.

Mathae 9:6

Menkhan ape jemonpe baḍae daṛeakʼ Manwa Hopon do dhạrtire kại ikạ reakʼ ektiạri menakʼtaea.” Ado noa menkate mitʼ kaṛ gocʼ rog hoṛe metadea, “Ma beretʼme, amakʼ parkom kuṭuṅtam ar oṛakʼte calakʼme.”

Mathae 13:37

Jisui roṛ ruạṛatʼkoa, “Okoe bhage itạye eretʼkan uni doe Manwa Hopon kana.

Mathae 12:8

Baḍaekakʼpe, Manwa Hopon kangeae jirạukʼ mãhãren mạlik do.

Mathae 8:20

Jisu do uniye metadea, “Toyokoakʼ do bhugạkʼ menakʼtakoa ar cẽṛẽkoakʼ hõ tukạ menakʼa, menkhan Manwa Hoponakʼ do bohokʼ dohoetae lạgitʼ jaega hõ bạnukʼtaea.”

Aposkạmi 10:38

Ar noa hõpe baḍaegea je, Isor do Nasaretren Jisuge sonot Jiu ar daṛeteye ojokʼlede tahẽkana. Isor do uni tulucʼe tahẽkante bhageakʼkoe kạmiyetʼ tahẽkana ar Soetanakʼ tire okoeko kosṭoko ńametʼkan tahẽkan onko sanamkoe bogeyetʼko tahẽkana.

Aposkạmi 7:56

“Ńelpe, iń do serma jhicʼ akan ar Manwa Hopon Isorakʼ jojomsa aṛere teṅgo akaniń ńelekana.”

Johan 12:34

Unre hoṛko do Jisuko metadea, “Sonot sostor khonle baḍae akada Mạsi do jaejug hạbicʼe tahena. Enḍekhan am do cekatem meneda, Manwa Hopon do coṭte rakapʼ ocokʼ hoyokʼtaea? Enḍekhan nui Manwa Hopon doe okoe kana?”

Mark 10:45

Disạipe, Manwa Hopon do sapʼsor ocokʼ lạgitʼ do baṅ bickom sapʼ sosorgeye hecʼakana ar ạḍi utạr hoṛkoakʼ chaḍaokʼ reakʼ dam lekate onkoakʼ jiwi bodolte acʼakʼ jiwi emokʼgeye hecʼakana.”

Mark 8:38

Niạ piṛhiren bepạtiạu ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Mathae 25:31

“Manwa Hopon do acʼren serma goḍetko sãote acʼakʼ ṭhonokanteye hecʼlenre uni do ṭhonok reakʼ siṅghạsonreye duṛupʼa.

Mathae 15:21

Ado Jisu ona jaegae bạgiatʼte Tur ar Sidon elakateye calaoena.

Mathae 13:41

Onko do uniakʼ rajosṭi khon sanam tạkicʼakʼ ar sanam bedhorom kạmikan hoṛko jarwa mitʼkoa ar jolokʼkan seṅgelreko khadlekoa.

Mathae 12:32

Manwa Hopon birudre jãhãege jãhãnakʼe roṛ ona do ikạkʼtaea, menkhan sonot Jiu birudre kathae roṛlekhan baṅ ikạkʼtaea, niạ jugre hõ baṅ ar darakan jugre hõ baṅ.

Johan 3:14

Cetʼleka Mose do hahaṅkarre bińe rakapʼlede onkage Manwa Hopon hõe rakapʼ ocokʼa,

Johan 1:51

Jisui menkeda, “Sạrigeń metapekana, serma jhicʼ akanpe ńela ar Isorren goḍetko do Manwa Hopon ṭhen pheḍ hijukʼ ar rakapʼ calakʼkanpe ńelkoa.”

Mathae 12:40

Cetʼ leka Jona do maraṅ hako lacʼre pe siń ar pe ńindạye tahẽkan, onkage Manwa Hopon hõ pe siń ar pe ńindạ ot bhitrireye tahena.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Mathae 16:28

Sạrigeń metapekana, nonḍe teṅgo akanko modre adom hoṛ menakʼkoa onko do Manwa Hopon acʼakʼ rajre ạuriko ńele hạbicʼ bako gujukʼa.”