Mathae 13:20 - Santali Common Language New Testament

²⁰ Ar cạṭạni hasare ńuren itạ reakʼte do onko reaṅ roṛ akana okoe do serma raj reakʼ katha ańjomkate unrege rạskạteko ataṅetʼkan,

সান্তালী বাইবেল

²⁰ Ar cạṭạni hasare ńuren itạ reakʼte do onko reaṅge roṛ akana okoe do serma raj reakʼ katha ańjomkate unrege rạskạteko ataṅetʼkan,

Mathae 13:20 Referans Kwoze

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniakʼ ona marsalre hulạsokʼpe kusilena.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniakʼ kathako ańjome kusikʼkan tahẽkana.

Aposkạmi 8:13

Ar uni Simon hõe pạtiạuente bạptismae hataokeda ar Philip são sãote sanam jaegakoteye senena ar cinhạ kạmiko ar maraṅ maraṅ hahaṛa kạmiko ńelteye ṭhak utạrena.

Mathae 7:8

Ente mitʼke mitʼ kokoyicʼ do milạuaea; ar ńam baṛayicʼ doe ńama ar ṭhopʼ ṭhopʼetʼicʼ do jhicʼaea.

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Mathae 13:21

menkhan onkore mońjte baṅ rehedokʼ kante thoṛa ghuṛi lạgitʼko ṭarhao tahen kana. Ar ona katha khạtirte tinre santao ar khedreko paṛaokʼkana unre onko doko pạcokʼkana.